រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៩និង២៦នាទីព្រឹកថ្ងៃទី១០ ឧសភា ឆ្នាំ២០២១ នៅមុខរោងចក្រហ្គ្រេន ធ្វីន អ៊ីនធើណេសិនណល (ខេមបូឌា) ភីអិលស៊ី (GTI) ជាអតីតរោងចក្រ QMI
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៩និង២៦នាទីព្រឹកថ្ងៃទី១០ ឧសភា ឆ្នាំ២០២១ នៅមុខរោងចក្រហ្គ្រេន ធ្វីន អ៊ីនធើណេសិនណល (ខេមបូឌា) ភីអិលស៊ី (GTI) ជាអតីតរោងចក្រ QMI ស្ថិតនៅភូមិត្រពាំងពោធិ សង្កាត់ចោមចៅទី៣ ខណ្ឌពោធិសែនជ័យ រាជធានីភ្នំពេញ គេសង្កេតឃើញកម្មករ កម្មការិនី ព្រមទាំងប្រជាពលរដ្ឋនាំគ្នាប្រជ្រៀតគ្នាយ៉ាងណែនណាន់តាន់តាប់ ដើម្បីមកចាក់វ៉ាក់សាំងការពារជំងឺកូវីដ១៩ ដែលក្រសួងការពារជាតិបានរៀបចំចាក់ជូនបងប្អូនកម្មករនៅចំណុចរោងចក្រខាងលើ ។
ទន្ទឹមនឹងការរៀបចំចាត់ចែងចាក់វ៉ាក់សាំងពីសំណាក់កងកម្លាំងខាងលើនេះដែរ គេសង្កេតឃើញថា កម្មករ កម្មការិនី បានសម្រុកទៅចាក់វ៉ាក់សាំងយ៉ាងច្រើនកុះករ រួមជាមួយនឹងប្រជាពលរដ្ឋដែលរស់នៅតំបន់ខាងលើ គឺបាននាំគ្នាប្រជ្រៀតយ៉ាងណែនណាន់តាន់តាប់ ដោយមិនបានរក្សាគម្លាតសុវត្ថិភាពឡើយ ដែលបញ្ហានេះធ្វើឱ្យមានការព្រួយបារម្ភអាចបង្កហានិភ័យឆ្លងជំងឺកូវីដ១៩ ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ