៤ខណ្ឌ បើកយុទ្ធនាការចាក់វ៉ាក់សាំងការពារជំងឺកូវីដ-១៩ជូនពលរដ្ឋក្នុងតំបន់ក្រហម
- ភ្នំពេញ
រាជធានីភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៅព្រឹកថ្ងៃទី៣០ មេសា ឆ្នាំ២០២១នេះ…
រាជធានីភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៅព្រឹកថ្ងៃទី៣០ មេសា ឆ្នាំ២០២១នេះ…
រាជធានីភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៅព្រឹកថ្ងៃទី៣០ មេសា ឆ្នាំ២០២១នេះ បានអញ្ជើញជាអធិបតីភាពក្នុងយុទ្ធនាការចាក់វ៉ាក់សាំងជំងឺកូវីដ១៩ ជូនដល់ប្រជាពលរដ្ឋរស់នៅក្នុងតំបន់ក្រហម ទីតាំងភូមិសាស្ត្ររាជធានីភ្នំពេញ និងទីក្រុងតាខ្មៅ នៃខេត្តកណ្ដាល ដែលមានចំនួន៤ខណ្ឌ គឺខណ្ឌមានជ័យ ខណ្ឌពោធិ៍សែនជ័យ ខណ្ឌកំបូល និងខណ្ឌដង្កោ។
ទីតាំងដែលត្រូវរៀបចំធ្វើពិធីបើកយុទ្ធនាការចាក់វ៉ាក់សាំងជូនប្រជាពលរដ្ឋ ដែលរស់នៅក្នុងភូមិសាស្ត្ររាជធានីភ្នំពេញ និងក្រុងតាខ្មៅ ខេត្តកណ្ដាល រៀបចំឡើងនៅក្នុងទីតាំងមូលដ្ឋានកងទ័ពនៃកងពលតូចលេខ៧០ ។
កងពលតូចលេខ៧០ទទួលបន្ទុករៀបចំការងារចាក់វ៉ាក់សាំងនៅតំបន់ក្រហម ស្ថិតក្នុងខណ្ឌពោធិ៍សែនជ័យ និងខណ្ឌមានជ័យ សម្រាប់ដំណើរការនៃការចាក់វ៉ាក់សាំងកូវីដ-១៩ ចាប់ផ្ដើមពីថ្ងៃទី០១ ខែឧសភា ឆ្នាំ២០២១តទៅ។ បើយោងតាមការប្រកាសរបស់ក្រសួងសុខាភិបាល យុទ្ធនាការចាក់វ៉ាក់សាំងស្អែកនេះ គឺសម្រាប់ពលរដ្ឋរស់នៅតំបន់ក្រហម(ដូសទី១) ។ ហើយយុទ្ធនាការចាក់ទាំងដូសទី១ និងដូសទី២នៅតំបន់ក្រហមនេះ គឺខាងយោធាទទួលខុសត្រូវ ។
ក្នុងនោះ មានដូចជា ៖
*ខណ្ឌមានជ័យ (០៣ក្រុម)
• សង្កាត់ស្ទឹងមានជ័យ១ សាលាបឋមសិក្សាសឡា
• សង្កាត់ស្ទឹងមានជ័យ២ សាលាបឋមសិក្សាស្ទឹងមានជ័យ
• សង្កាត់ស្ទឹងមានជ័យ៣ ផ្សារបុរីលឹមឈាងហាក់
*ខណ្ឌពោធិ៍សែនជ័យ (០៣ក្រុម)
• សង្កាត់ចោមចៅ១ រោងចក្រសាន់តិច (ផ្លូវវេងស្រេង)
• សង្កាត់ចោមចៅ២ សាលាបឋមសិក្សាគោកបញ្ជាន់
• សង្កាត់ចោមចៅ៣ ទីបញ្ជាការកងពលតូចលេខ៧០ (ចោមចៅ)៕ ដោយ៖ សុខ សារ៉ាយ
ចែករំលែកព័តមាននេះ