ខេត្តកំពង់ឆ្នាំង ៖ ស្ត្រីជនជាតិវៀតណាមជាម្ដាយ និងកូនស្រីតូចម្នាក់ទៀត ដែលរស់នៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ រកឃើញវិជ្ជមានកូវីដ19 បន្ទាប់ពីយកសំណាកលើកទី2 ហើយលទ្ធផលចេញកាលពីរសៀលថ្ងៃទី4…
ខេត្តកំពង់ឆ្នាំង ៖ ស្ត្រីជនជាតិវៀតណាមជាម្ដាយ និងកូនស្រីតូចម្នាក់ទៀត ដែលរស់នៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ រកឃើញវិជ្ជមានកូវីដ19 បន្ទាប់ពីយកសំណាកលើកទី2 ហើយលទ្ធផលចេញកាលពីរសៀលថ្ងៃទី4 ខែឧសភា ម្សិលមិញ មានវិជ្ជមានកូវីដ១៩ ។ នេះបើយោងតាមការឲ្យដឹងពីលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង នៅព្រឹកថ្ងៃទី៥ ខែឧសភា នេះ ។
លោកប្រធានមន្ទីរសុខាភិបាលបានឲ្យដឹងថា ស្ត្រីជនជាតិវៀតណាមជាម្តាយ និងកូនដែលវិជ្ជមានកូវីដ១៩ទាំង២នាក់ខាងលើនេះក្នុងនោះស្ត្រីជាម្តាយឈ្មោះ ឡេ ធីធី អាយុ២៦ឆ្នាំ និងកូនស្រីឈ្មោះ ង្វៀង ធីអៀង អាយុ២ឆ្នាំ ដោយពួកគេបានឆ្លងពីស្ត្រីជនជាតិវៀតណាមម្នាក់កាលពីខែមុន ដែលមានវិជ្ជមានកូវីដ១៩ នៅក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង ។ បើគិតមកដល់ពេលនេះនៅក្នុងឃុំឆ្នុកទ្រូ ស្រុកបរិបូណ៌ មានអ្នកវិជ្ជមានកូវីដ១៩ សរុបចំនួន៦នាក់ហើយ ដែលសុទ្ធតែជាជនជាតិវៀតណាម។
ដោយឡែកលោកប្រធានមន្ទីរសុខាភិបាលខេត្តកំពង់ឆ្នាំងបានបញ្ជាក់ឲ្យដឹងទៀតថា អ្នកវិជ្ជមានកូវីដ១៩នៅក្នុងខេត្តកំពង់ឆ្នាំងគិតមកដល់ថ្ងៃនេះ សរុបមានចំនួន២១នាក់ហើយ ក្នុងនោះមានអ្នកជំងឺ២នាក់បានស្លា.ប់ នៅក្នុងបន្ទីពេទ្យបង្អែកខេត្តកំពង់ឆ្នាំង ។
ជាមួយគ្នានេះដែរមន្ទីរសុខាភិបាលខេត្តនិងអាជ្ញាធរខេត្តក៏សូមអំពាវ នាវផងដែរ ដល់ប្រជាពលរដ្ឋគ្រប់មូលដ្ឋាន សូមមេត្តាប្រុងប្រយ័ត្នឲ្យបានខ្ពស់ ពិសេសចំពោះប្រជាពលរដ្ឋដែលមានការពាក់ព័ន្ធផ្ទាល់និងប្រយោលជាមួយនឹងអ្នកជំងឺកូវីតនៅតាមមូលដ្ឋានសូមមេត្តារួសរាន់មកធ្វើសំណាក ដើម្បីរូមគ្នាទប់ស្កាត់ការរាលដាលជំងឺកូវីដ១៩ ចូលក្នុងសហគមន៍។
សូមបញ្ជាក់ផងដែរថា បន្ទាប់ពីរកឃើញស្ត្រីជនជាតិវៀតណាមម្នាក់មកពីរាជធានីភ្នំពេញមកកាន់ភូមិឆ្នុកទ្រូឃុំឆ្នុកទ្រូស្រុកបរិបូណ៌ដែលរកឃើញវិជ្ជមានជាបន្តបន្ទាប់ក្នុងតំបន់ឆ្នុកទ្រូត្រូវ ទៅបានបិទខ្ទប់មិនឲ្យចេញចូលឡើយ ៕
ចែករំលែកព័តមាននេះ