ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ក្មេងប្រុសអាយុ៦ឆ្នាំម្នាក់ ត្រូវបានប្រទះឃើញស្លា.ប់នៅអាងបន្ទប់ទឹកក្នុងផ្ទះ បង្កឲ្យភ្ញាក់ផ្អើលនេះកាលពីវេលាម៉ោង២និង៤០នាទីរសៀលថ្ងៃទី០៩ ខែឧសភា ឆ្នាំ២០២១ ស្ថិតនៅភូមិប្រឡាយជ្រៃ ឃុំគោកបល្ល័ង្គ…
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ក្មេងប្រុសអាយុ៦ឆ្នាំម្នាក់ ត្រូវបានប្រទះឃើញស្លា.ប់នៅអាងបន្ទប់ទឹកក្នុងផ្ទះ បង្កឲ្យភ្ញាក់ផ្អើលនេះកាលពីវេលាម៉ោង២និង៤០នាទីរសៀលថ្ងៃទី០៩ ខែឧសភា ឆ្នាំ២០២១ ស្ថិតនៅភូមិប្រឡាយជ្រៃ ឃុំគោកបល្ល័ង្គ ស្រុកមង្គលបូរី ខេត្តបន្ទាយមានជ័យ ។
បើតាមប្រភពព័ត៌មានពីនគរបាលស្រុកមង្គលបូរី បានឲ្យដឹងថា ក្មេងប្រុសរងគ្រោះខាងលើឈ្មោះ វ៉ារី សារ៉ា ភេទប្រុស អាយុ៦ឆ្នាំ មានឪពុកឈ្មោះ វុន វ៉ារី អាយុ៣៩ឆ្នាំ និងម្ដាយឈ្មោះ ផុន សុភា អាយុ៣៩ឆ្នាំ រស់នៅភូមិប្រឡាយជ្រៃ ឃុំគោកបល្ល័ង្គ ស្រុកមង្គលបូរី ខេត្តបន្ទាយមានជ័យ ហើយក្មេងរងគ្រោះគឺជាកូនទី៣ ក្នុងចំណោមបងប្អូន៣នាក់ ស្រី២នាក់។
ប្រភពដដែលបានបញ្ជាក់ថា នៅមុនពេលកើតហេតុ ស្ត្រីជាម្តាយបានប្រាប់សមត្ថកិច្ចថា ក្រោយពេលបាយថ្ងៃត្រង់រួច គាត់ក៏បានលង់លក់មួយភ្លាំង ដោយមិនដឹងថា កូនប្រុសរបស់គាត់ទៅងូតទឹកអាងនោះទេ លុះនៅពេលក្រោកពីដេកក៏បាត់កូន ហើយរូបគាត់ក៏បានដើរខាងក្រៅតែមិនឃើញឡើយ លុះទៅមើលនៅបន្ទប់ទឹកក្នុងផ្ទះ ស្រាប់តែឃើញស.ពកូនប្រុសអណ្តែតក្នុងអាងទឹកបាត់ទៅ ដោយមិនដឹងថា លង់ទឹកតាំងពីពេលណានោះទេ ។
នគរបាលមូលដ្ឋានបានបញ្ជាក់ថា អាងទឹកកន្លែងកើតហេតុនោះ មានកំពស់ជាងប្រហែល១ម៉ែត្រ និងបណ្តោយប្រហែល២ម៉ែត្រ ហើយសង្ស័យថា ក្មេងរងគ្រោះបានលេងសាប៊ូ រួចធ្លាក់ចូលក្នុងអាង ឬក៏ឈោងយកផ្តិល បណ្តាលច្រឡោតចូលកក្នុងអាង ហើយក៏លង់ស្លា.ប់តែម្តង ។ ក្រោយពេលកើតហេតុ ស.ពក្មេងរងគ្រោះត្រូវបានឪពុកម្តាយរៀបចំធ្វើបុណ្យតាមប្រពៃណីទាំងអាឡោះអាល័យជាទីបំផុត ៕
ចែករំលែកព័តមាននេះ