ទោះបីមិនបានបន់ស្រន់សុំទឹកភ្លៀងក៏គង់ នឹងមានភ្លៀងធ្លាក់ដែរ ព្រោះមេឃស្រទំក្នុងរដូវវស្សា ទោះខិតខំបិទបាំងកាយដោយពាក់អាវភ្លៀងផង ទទូរឆត្រផងក៏គង់នឹងទទឹកខ្លះៗ មិនខាន ព្រោះដើរកាត់ភ្លៀង ។ កីឡាករ ជំរើសជាតិដ៏ល្បាញល្បី ទោះជាប្រឹងប្រែង លេងបាល់បានល្អយ៉ាងណា ក៏គង់មានអ្នកមិនធ្លាប់ជាន់តារាងបាល់ខ្លះបន្ទោសថា ទាត់បាល់ខុសបច្ចេកទេសយ៉ាងនេះយ៉ាងនោះ ឬក៏ថា លេងមិនបានល្អជាដើម ។ ចុះជំហានគីង្គក់
ទោះបីមិនបានបន់ស្រន់សុំទឹកភ្លៀងក៏គង់ នឹងមានភ្លៀងធ្លាក់ដែរ ព្រោះមេឃស្រទំក្នុងរដូវវស្សា ទោះខិតខំបិទបាំងកាយដោយពាក់អាវភ្លៀងផង ទទូរឆត្រផងក៏គង់នឹងទទឹកខ្លះៗ មិនខាន ព្រោះដើរកាត់ភ្លៀង ។ កីឡាករ ជំរើសជាតិដ៏ល្បាញល្បី ទោះជាប្រឹងប្រែង លេងបាល់បានល្អយ៉ាងណា ក៏គង់មានអ្នកមិនធ្លាប់ជាន់តារាងបាល់ខ្លះបន្ទោសថា ទាត់បាល់ខុសបច្ចេកទេសយ៉ាងនេះយ៉ាងនោះ ឬក៏ថា លេងមិនបានល្អជាដើម ។ ចុះជំហានគីង្គក់ របស់រាជរដ្ឋាភិបាល អ្នកគេងគងថ្ងាស ឬក៏អ្នកអង្គុយត្របោមក្បាលជង្គង់យកឈើទល់ភ្នែក ចាំសម្លឹងឃ្លាំមើលកំហុសបែបនេះឬបែបនោះ តើគេថាអ្វីខ្លះទៅ ? ពិតជាអាណិតសត្វគីង្គក់ ណាស់! ខំលោតផងវារផង កាត់ព្យុះកាត់ភ្លៀង កាត់ការគំរាមចាំសំពងឥតប្រណីពីសំណាក់ ពពួកមនុស្សមានអាជីពជាអ្នកជេរយ៉ាងល្បីល្បាញ ឯអ្នកនៅតែធ្វើដំណើរដោយភាពអត់ធ្មត់ដដែល ។
ម្យ៉ាងទៀត សេដ្ឋកិច្ចពិភពលោកធ្លាក់ចុះ ពិតជាប៉ះពាល់យ៉ាងធ្ងន់ធ្ងរដល់បណ្ដាប្រទេសកំពុងអភិវឌ្ឍន៍ ក៏ប៉ុន្ដែពិធីសម្ពោធដាក់ឱ្យប្រើប្រាស់ ឬក៏ពិធីសម្ពោធបើកការដ្ឋានសាងសង់ គ្រប់រចនាសម្ព័ន្ធសង្គមបាននិងកំពុងប្រព្រឹត្ដ ទៅជាបន្ដបន្ទាប់ មានន័យថា វិបត្ដិនេះមិនបាន បង្អាក់ជំហានរបស់គីង្គក់ឡើយ ។ តែកុំអួត ប្រយ័ត្នបងៗស្នេហាជាតិដែលផុសចេញពីបបូរមាត់ពិតៗមិនសប្បាយចិត្ដ ដ្បិតបាន ប៉ុណ្ណឹងមិនទាន់ដូចឋានសួគ៌ឯណា។ ណ្ហើយ ទុកឱ្យបងៗមិនសប្បាយចិត្ដសិនចុះ ។ កុំថាឡើយជំហានគីង្គក់ ទោះជាជំហានកង្កែប ឬ ជំហានយក្សក៏បងៗនៅតែមិនសប្បាយចិត្ដ ហើយស្ដីបន្ទោសដដែលជាដដែលហ្នឹង ។ បើស្រុកទេសបានថ្កុំថ្កើងរុងរឿង ជីវភាពប្រជាពលរដ្ឋកាន់តែប្រសើរឡើងៗ ពួកនេះកាន់តែព្រួយបារម្ភ កាន់តែមិនសប្បាយចិត្ដ គឺថាគេភ័យខ្លាចប្រជាប្រិយភាពដ៏តិចតួចស្ដួចស្ដើង របស់គេអាចបាត់បង់ទៅៗ ។
ពិតណាស់ ពិតជាបាត់បង់ ពិតជាបរាជ័យ ប្រសិនបើមិនព្រមងាកក្រោយមើលជុំវិញខ្លួន ហើយជួយជុលកែលំអឱ្យបានប្រសើរឡើង ពិសេសគឺ លោកមេបក្សផ្ទាល់ បើនៅតែប៉ប្លេកប៉ប្លូចបែបហ្នឹងមុខជាចោលដឹងទាំងដងហើយ ។ ជ័យជំនះគឺយកសច្ចធម៌ជាដើមទុន ដូច្នេះបងៗអាចចំណាយពេលខ្លះៗរៀនសូត្រត្រង ត្រាប់តាមគំរូវីរភាពថ្នាក់ដឹកនាំរាជរដ្ឋាភិបាល ដែលដឹកនាំប្រទេសបានជោគជ័យ រៀនញញឹមឡើង ដើម្បីទទួលយកសេចក្ដីសុខ ក្សេមក្សាន្ដ និងសមិទ្ធផលថ្មីៗទាំងអស់គ្នា ។ បានសន្ដិភាពប៉ុណ្ណេះទៅហើយ នៅខ្មាសអៀនអីទៀត ។ សប្បាយចុះ ឯរដ្ឋាភិបាលធ្វើ ផងគិតផង ផ្ចិតផ្ចង់បែបនេះមិនធ្លោយទេ បងៗ មិនចាំបាច់ចំណាយពេលច្រើនចង្អុលបង្ហាញឱ្យគេធ្វើនេះធ្វើនោះនាំឱ្យខាតពេលធ្វើអ្វី គេចេះធ្វើហើយ កុំខ្វល់ច្រើនពេកប្រយ័ត្នខូចគុណភាព ដ្បិតអី ទោះមាន់មិនរងាវក៏ថ្ងៃនៅតែរះ ដែរ។
ឌួង សុភាព ការិយាល័យរដ្ឋបាល ខុទ្ទកាល័យអគ្គបញ្ជាការ
ចែករំលែកព័តមាននេះ