១៧មេសា ៤៦ឆ្នាំមុនគឺជាថ្ងៃដែលប្រជាជនកម្ពុជាឈឺចាប់បំផុត
- ភ្នំពេញ
រាជធានីភ្នំពេញ ៖ យោងតាមឯកសារសរសេរដោយព្រះបាទនរោត្តមសីហនុ តាមពិតទៅក្រុមក្បត់លន់ នល់ មានប្រវត្តិឃុបឃិតគ្នា ធ្វើរដ្ឋប្រហារជាយូរណាស់មកហើយ ។ លន់ នល់…
រាជធានីភ្នំពេញ ៖ យោងតាមឯកសារសរសេរដោយព្រះបាទនរោត្តមសីហនុ តាមពិតទៅក្រុមក្បត់លន់ នល់ មានប្រវត្តិឃុបឃិតគ្នា ធ្វើរដ្ឋប្រហារជាយូរណាស់មកហើយ ។ លន់ នល់…
រាជធានីភ្នំពេញ ៖ យោងតាមឯកសារសរសេរដោយព្រះបាទនរោត្តមសីហនុ តាមពិតទៅក្រុមក្បត់លន់ នល់ មានប្រវត្តិឃុបឃិតគ្នា ធ្វើរដ្ឋប្រហារជាយូរណាស់មកហើយ ។ លន់ នល់ បានរងរបួសស្មាធ្ងន់ធ្ងរក្នុងគ្រោះថ្នាក់ចរាចរណ៍មួយ ហើយត្រូវបញ្ជូនទៅមន្ទីរពេទ្យណៃ-សារាណាដែលគ្រប់គ្រងដោយអាមេរិក ។ នៅក្នុងមន្ទីរពេទ្យនោះហើយដែលពួកគេបានសមគំនិតគ្នារៀបចំគម្រោងក្បត់ ។
ព្រះបាទនរោត្តមសីហនុបានមានព្រះបន្ទូលថា៖ «នៅជុំវិញលន់នល់ មានអ្នកជំនាញជនជាតិអាមេរិកជាច្រើនបានបន្លំខ្លួនធ្វើជាអ្នកជម្ងឺ ហើយត្រូវបានទទួលយកធ្វើជាទីប្រឹក្សាបច្ចេកទេសក្នុងការធ្វើរដ្ឋប្រហារ ។ បន្ទាប់ពីបានឃុបឃិតជាមួយមនុស្សទាំងនោះ លន់នល់បានទូរស័ព្ទជារៀងរាល់ថ្ងៃដើម្បីប្រាប់ពីវិធីសាស្ត្រនានាទៅស៊ីសុវត្តិ សិរិមតៈនិងបក្សពួកផ្សេងទៀតដែលនៅភ្នំពេញ។ ដើម្បីធានាបានថាសកម្មភាពដ៏ធំសំបើមនេះមិនត្រូវបានលេចធ្លាយ ឧត្តមសេនីយ៍លន់នល់បានទិញទឹកចិត្តអ្នកគាំទ្រជាច្រើនជាមុនទៅហើយ។»
ក្នុងចំណោមអ្នកគាំទ្រគម្រោងរដ្ឋប្រហារនេះ មនុស្សដំបូងដែលព្រះបាទនរោត្តមសីហនុបានមានព្រះបន្ទូលទៅដល់គឺមេដឹកនាំបក្សក្បត់សឹង ង៉ុកថាញ់-កម្លាំងប្រដាប់អាវុធ “ខ្មែរសេរី”។ នៅរដូវប្រាំងឆ្នាំ១៩៦៩ ពួកវាបានធ្វើពុតជាចាកចេញពី សឹង ង៉ុកថាញ់ ហើយចុះចាញ់រាជរដ្ឋាភិបាល និងប្រមូលផ្តុំគ្នានៅតាមខេត្តនានាក្នុងភាគខាងលិចនៃប្រទេសកម្ពុជារហូតដល់ទីក្រុងភ្នំពេញ។ “ពួកចុះចាញ់”ក្លែងក្លាយទាំងនេះគឺជាទាហានស៊ីឈ្នួលដែលទីភ្នាក់ងារស៊ើបការណ៍សម្ងាត់អាមេរិកបានចំណាយលុយជាច្រើនដើម្បីចិញ្ចឹមទុក។ ព្រះបាទនរោត្តមសីហនុបានមានប្រសាសន៍ថា៖ «វាគឺជាជនបង្កប់ក្នុងផ្ទៃក្នុងយើង» ៕
ចែករំលែកព័តមាននេះ