រាជធានីភ្នំពេញ ៖ ក្រោយពេលដែលតារាកំប្លែងមាឌយក្សត្រូវបានរកឃើញមានវិជ្ជមានកូវី១៩ កាលពីម្សិលមិញនេះមក តារាសម្តែងនាង នីតា វរវង្ស បានចេញមកបដិសេធភ្លាមៗថា ខ្លួនមិនបានជាប់ពាក់ព័ន្ធជាមួយនឹងកញ្ញា យេយេ…
រាជធានីភ្នំពេញ ៖ ក្រោយពេលដែលតារាកំប្លែងមាឌយក្សត្រូវបានរកឃើញមានវិជ្ជមានកូវី១៩ កាលពីម្សិលមិញនេះមក តារាសម្តែងនាង នីតា វរវង្ស បានចេញមកបដិសេធភ្លាមៗថា ខ្លួនមិនបានជាប់ពាក់ព័ន្ធជាមួយនឹងកញ្ញា យេយេ នោះឡើយ។
ការចេញមកបដិសេធរបស់តារារូបនេះ បានធ្វើឡើង បន្ទាប់ពីមានសារព័ត៌មាននៅក្នុងស្រុកមួយបានធ្វើការផ្សព្វផ្សាយពីកញ្ញា យេយេ ដែលត្រូវបានរកឃើញវិជ្ជមានកូវីដ១៩ ដោយនៅក្នុងនោះក៏មានការភ្ជាប់រូបថតរបស់នាងផងដែរ។ ចំណុចនេះ ត្រូវបាន នីតា វរវង្ស ចាត់ទុកថា រូបភាពអាចមានការភាន់ច្រឡំសម្រាប់មហាជនថា នាងអាចជាប់ពាក់ព័ន្ធនឹង យេយេ ដែលឆ្លងកូវីដ១៩។
នីតា វរវង្ស បានអះអាងថា ជំរាបសួរអ៊ុំពូមីងបងប្អូន នាងខ្ញុំ នីតា វរវង្ស សូមជូនដំណឹងដល់អ៊ុំពូមីងបងប្អូនអោយបានជ្រាបថា នាងខ្ញុំមិនបានពាក់ព័ន្ធនឹងបងស្រី យ៉េយ៉េ យូរហើយ។
នាងបញ្ជាក់ថា ខ្ញុំនិយាយនេះ គឺដោយសារនាងខ្ញុំបានឃើញសារព័ត៌មានរស្មីហង្សមាស បានចុះផ្សាយថា អ្នកដែលបានពាក់ព័ន្ធនឹងបងស្រី យ៉េ យ៉េ ដែលគាត់មានវិជ្ជមានកូវីដ១៩ ទៅធ្វើតេស្តរកសំណាក ហើយបានដាក់រូបនាងខ្ញុំជាមួយគាត់។ នាងខ្ញុំចង់ជំរាបប្រាប់អោយអ៊ុំពូមីងបងប្អូនអោយបានជ្រាបថា ខ្ញុំមិនដែលបានពាក់ព័ន្ធជាមួយបងស្រីយូរហើយ ហើយនៅក្នុងរូបថតនេះផងដែរ ខ្ញុំនិងគាត់បានថតក្នុងកម្មវិធីមួយយូរដែរ ប្រហែលរយៈពេលជិត១ឆ្នាំហើយ ចឹងសូមអ៊ុំពូមីងបងប្អូន មេត្តាកុំយល់ច្រឡំអី។
សូមអរគុណ និងសូមជូនពរដល់អ៊ុំពូមីងបងប្អូនមានសុខភាពល្អ ហើយសូមចូលរួមតាមអនុសាសន៍ ៣កុំ ៣ការពារ ទាំងអស់គ្នា។
គួរបញ្ជាក់ថា តារាកំប្លែង យេយេ បានប្រកាសថា ខ្លួនបានឆ្លងជំងឺកូវីដ១៩ ដោយនៅក្នុងនោះ អ្នកផ្ទះរបស់នាង និងដៃគូសម្តែងរបស់នាងម្នាក់ត្រូវបានគេរកឃើញថា បានឆ្លងជំងឺដ៏កាចសា.ហាវនេះដូចគ្នាផងដែរ៕
ចែករំលែកព័តមាននេះ