រាជធានីភ្នំពេញ ៖ អតីតតារាសម្តែងនាង វ៉ាន់ ម៉ូនិច បានបង្ហាញជីវិតរស់នៅកាន់តែហ៊ឺហា និងមានសេចក្តីសុខ ក្រោយពេលដែលនាងទើបតែទទួលបានកាដូរថយន្តដ៏ថ្មីសន្លាងមួយគ្រឿង ដែលមានតម្លៃរាប់ម៉ឺនដុល្លារអាមេរិកពីស្វាមី ។
កាដូរថយន្តស្ព័រដែលថ្មីសន្លាង ដ៏ថ្មីមួយគ្រឿងដែលជាកាដូពីស្វាមីនាពេលនេះ ត្រូវបាន វ៉ាន់ ម៉ូនិច អះអាងថា ជាកាដូសម្រាប់កូនទី២ របស់នាង ដែលនឹងចាប់កំណើតនៅក្នុងរយៈពេលដ៏ខ្លីខាងមុខនេះ។ ជាមួយការដូរថយន្តដ៏ទំនើប ថ្មីសន្លាងមានតម្លៃរាប់ម៉ឺនដុល្លារនាពេលនេះ ត្រូវបាន វ៉ាន់ ម៉ូនិច បង្ហោះតាមបណ្តាញសង្គមអ៊ីនស្ត្រាក្រាម ជាមួយនឹងស្នាមញញឹមយ៉ាងមានសេចក្តីបំផុត។
ភ្ជាប់ជាមួយរូបថតទាំងអស់នោះ នាងក៏បានភ្ជាប់សារថា កាដូប៉ាៗជូនម៉ាមីសម្រាប់កូនប្រុសទី២ ហុង មីង ក្នុងពោះជិត៣១អាទិត្យ។ នាងបញ្ជាក់ថា នៅរយៈពេលប្រមាណជិត២ខែទៀតប៉ុណ្ណោះ នាងនិងស្វាមីនឹងបានឃើញមុខកូនប្រុសទី២នេះហើយ។ យ៉ាងណា នាងស្វាមីពិតជារីករាយ និងមានសុភមង្គលបំផុត នៅពេលទទួលបានចំណងដៃកូនប្រុសទី២នាពេលនេះ ខណៈពេលកូនប្រុសទី១ របស់នាងមានអាយុជាង២ឆ្នាំហើយ។
នាងថា ធ្វើបុណ្យសប្បុសធម៌ជួយសង្គមខ្លះ ដើរលេងខ្លះ សម្ភារៈនិយមខ្លះ គឺជាក្តីសុខយ៉ាងពេញលេញដែលគ្រួសារខ្ញុំតែងមាន។
គួរបញ្ជាក់ថា អតីតតារាសម្តែងនាង វ៉ាន់ ម៉ូនិច បានចាកចេញពីអាជីពសិល្បៈសម្តែងរបស់ខ្លួនទាំងស្រុង ក្រោយពេលដែលនាងបានកសាងសុភមង្គលគ្រួសារជាមួយបុរសវ័យក្មេង និងសម្បូរទ្រព្យមួយរូប។ មុនឈានដល់ជីវិតគូនាពេលនេះ តារារូបនេះក៏ធ្លាប់ពើបប្រទះនូវព្យុះភ្លៀងពាក្យសម្តីវាយប្រហារមួយចំនួនមកលើរូបនាងផងដែរ។ យ៉ាងណា ក្រោយភ្លៀងមេឃក៏ស្រឡះ នៅទីបំផុត វ៉ាន់ ម៉ូនិច បាននិងកំពុងរស់នៅយ៉ាងមានសេចក្តីជាមួយនឹងជីវិតយ៉ាងស៊ីវិល័យផងដែរ៕
ចែករំលែកព័តមាននេះ