នៅក្នុងអត្ថបទអបរំមួយបានទូន្មានថា បើអ្នកត្រូវគេច្រណែន គេឈ្នានីស ចូរអ្នកកុំខឹងនឹងគេអី គួរណាស់តែអ្នកត្រូវសប្បាយចិត្តទៅវិញទេ ព្រោះគេច្រណែនអ្នក ដោយសារអ្នកមានអ្វីដែលល្អ ដែលប្រសើរជាងគេ ហើយគេធ្វើមិនបានដូចអ្នក ទើបគេច្រណែន…
នៅក្នុងអត្ថបទអបរំមួយបានទូន្មានថា បើអ្នកត្រូវគេច្រណែន គេឈ្នានីស ចូរអ្នកកុំខឹងនឹងគេអី គួរណាស់តែអ្នកត្រូវសប្បាយចិត្តទៅវិញទេ ព្រោះគេច្រណែនអ្នក ដោយសារអ្នកមានអ្វីដែលល្អ ដែលប្រសើរជាងគេ ហើយគេធ្វើមិនបានដូចអ្នក ទើបគេច្រណែន ។
តាមធម្មតារបស់មនុស្សច្រណែនគេ គឺមានតែមនុស្សតូចទាប ទន់ខ្សោយ អន់ជាងគេទេ ដែលទៅច្រណែនអ្នកដែលខ្លាំងជាងខ្លួន មិនដែលមានអ្នកខ្លាំង មនុស្សល្អឯណាទៅច្រណែនអ្នកអន់ជាងខ្លួនសោះឡើយ ។
តាមផ្លូវព្រះពុទ្ធសាសនាក៏មាននិយាយអំពីការច្រណែននេះដែរ ដែលភាសាបាលីថា ឥស្សា ប្រែថាសេចក្តីច្រណែន សេចក្តីឈ្នានីស ។ ឥស្សាជាតួអកុសលពុំប្រពៃ ជាធម៌ព្រៃផ្សៃកុំសន្សំ ព្រោះហេតុការភ័ន្តច្រឡំ បែកមិត្តតូចធំអស់គ្មានសល់ ។ ឥស្សាជាតួបាបអកុសល ផ្តល់ផលឱ្យអ្នកធ្លាក់នរក មហាខ្លោចផ្សាព្រោះកម្មគម្រក់ ជញ្ជក់តែទុក្ខរាប់លានឆ្នាំ ៕ សាន សារិន
ចែករំលែកព័តមាននេះ