ចាត់វិធានការចំពោះការឡើងថ្លៃទំនិញក្នុងភូមិសាស្ត្រខេត្តសៀមរាប
- សៀមរាប
ខេត្តសៀមរាប ៖ អាជ្ញាធរខេត្តនៅថ្ងៃទី១៧ មេសា ឆ្នាំ២០២១ នេះ បានចេញសេចក្ដីសម្រេចចាត់វិធានការចំពោះការឡើងថ្លៃទំនិញ គ្រឿងឧបភោគ បរិភោគ គ្រប់ប្រភេទ…
ខេត្តសៀមរាប ៖ អាជ្ញាធរខេត្តនៅថ្ងៃទី១៧ មេសា ឆ្នាំ២០២១ នេះ បានចេញសេចក្ដីសម្រេចចាត់វិធានការចំពោះការឡើងថ្លៃទំនិញ គ្រឿងឧបភោគ បរិភោគ គ្រប់ប្រភេទ និងឱសថក្នុងការអនុវត្តវិធានទប់ស្កាត់ការឆ្លងរាលដាលនៃជំងឺកូវីដ១៩ ក្នុងភូមិសាស្ត្រខេត្តសៀមរាប។ នេះបើយោងតាមលិខិតដែលបានចុះហត្ថ លេខាដោយ លោកទៀ សីហា អភិបាលខេត្តសៀមរាប ។
សូមបញ្ជាក់ថា កាលពីថ្ងៃទី១៥ ខែមេសា ឆ្នាំ២០ ២១នេះ លោកទៀ សីហា អភិបាលនៃគណ:អភិបាលខេត្តសៀមរាប បានដឹកនាំកិច្ចប្រជុំ ដើម្បីពិភាក្សា រៀបចំផែនការត្រៀមទប់ស្កាត់ការរីករាលដាលដោយសារជំងឺកូវីដ-១៩ ។ កិច្ចប្រជុំនេះក៏មានការចូលរួមពី លោក នាក់ ណេរ៉ុន អភិបាលរងខេត្ត ប្រធានមន្ទីរអង្គភាពមួយចំនួន អភិបាលក្រុងសៀមរាប និងដៃគូឯកជនពាក់ព័ន្ឋមួយចំនួនផងដែរ។
ជាមួយគ្នានេះដែរ រដ្ឋបាលខេត្តសៀមរាប សូមអំពាវនាវដល់បងប្អូនជាអាជីវករទាំងអស់ កុំឆ្លៀតឱកាសតម្លើងថ្លៃរាល់ទំនិញទាំងឡាយ ដើម្បីកេងចំណេញក្នុងអំឡុងពេលកូវីដ-១៩ ពិសេសបិទខ្ចប់ដែលមានហានិភ័យខ្ពស់។ ទន្ទឹមនឹងនេះ រដ្ឋបាលខេត្តសូមអំពាវនាវដល់បងប្អូនប្រជាពលរដ្ឋទាំងអស់ចូលរួមអនុវត្តវិធានការសុខាភិបាល ប្រឆាំងនឹងជំងឺកូវីដ-១៩ទាំងអស់គ្នា ទាំងអ្នកបានចាក់វ៉ាក់សាំង និងអ្នកមិនទាន់បានចាក់ ដើម្បីការពារខ្លួនឯងនិងក្រុមគ្រួសារ ព្រមទាំងជាការលើកទឹកចិត្តដល់ កងកម្លាំង ក្រុមការងារសុខាភិបាល។
ចែករំលែកព័តមាននេះ