រាជធានីភ្នំពេញ ៖ ជាតំណាងសម្តេចអគ្គមហាសេនាបតីតេជោ ហ៊ុន សែន លោកជំទាវប៊ុន រ៉ានី ហ៊ុន សែន បានអញ្ជើញទៅសាកសួរសុខទុក្ខ និងចែកអំណោយជូនដល់គ្រួសារកងទ័ពចំនួន៦០០គ្រួសារ កងទ័ពដែលកំពុងសំរាកព្យាបាលនៅមណ្ឌលសុខភាពចំនួន១០០នាក់ និងកងទ័ពសមរភូមិផងដែរ ដែលពិធីចែកអំណោយនោះបានធ្វើឡើងកាលពីថ្ងៃទី២៦ កុម្ភៈ នៅទីបញ្ជាការ
រាជធានីភ្នំពេញ ៖ ជាតំណាងសម្តេចអគ្គមហាសេនាបតីតេជោ ហ៊ុន សែន លោកជំទាវប៊ុន រ៉ានី ហ៊ុន សែន បានអញ្ជើញទៅសាកសួរសុខទុក្ខ និងចែកអំណោយជូនដល់គ្រួសារកងទ័ពចំនួន៦០០គ្រួសារ កងទ័ពដែលកំពុងសំរាកព្យាបាលនៅមណ្ឌលសុខភាពចំនួន១០០នាក់ និងកងទ័ពសមរភូមិផងដែរ ដែលពិធីចែកអំណោយនោះបានធ្វើឡើងកាលពីថ្ងៃទី២៦ កុម្ភៈ នៅទីបញ្ជាការដ្ឋានកងពលតូចអន្តរាគមន៍លេខ៨ដែលមានទីតាំងស្ថិតនៅក្នុងភូមិស្រអែម ឃុំកន្ទួត ស្រុកជាំក្សាន្ត ខេត្តព្រះវិហារ។
គ្រួសារកងទ័ពក្នុងមួយគ្រួសារៗទទួលបានអង្ករ២០គីឡូក្រាម មីយើង១កេសតូច ត្រីខ៥កំប៉ុង សារុង១ ក្រមា១ ភួយ១ អាវយឺតដៃវែង១ កំណាត់ស១ដុំ ថវិកា៣ម៉ឺនរៀល។ កងទ័ពដែលកំពុងសំរាកព្យាបាលនៅមណ្ឌលសុខភាពម្នាក់ៗទទួលបានមីយើង១កេសតូច ត្រីខ១០កំប៉ុង ស្ករស៣គីឡូក្រាម ទឹកដោះគោឆៅ៤ឡូ សារុង១ ក្រមា១ ភួយ១ និងថវិកា១០ម៉ឺនរៀល។ ចំណែកឯកងទ័ពសមរភូមិមុខវិញម្នាក់ៗទទួលបានមី១៤កញ្ចប់ ត្រីខ៨កំប៉ុង សាច់កំប៉ុង១០កំប៉ុង ឆៃប៉ូវ២គីឡូក្រាម អំបិល១គីឡូក្រាម ទឹកក្រូច១កំប៉ុង ទឹកបរិសុទ្ធឱរ៉ាល់១ដប និងថវិកា៣ម៉ឺនរៀល។
មានប្រសាសន៍សំណេះសំណាលនៅក្នុងឱកាសនោះ លោកជំទាវប៊ុន រ៉ានី ហ៊ុន សែន បានឱ្យដឹងថា មហិច្ឆតាឈ្លានពានរបស់ចោរសៀមឈ្លានពានទឹកដីកម្ពុជាមានរាប់រយឆ្នាំមកហើយ រហូតមកទល់នឹងពេលនេះពួកគេនៅតែចិញ្ចឹមចិត្តចង់បានទឹកដីកម្ពុជាដោយឥតអៀនខ្មាស ពិភពលោកនោះទេ ទោះបីជាទឹកដីកម្ពុជាត្រូវបានទទួលស្គាល់តាមផ្លូវច្បាប់អន្តរជាតិរួចទៅហើយក៏ដោយ។ កងទ័ពកម្ពុជាអង់អាចក្លាហានការពារទឹកដីមិនឱ្យបាត់មួយមិល្លីម៉ែត្រណាឡើយ។ ដោយសារតែផែនទីចោរដែលសៀមលួចគូឯកតោភាគីទើបធ្វើឱ្យមានបញ្ហាដី៤,៦គីឡូម៉ែត្រការ៉េនេះ។ តែទោះជាយ៉ាងណាក៏ដោយកំលាំងសាមគ្គីរវាងសមរភូមិក្រោយ និងសមរ ភូមិមុខ កំលាំងការពារជាតិមានសភាពរឹងមាំគួរឱ្យកត់សំគាល់ និងសាមគ្គីគ្នាជាមួយធ្លុងមួយទៀតផង ហើយលោកជំទាវមកសាកសួរសុខទុក្ខ និងចែកអំណោយនៅពេលនេះ មិនមែនក្នុងនាមជាប្រធានកាកបទក្រហមទេ ក្នុងនាមតំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាក្រកម្ពុជា។
លោកជំទាវបានថ្លែងអំណរគុណ និងកោតសរសើរចំពោះទឹកចិត្តអង់អាចក្លាហានរបស់កងទ័ពកម្ពុជាដែលការពារទឹកដីយ៉ាងរឹងមាំមិនឱ្យចោរសៀមចូលឈ្លានពានបាន សូម្បីតែមួយមិល្លីម៉ែត្រក៏មិនអាចយកបានដែររហូតមកទល់នឹងពេលនេះ ៕
ចែករំលែកព័តមាននេះ