ផ្កាយ២ ស៊ុំ ពៅ ឲ្យបុរស៥នាក់ ក្លែងធ្វើជាមន្ត្រីយោធា រត់ពន្ធមនុស្សពេលបម្រាមបិទខ្ទប់
ខេត្តស្វាយរៀង ៖ ឧត្តមសេនីយ៍យោធា ផ្កាយ២ ស៊ុំ ពៅ និងបក្សពួក០៦នាក់ទៀត ត្រូវសមត្ថកិច្ចខេត្តស្វាយរៀង ចាប់ខ្លួនពីបទបំពាន បទបញ្ជារបស់រាជរដ្ឋាភិបាល…
ខេត្តស្វាយរៀង ៖ ឧត្តមសេនីយ៍យោធា ផ្កាយ២ ស៊ុំ ពៅ និងបក្សពួក០៦នាក់ទៀត ត្រូវសមត្ថកិច្ចខេត្តស្វាយរៀង ចាប់ខ្លួនពីបទបំពាន បទបញ្ជារបស់រាជរដ្ឋាភិបាល…
ខេត្តស្វាយរៀង ៖ ឧត្តមសេនីយ៍យោធា ផ្កាយ២ ស៊ុំ ពៅ និងបក្សពួក០៦នាក់ទៀត ត្រូវសមត្ថកិច្ចខេត្តស្វាយរៀង ចាប់ខ្លួនពីបទបំពាន បទបញ្ជារបស់រាជរដ្ឋាភិបាល ស្តីពីការបិទខ្ទប់ភូមិសាស្ត្ររាជធានីភ្នំពេញ មិនឲ្យធ្វើដំណើរចេញ-ចូលឆ្លងពីរាជធានីភ្នំពេញទៅខេត្ត ទូទាំងប្រទេស ដើម្បីទប់ស្កាត់ការឆ្លងរីករាលដាលជំងឺកូវីដ-១៩ ក៏ប៉ុន្តែលោកផ្កាយ២ និងបក្សពួកហ៊ានប្រឆាំងបទបញ្ជា លួចរត់ពន្ធដឹកជនជាតិចិនចំនួន២៨នាក់ ពីខេត្តស្វាយរៀង ទៅរាជធានីភ្នំពេញ និងពីរាជធានីភ្នំពេញ ទៅក្រុងបាវិត ដោយខុសច្បាប់ ។
ការចាប់ខ្លួននេះ ធ្វើឡើងកាលពីវេលាយប់ម៉ោង៣និង០០នាទីទៀបភ្លឺ ថ្ងៃទី២២ ខែមេសា ឆ្នាំ២០២១ នៅខាងមុខសណ្ឋាគារTTP1 ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ។
ប្រភពពីសមត្ថកិច្ច បានឲ្យដឹងថា មុនពេលកើតហេតុសមត្ថកិច្ចដើរល្បាតបានប្រទះឃើញរថយន្តសង្ស័យចំនួន៤គ្រឿង នៅខាងមុខសណ្ឋាគារ TTP1 ក្រុងបាវិត និងកំពុងនាំជនជាតិចិនទាំងនោះ ឡើងចូលក្នុងរថយន្ត ដោយសង្ស័យក៏ឃាត់សាកសួរនាំ ទើបបែកធ្លាយរឿងរត់ពន្ធដឹកចិនទៅរាជធានីភ្នំពេញ ទើបចាប់ឃាត់ខ្លួនតែម្តង ។
ក្រោយពីសាកសួររួច ជនជាតិចិនទាំង២៨នាក់នោះ ត្រូវឲ្យធ្វើចត្តាឡីស័កនៅសណ្ឋាគារខាងលើបណ្តោះអាសន្នសិន រង់ចាំយកសំណាកពិនិត្យចេញលទ្ធផល បានរកទីតាំងដាក់ជាក្រោយ ។
ប្រភពដដែលបន្តទៀតថា អ្នកជាមេខ្លោងផ្កាយ២ ឈ្មោះ ស៊ុំ ពៅ មានតួនាទីជាអនុប្រធានក្រុមការងារស្រាវជ្រាវយុទ្ធសាស្ត្រយោធា នៃអគ្គបញ្ជាការកងយោធពលខេមរភូមិន្ទ ក្រសួងការពារជាតិ ហើយបុរសម្នាក់ទៀត ឈ្មោះ ស៊ូ សុភា (ពាក់អាវក្រហម ខោក្រហម) ជាមេខ្យល់ប្រមូលភ្ញៀវជនជាតិចិន (ពីរស្រុកស្វាយជ្រំ ពីស្រុករមាសហែក មកដាក់ឲ្យស្នាក់នៅក្នុងសណ្ឋាគារ TTP1 ក្រុងបាវិត រួចឲ្យក្រុមលោកផ្កាយ២នេះ ដឹកពីក្រុងបាវិត ទៅរាជធានីភ្នំពេញ និងដឹកពីរាជធានីភ្នំពេញ មកក្រុងបាវិតខេត្តស្វាយរៀង) ។
សមត្ថកិច្ច បន្តទៀតថា ចំណែក៥នាក់ផ្សេងទៀត គឺមិនមែនជាមន្ត្រីយោធាទេ គឺពួកគេត្រូវលោកផ្កាយ២ បានឲ្យក្លែងជាមន្ត្រីយោធា ហើយជួលឲ្យបើករថយន្តប៉ុណ្ណោះ នេះបើតាមចម្លើយសារភាពអ្នកទាំង៥នាក់ (នេះជាបទល្មើសមួយទៀត) ។
គិតត្រឹមវេលាម៉ោង៦ល្ងាចថ្ងៃ២២ ខែមេសា ជនសង្ស័យទាំង០៧នាក់ ត្រូវបានក្រុមសមត្ថកិច្ចអធិការនគរបាលក្រុងបាវិត បញ្ជូនទៅស្នងការដ្ឋាននគរបាលខេត្តស្វាយរៀង ។
សូមជម្រាបដែរថា «លើកទី៣ហើយ ទើបបែកការណ៍! ឧត្តមសេនីយ៍យោធា ផ្កាយ២ ស៊ុំ ពៅ ប្រើរថយន្តទំនើប ៤គ្រឿង និងឲ្យកូនចៅ បន្លំធ្វើជាទាហាន ដឹកចិន ២៨នាក់ ពីបាវិត ទៅភ្នំពេញ»៕
ចែករំលែកព័តមាននេះ