ថ្ងៃអាទិត្យនេះ ប្រទេសឡាវ មានអ្នកស្លា.ប់លើកដំបូង ដោយសារជំងឺកូវីដ-១៩
រដ្ឋធានីវៀងចន្ទន៍ ៖ ក្រសួងសុខាភិបាលឡាវ កាលពីថ្ងៃអាទិត្យ ទី០៩ ខែឧសភា ឆ្នាំ២០២១ បានរាយការណ៍ស្តីពី ករណីស្លាប់របស់អ្នកជំងឺកូវីដ-១៩ មួយនាក់…
រដ្ឋធានីវៀងចន្ទន៍ ៖ ក្រសួងសុខាភិបាលឡាវ កាលពីថ្ងៃអាទិត្យ ទី០៩ ខែឧសភា ឆ្នាំ២០២១ បានរាយការណ៍ស្តីពី ករណីស្លាប់របស់អ្នកជំងឺកូវីដ-១៩ មួយនាក់ ជាលើកដំបូង នៅក្នុងប្រទេសនេះ បើយោងតាមសារព័ត៌មានចិន ស៊ិនហួរ ។
លោក Latsamy Vongkhamsao អគ្គនាយករង នៃនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាលឡាវ បានប្រាប់អ្នកសារព័ត៌មានថា ជនរងគ្រោះ គឺជាស្ត្រីមានវ័យ ៥៣ឆ្នាំ ដែលទទួលបានការព្យាបាលជំងឹកូវីដ-១៩ នៅមន្ទីរពេទ្យ ដែលត្រូវបានរៀបចំឡើងនៅក្នុងរដ្ឋធានីវៀងចន្ទន៍ ប្រទេសឡាវ ចាប់តាំងពីថ្ងៃទី៣០ ខែមេសា ។
លោក Latsamy អោយដឹងបន្ថែមថា ប្រទេសឡាវ នៅថ្ងៃអាទិត្យនេះបានកត់ត្រាករណីឆ្លងថ្មីចំនួន ៦៩នាក់ទៀត ក្នុងរយៈពេល២៤ម៉ោង នាំអោយចំនួនសរុប បានកើនឡើងដល់ ១.៣០២នាក់ ។ អ្នកជំងឺកូវីដ-១៩ កំពុងសម្រាកព្យាបាលសរុបចំនួន ១,០៦៩នាក់ ហើយអ្នកជាសះស្បើយសរុបចំនួន ២៣២ នាក់ត្រូវបានបញ្ជូនចេញពីមន្ទីរពេទ្យ និងមានអ្នកស្លាប់ ០១នាក់ ៕
ចែករំលែកព័តមាននេះ