រាជធានីភ្នំពេញ ៖ ព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់ ដកហូតឋានន្តរស័ក្តិនាយនគរបាលថ្នាក់ឧត្តមសេនីយ៍ និងបណ្តេញពីក្របខ័ណ្ឌមន្ត្រីនគរបាលជាតិ ចំពោះឧត្តមសេនីយ៍ទោ អ៊ុង ចាន់ធួក ក្របខ័ណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ ។
នាយនគរបាលផ្កាយពីរម្នាក់ ដែលល្មើសវិធានការបិទខ្ទប់របស់រាជរដ្ឋាភិបាល ហើយបន្ដផឹកស៉ីច្រៀងលេងសប្បាយ ដែលត្រូវបានចាប់ខ្លួននោះ ត្រូវបានដកស័ក្ដិ និងបណ្ដេញចេញពីក្របខ័ណ្ឌមន្ដ្រីនគរបាលជាតិកម្ពុជា ។
ក្នុងព្រះរាជក្រឹត្យរបស់ព្រះមហាក្សត្រ មាត្រា១ បានត្រាស់បង្គាប់ថា «ដកហូតឋានន្ដស័ក្ដិ នាយនគរបាលថ្នាក់ឧត្តមសេនីយ៍ និងបណ្ដេញចេញពីក្របខ័ណ្ឌមន្ដ្រីនគរបាលជាតិកម្ពុជា ចំពោះ ឧត្តមសេនីយ៍ទោ អ៊ុង ថាន់ធូក អត្តលេខ៧៣៥៥៧ ក្របខ័ណ្ឌមន្ដ្រីនគរបាលជាតិកម្ពុជា» ។
ចំពោះនាយនគរបាលរូបនេះ និងបក្ខពួក២នាក់ផ្សេងទៀតក៏ត្រូវបញ្ជូនទៅកាន់សាលាដំបូងរាជធានីភ្នំពេញ ដើម្បីធ្វើការផ្ដន្ទាទោសតាមផ្លូវច្បាប់ផងដែរ ព្រោះតែល្មើសវិធានការបិទខ្ទប់របស់រាជរដ្ឋាភិបាល ដែលបានដាក់ចេញ ដើម្បីទប់ស្កាត់ការឆ្លងរីករាលដាលជំងឺកូវីដ១៩ នៅរាជធានីភ្នំពេញ និងក្រុងតាខ្មៅ ខេត្តកណ្ដាល ។
សូមជំរាបថា កាលពីយប់មិញ កម្លាំងនគរបាលខណ្ឌមានជ័យ បានចាប់វាយខ្នោះឧត្តមសេនីយ៍ទោ អ៊ុង ចាន់ធួក អាយុ៤៥ឆ្នាំ មានតួនាទីជាអនុប្រធានសេធិការ នៃអគ្គស្នងការដ្ឋាននគរបាលជាតិ និងបក្ខពួក២នាក់ទៀត ដោយសារហ៊ានរៀបចំកម្មវិធីផឹកស៊ី រាំ ច្រៀង និងរហូតមានការលេងប៉ាតម្សៅ ជូនអ្នកជួលបន្ទប់របស់គាត់ជាច្រើននាក់។
សូមបញ្ជាក់ថា ៖ សម្តេចតេជោ បានមានប្រសាសន៍ថា សម្តេចក៏បានរកអត្ថលេខស្នើសុំព្រះមហាក្សត្រ ដកចេញអគ្គស្នងការដ្ឋាននគរបាលជាតិ គ្មានករណីលើកលែងឡើយ ៕
ចែករំលែកព័តមាននេះ