ខេត្តបាត់ដំបង៖ ជាងសាក់រូបម្នាក់ដែលទំនងបែកថ្នាំដល់កំរិត ត្រូវបានកម្លាំងកងរាជអាវុធហត្ថឃាត់ខ្លួន កាលពីវេលាម៉ោង៦ព្រឹកថ្ងៃទី២៩ មេសា នៅ ភូមិទួលតាឯក សង្កាត់ទួលតាឯក ក្រុងបាត់ដំបង ក្រោយពីជននេះបានយកដុំថ្មគប់បំផ្លាញទ្រព្យសម្បត្តិរបស់ពលរដ្ឋនិងរបស់រដ្ឋ។…
ខេត្តបាត់ដំបង៖ ជាងសាក់រូបម្នាក់ដែលទំនងបែកថ្នាំដល់កំរិត ត្រូវបានកម្លាំងកងរាជអាវុធហត្ថឃាត់ខ្លួន កាលពីវេលាម៉ោង៦ព្រឹកថ្ងៃទី២៩ មេសា នៅ ភូមិទួលតាឯក សង្កាត់ទួលតាឯក ក្រុងបាត់ដំបង ក្រោយពីជននេះបានយកដុំថ្មគប់បំផ្លាញទ្រព្យសម្បត្តិរបស់ពលរដ្ឋនិងរបស់រដ្ឋ។
មន្ត្រីកងរាជអាវុធហត្ថបានឲ្យដឹងថា ជនសង្ស័យឈ្មោះ លី ស៊ីងហាក់ ហៅ អ៊ូក ប្រុសអាយុ៣៨ឆ្នាំ មុខរបរជាងសាក់រូប រស់នៅចំណុចកើតហេតុខាងលើ។ ជននេះត្រូវបានកម្លាំងកងរាជអាវុធហត្ថក្រុង ចុះអន្តរាគមន៏ឃាត់ខ្លួនភ្លាមៗ ពេលកំពុងធ្វើសកម្មភាពយកដុំថ្មជាច្រើនដុំគប់លើផ្ទះ និង ខូចខាតទ្រព្យសម្បត្តិជាច្រើនទៀតរបស់ប្រជាពលរដ្ឋចំនួន០២គ្រួសារដែលនៅក្បែថែមទាំងធ្វើឲ្យប៉ះពាលសាលារៀនទៀតផង។
របាយការណ៍បានឲ្យដឹងថា អ្នកភូមិ០២នាក់ដែលរងគ្រោះមាន ម្នាក់ឈ្មោះ អ៊ឹម ស៊ីណា ហៅ មុំ ភេទស្រីអាយុ៥៣ឆ្នាំ មុខរបរគ្រូបង្រៀន និងម្នាក់ទៀត ឈ្មោះ តេង យ៉ារី ភេទប្រុសអាយុ៦៦ ឆ្នាំ មុខរបរយោធា រស់នៅកន្លែងកើតហេតុ។ បើតាមមន្ត្រីកងរាជអាវុធហត្ថ ដែលបានចុះទៅសួរនាំ និងបានស្រង់ចម្លើយអ្នកភូមិថា គេគ្មានរឿងទំនាស់ឬឈ្លោះប្រកែកជាមួយជាងសាក់រូបម្នាក់នេះទេ មុនពេលជននេះបង្កហឹង្សា ស្រាប់តែសុខៗជនវង្វេងស្មារតីនេះយកដុំថ្មគប់លើដំបូលផ្ទះអ្នកភូមិ គប់បំផ្លាញទ្រព្យសម្បត្តិផ្សេងៗទៀតអស់ជាច្រើន។ មិនតែប៉ុណ្ណោះ ជនបែកថ្នាំនេះគប់បំផ្លាញដល់សាលារៀននៅក្បែរនោះទៀត។
ពាក់ព័ន្ធនឹងការខូចខាត បើតាមរបាយការណ៏បានឲ្យដឹងថា សម្ភារ:ដែលខូចខាតរួមមាន៖ ដំបូលក្បឿង. កញ្ចក់បង្អួចចំនួន០២ផ្ទាំង. ព្រះភូមិចំនួន០១. កំពិតPassappsផ្នែកខាងក្រោយ០១គ្រឿង. កំពិតគូថរថយន្ត ម៉ាក MG RX5 ផ្នែកខាងក្រោយចំនួន០១គ្រឿង. កំពិតស្លាកយីហោសាលារៀន០១ ផ្ទាំងនិងប្រអប់ភ្លើងចំនួន០១។ ពេលនេះជនសង្ស័យកំពុងត្រូវបានសួរនាំ នៅការិយាល័យប្រឆាំងបទល្មើសព្រហ្មទណ្ឌ ដើម្បីចាត់ការតាមនីតិវិធីហើយ៕ ដោយ៖ ឆោម ពិសម័យ
ចែករំលែកព័តមាននេះ