រាជធានីភ្នំពេញ ៖ ក្រោយពេលរាជរដ្ឋាភិបាលប្រកាសបញ្ចប់ការបិទខ្ទប់រាជធានីភ្នំពេញ និងក្រុងតាខ្មៅ បណ្ដាអាជីវកម្មនិងក្រុមហ៊ុនមួយចំនួនក៏អាចអនុញ្ញាតឱ្យបុគ្គលិកចូលធ្វើការនិងដំណើរការអាជីវកម្មឡើងវិញបានខ្លះចំពោះពលរដ្ឋនៅក្នុងតំបន់លឿង និងមានការរាលដាលកម្រិតស្រាល ។
ដោយឡែកចំពោះរោងចកក្រផ្នែកវាយនភណ្ឌកាត់ដេរ ផលិតស្បែកជើង និងផលិតផលធ្វើដំណើរនិងកាបូបនៅខែទី១ នៃការដំណើរការផលិតកម្មឡើងវិញត្រូវអនុវត្តវិធានការការចាំបាច់១១ចំនុច ។
១. បែកចែងកម្មករនិយោជិតចំនួន៥០ភាគរយនៃកម្មករនិយោជិតសរុប ឱ្យធ្វើការឆ្លាស់វេន គ្នារៀងរាល់២សប្ដាហ៍ម្ដង ក្នុងរយៈពេល១ខែ ដំបូង ។ការជ្រើសរើសកម្មករនិយោជិតចូលធ្វើការវេនទី១ (២សប្ដាហ៍ដំបូង) គឺត្រូវផ្ដល់អាទិភាពទៅលើកម្មករនិយោជិតដែលចាក់វ៉ាក់សាំងដូសទី២ ឬក៏បានចាក់វ៉ាក់សាំងដូសទី១ មិនស្ថិតនៅក្នុងតំបន់ដែលតម្រូវឱ្យផ្ដល់សំណាកដើម្បីវិភាគរកមេរោគកូវីដ១៩ បានផ្ដល់សំណាកដើម្បីវិភាគរកមេរោគកូវីដ១៩ ដោយមានលិខិតបញ្ជាក់ដោយគ្រូពេទ្យមានសមត្ថកិច្ច ។
២ . ផ្ដល់ប្រាក់ឈ្នួលចំនួន៥០ភាគរយ នៃប្រាក់ឈ្នួលសុទ្ធសាធប្រចាំខែ ដែលកម្មករនិយោជិតធ្លាប់ទទួលបាននាពេលកន្លងមក ដោយរក្សាទុកនូវអត្ថប្រយោជន៍ប្រចាំខែនិងការថែមម៉ោងចំនួន២ម៉ោង ក្នុងមួយថ្ងៃ និងការថែមម៉ោងនៅថ្ងៃអាទិត្យរបស់កម្មករជាដើម ។
៣. ផ្ដល់ម៉ាសយ៉ាងតិច១ក្នុងមួយ១ថ្ងៃ ដល់កម្មករនយោជិត និងតម្រូវនែនាំឱ្យកម្មករនិយោជិតពាក់ម៉ាស់ជាប្រចាំនៅកន្លែងធ្វើការ និងនៅពេលប្រើប្រាស់មធ្យោបាយធ្វើដំណើររួមគ្នា ។
៤. រៀបចំឱ្យមានការបាញ់អាល់កុលលើដៃ និងដងខ្លួន ព្រមទាំងការវាស់កម្ដៅមុនពេលចូលធ្វើការ និងក្រោយពេលអាហារថ្ងៃត្រង់ ។ បន្ថែមឧបករណ៍បាញ់អាល់កុលនៅក្នុងអគារផលិតកម្ម និងសាប៊ូលាងដៃ នៅក្នុងបន្ទប់ទឹក ។ បាញ់អាល់កុលម្ដងទៀតនៅពេលចេញពីធ្វើការ ដើម្បីកាត់បន្ថយហានិភ័យនៃការឆ្លងនៅពេលប្រើប្រាស់មធ្យោបាយធ្វើដំណើររួមគ្នា ។
៥. ត្រូវបន្តផ្ដល់អាហារថ្ងៃត្រង់ដល់កម្មករនិយោជិត ប្រសិនជារោងចក្រធ្លាប់ផ្ដល់ពេលការផ្អាកសកម្មភាពដោយវិធានការរដ្ឋបាល ។ ត្រូវជូនដំណឹងឱ្យកម្មករនយោជិតត្រូវតែយកអាហារពីលំនៅឋានរៀងខ្លួន ប្រសិនជារោងចក្រមិនមានផ្ដល់អាហារជូនកម្មករនយោជិត ។
៦. រៀបចំឱ្យមានច្រកចេញ ចូលបន្ថែមទៀតឬបែងចែកពេលវេលាដែលងនុញ្ញាតឱ្យកម្មករនិយោជិតដែលមកបំពេញការងារអាចចូលរោងចក្រនិងទីតាំងផលិតកម្មបានដោយសុវត្ថិភាព និងមិនមានការប្រជ្រៀងគ្នា ។
៧គ្រប់គ្រងប្រព័ន្ធខ្យល់ចេញ ចូលក្នុងទីតាំងផលិតកម្មឱ្យបានល្អ និងរៀបចំឱ្យមានការបាញ់ថ្នាំសម្លាប់មេរោគ ជាប្រចាំសប្ដាហ៍ ។
៨.ជួយសម្រួលកម្មករនិយោជិតក្នុងការចរចាជាមួយអ្នកផ្ដល់សេវាដឹកជញ្ជូនកម្មករ ឱ្យដឹកត្រឹម៥០ភាគរយនៃចំនួនដែលធ្លាប់ដឹកកាលពីពេលកន្លងមក និងត្រូវបាញ់អាល់កុលលាងដៃមុនពេលឡើងរថយន្ត និងលាងសម្អាតយានយន្តនៅពេលដាក់កម្មករនិយោជិតចុះ ហើយកកម្មករក៏ត្រូវពាក់ម៉ាសជានិច្ចនៅពេលជិះរថយន្តរួមគ្នា ។
៩ ផ្ដល់បញ្ជីឈ្មោះកម្មករនិយោជិត និងឈ្មោះពេទ្យប្រចាំរោងចក្រដើម្បីងាយស្រួលដល់ការធ្វើអន្តរាគមន៍ណាមួយក្នុងករណីចាំបាច់ ។
១០. រៀបចំឱ្យមានបុគ្គលិកផ្នែករដ្ឋបាលយ៉ាងតិចចំនួន២នាក់មកអធិការពេទ្យការងារ ដើម្បីផ្ដល់ព័ត៌មានប្រចាំសប្ដាហ៍អំពីការអនុវត្តវិធានការរបស់រោងចក្រ និងករណីសង្ស័យវិជ្ជមានកូវីដ១៩ ឬការដាក់ឱ្យកម្មករនិយោជិតណាម្នាក់ធ្វើចត្តាឡីស័កនៅតាមលំនៅឋាន។
១១. បម្រុងទុកនូវឧបករណ៍ធ្វើតេស្តរហ័ស ដែលទទួលស្គាល់ដោយក្រសួងសុខាភិបាលចំនួន១០ភាគរយនៃកម្មករនិយោជិតសរុបរបស់រោងចក្រ ដើម្បីបម្រុងទុកសម្រាប់ពេទ្យការងារ ឬពេទ្យរបស់មូលដ្ឋានសុខាភិបាលដែលជាដៃគូនាយកដ្ឋានពេទ្យការងារនៃក្រសួងការងារ ៕
ចែករំលែកព័តមាននេះ