ប៉ូលិសចរាចរណ៍ស័ក្តិ៣ ម្នាក់ នៅខេត្តសៀមរាប មកពីព្យាបាលនៅពេទ្យលោកសង្ឃវិញ រកឃើញឆ្លងកូវីដ១៩
- សៀមរាប
ខេត្តសៀមរាប៖ មន្ត្រីនគរបាលចរាចរណ៍ផ្លូវគោក លោកអនុសេនីយ៍ឯក ស័ក្តិ៣ ម៉ម សុថេន ត្រូវបានរកឃើញឆ្លងកូវីដ១៩ ក្រោយធ្វើតេស្តជាលើកទី២ កាលពីថ្ងៃទី៤ ខែឧសភា…
ខេត្តសៀមរាប៖ មន្ត្រីនគរបាលចរាចរណ៍ផ្លូវគោក លោកអនុសេនីយ៍ឯក ស័ក្តិ៣ ម៉ម សុថេន ត្រូវបានរកឃើញឆ្លងកូវីដ១៩ ក្រោយធ្វើតេស្តជាលើកទី២ កាលពីថ្ងៃទី៤ ខែឧសភា…
ខេត្តសៀមរាប៖ មន្ត្រីនគរបាលចរាចរណ៍ផ្លូវគោក លោកអនុសេនីយ៍ឯក ស័ក្តិ៣ ម៉ម សុថេន ត្រូវបានរកឃើញឆ្លងកូវីដ១៩ ក្រោយធ្វើតេស្តជាលើកទី២ កាលពីថ្ងៃទី៤ ខែឧសភា ឆ្នាំ២០២១។ លោកប៉ូលិសចរាចរណ៍ សក្តិ៣ រូបនេះ រកឃើញឆ្លងកូវីដ១៩ គឺក្នុងពេលលោកធ្វើចត្តាឡីស័ក នៅផ្ទះក្នុងខេត្តសៀមរាប បន្ទាប់ពីលោកវិលត្រឡប់ មកពីព្យាបាលជំងឺ នៅមន្ទីរពេទ្យមិត្តភាពកម្ពុជា-ចិន ព្រះកុសុមៈ ឬមន្ទីរពេទ្យលោកសង្ឃ ក្នុងរាជធានីភ្នំពេញ។
ក្នុងរបាយការណ៍ ជូនស្នងការនគរបាលខេត្តសៀមរាប ចុះថ្ងៃទី៦ ខែឧសភា ឆ្នាំ២០២១ លោកវរសេនីយ៍ទោ ស័ក្តិ៤កន្លះ ស៊ត់ សំណាង នាយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានលើកឡើងថា លោកអនុសេនីយ៍ឯក ម៉ម សុថេន អាយុ ៥០ឆ្នាំ មានអាសយដ្ឋាន ស្នាក់នៅភូមិដកពោធិ៍ សង្កាត់ស្លក្រាម ក្រុង/ ខេត្តសៀមរាប។ នៅថ្ងៃទី១៣មេសា លោក ម៉ម សុថេន ត្រូវបានដឹកចេញពីមន្ទីរពេទ្យបង្អែក ខេត្តសៀមរាប ទៅសំរាកព្យាបាលជំងឺ នៅមន្ទីរពេទ្យព្រះកុសមៈ ( ពេទ្យលោកសង្ឃ ) នៅរាជធានីភ្នំពេញ។ នៅថ្ងៃទី១៩មេសា លោក ម៉ម សុថេន ) ទាំងនៅមានជំងឺ មិនទាន់ជា ) បានធ្វើតេស្តយកសំណាកជំងឺកូវីដ១៩ លើកទី១ នៅរាជធានីភ្នំពេញ បានលទ្ធផល គឺអវិជ្ជមាន។ នៅថ្ងៃទី២០មេសា លោក ម៉ម សុថេន បានទទួលប័ណ្ណអនុញ្ញាតឲ្យចេញពីមន្ទីរពេទ្យលោកសង្ឃ ឲ្យវិលត្រឡប់មកខេត្តសៀមរាបវិញ ក្នុងនោះផងដែរ មន្ទីរពេទ្យ បានតម្រូវឲ្យធ្វើចត្តាឡីស័ក ១៣ថ្ងៃ នៅផ្ទះ។ ពេលមកដល់ខេត្តសៀមរាបទាំងយប់ លោក ម៉ម សុថេន ត្រូវបានបញ្ជូនទៅសាលាគរុកោសល្យ ដើម្បីធ្វើចត្តាឡីស័ក តែដោយមានការស្នើសុំពីសាម៉ីខ្លួន សុំធ្វើចត្តាឡីស័កខ្លួនឯង នៅផ្ទះ ខាងមន្ត្រីជំនាញ បានឯកភាព មកឲ្យធ្វើចត្តាឡីស័ក នៅផ្ទះតាមការស្នើសុំ។
របាយការណ៍ លើកឡើងថា នៅថ្ងៃទី៤ ខែឧសភា ឆ្នាំ២០២១ លោក ម៉ម សុថេន បានធ្វើតេស្តយកសំណាក លើកទី២ ម្តងទៀត នៅសាលាគរុកោសល្យ ខេត្តសៀមរាប បានលទ្ធផល គឺវិជ្ជមានជំងឺកូវីដ១៩។
លោកវរសេនីយ៍ទោ ស៊ត់ សំណាង គូសបញ្ជាក់ក្នុងរបាយការណ៍ថា «លោក ម៉ម សុថេន មិនបានចូលមកក្នុងអង្គភាព ដើម្បីបំរើការងារ ក្នុងអំឡុងពេល គាត់ឈឺ ឡើយ»៕ ច័ន្ទ រស្មី
ចែករំលែកព័តមាននេះ