ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា ក្មេងស្រីម្នាក់ចេញទៅដឹកគោចូលផ្ទះ ក៏ស្រាប់តែត្រូវរន្ទះបាញ់ផ្ដាច់ជីវិត បណ្តាលឱ្យស្លា.ប់ភ្លាមៗនៅនឹងកន្លែងតែម្តង ខណៈពេលមេឃកំពុងតែធ្លាក់ភ្លៀងលាយឡំដោយខ្យល់កន្ទ្រាក់ បង្កការភ្ញាក់ផ្អើលកាលពីល្ងាចថ្ងៃទី១៩ ខែមេសា ឆ្នាំ២០២១ ស្ថិតក្នុងភូមិអន្លង់២ ឃុំត្រពាំងធំ ស្រុកប្រាសាទបាគង ខេត្តសៀមរាប។
បើតាមប្រភពពីសមត្ថកិច្ចស្រុកប្រាសាទបាគង បានប្រាប់តាមទូរស័ព្ទនៅល្ងាចថ្ងៃទី១៩ ខែមេសានេះ ឱ្យដឹងថា ជនរងគ្រោះខាងលើឈ្មោះ ស៊ត មករា អាយុ១៤ឆ្នាំ រស់នៅភូមិឃុំខាងលើ ត្រូវបានរន្ទះបាញ់ ខណៈពេលទៅដឹកគោ ស្របពេលនោះមេឃកំពុងតែភ្លៀងផង លាយឡំនឹងខ្យល់កន្ទ្រាក់ផង បណ្តាលឱ្យមានរន្ទះបាញ់ក្មេងស្រីរងគ្រោះ បណ្តាលឱ្យស្លា.ប់ភ្លាមៗនៅនឹងកន្លែងកើតហេតុតែម្តង។
ប្រភពដដែលបានបញ្ជាក់ថា គ្រោះធម្មជាតិខាងលើនេះ ក៏បណ្ដាលឱ្យរប៉ើកដំបូលផ្ទះ១ខ្នង នៅភូមិអន្លង់២ ឃុំត្រពាំងធំ ស្រុកប្រាសាទបាគង និងរលំផ្ទះ១ខ្នងទៀត នៅភូមិភ្នំដី ឃុំត្រពាំងធំ ស្រុកប្រាសាទបាគងផងដែរ៕
ចែករំលែកព័តមាននេះ