ខេត្តកណ្ដាល ៖ កាលពីវេលាម៉ោង៩ និង៣០នាទីយប់ថ្ងៃទី១៤ មេសា កន្លងមក កម្លាំងសមត្ថកិច្ចនគរបាលស្រុកកណ្តាលស្ទឹង ខេត្តកណ្តាល បានធ្វើការឃាត់ខ្លួនបុរសម្នាក់ ពាក់ព័ន្ធករណីគ្រងឯកសណ្ឋានក្លែងធ្វើជា(មន្ត្រីនគរបាលជាតិ) ដែលជាល្បិចងាយស្រួលក្នុងការឆ្លងកាត់គោលដៅត្រួតពិនិត្យ របស់សមត្ថកិច្ចក្នុងហេតុការបិទបំរាមគោចរ ។
បុរសខាងលើ ឈ្មោះ រ៉េត បញ្ញា អាយុ២៦ឆ្នាំ មុខរបរមិនពិតប្រាកដ មានទីលំនៅក្នុងភូមិក្រាំងធ្មៃ ឃុំគោកត្រប់ ស្រុកកណ្តាលស្ទឹង ខេត្តកណ្តាល ។ ជាមួយនោះ សមត្ថកិច្ចបានធ្វើការដកហូត សម្ភារជាប់ខ្លួនរួមមាន ៖
១.ម៉ូតូម៉ាក ស៊ុយសាគី Viva ពណ៌ ខ្មៅ១គ្រឿងផលិត ឆ្នាំ ២០០ ៦ ពាក់ស្លាកលេខ កណ្តាល 1C 2124 ។
២.ទូរស័ព្ទដៃ១ គ្រឿងម៉ាក Iphone 5s ពណ៌ ទឹកមាស (ខូច) ។
៣.ខ្សែក្រវាត់ ១ ក្បាលដែករូប សិង្ហ
៤.មួក១ ពណ៌ ខ្មៅ មានព្រះសង្ហា
៥.សម្លៀកបំពាក់ឯកសណ្ឋាន នរគបាលជាតិ១ឈុត(១កំប្លេរ) ។
៦.ស្បែកជើងក វែង១ គូរ ។
៧.វិទ្យុទាក់ទង១ គ្រឿងម៉ាក MOTOROLA ។
៨.ប័ណ្ណ ប ស ស ១ សន្លឹក មានបិតរូបថត នរគបាលជាតិ ២ សន្លឹក និង រូបភាព សុីវិល ១ សន្លឹក ។
សេចក្តីរាយការណ៍បន្តថា នៅវេលាម៉ោងខាងលើបុរសរូបនោះ បានធ្វើដំណើរដោយជិះម៉ូតូ១គ្រឿង ក្នុងសម្លៀកបំពាក់ឯកសណ្ឋានជានគរបាលជាតិ ចេញពីផ្ទះរបស់ខ្លួន ដើម្បីទៅផ្ទះរបស់ឈ្មោះ ម៉ៅ ស្ថិតនៅភូមិ ព្រែកអង្គុញ ឃុំសៀមរាប ស្រុកកណ្តាលស្ទឹង ។ លុះពេលជិះទៅជិតដល់ផ្ទះរបស់ម៉ៅ ជនសង្ស័យបានឆ្លងកាត់គោលដៅរបស់ប្រជាការពារ ដែលជាមណ្ឌលសកម្មភាពក្នុងការប្រយុទ្ធប្រឆាំងជំងឺកូវិត១៩ របស់ភូមិព្រែកអង្គុញ ដែលមានប្រជាការពារឈរយាមនៅទីនោះ ហើយពេលនោះក៏ត្រូវកម្លាំងប្រជាការពារឃាត់ធ្វើការសួរនាំ ។ ខណៈពេលប្រជាការពារឃាត់សួរ បុរសរូបនោះបានស្តីបន្ទោស នឹងរករឿងប្រជាការពារ រួចបានដេីរចូលទៅផ្ទះរបស់ឈ្មោះម៉ៅបាត់ទៅ ។
ដោយមានការសង្ស័យកម្លាំងប្រជាការពារ បានទូរស័ព្ទរាយការណ៍ទៅនគរបាលប៉ុស្តិ៍រដ្ឋបាលឃុំសៀមរាប ដើម្បីឲ្យដឹងពីសកម្មភាព នឹងទង្វើដែលជននេះបានប្រព្រឹត្តមកលើកម្លាំងកំពុងអនុវត្ត នូវផែនការការពារ នឹង រាំងខ្ទប់ ផលប៉ះពាល់ជម្ងឺរាតត្បាតវីរុសកូវី.១៩ ។
ក្រោយពីពេលទទួលមានរបាយការភ្លាម កម្លាំងប៉ុស្តិ៍នគរបាលរដ្ឋបាលឃុំសៀម រាបបានចុះទៅដល់ នឹងបានឃាត់ខ្លួនបុរសរូបនោះយកទៅសាក សួរនៅនគរបាលប៉ុស្តិ៍ ទើបដឹងថាជាជនក្លែងបន្លំគ្រងឯកសណ្ឋាន ជាមន្ត្រីនគរបាលជាតិ ដើម្បីងាយស្រួលក្នុងការឆ្លងកាត់ នឹងបំឡះទីពីភូមិមួយទៅភូមិមួយ ពីកន្លែងមួយទៅកន្លែងមួយ ក្នុងការប្រាស្រាយទាក់ទងជាមួយមិត្តភ័ក្ត ក្នុងអំពើដែលខុសនឹងច្បាប់ហាមឃាត់ ។
ជាក់ស្តែង ក្រៅពីគ្រងឯកសណ្ឋានសម្លៀកបំពាក់ក្លែងជាមន្ត្រីនគរបាលជាតិ ជននេះត្រូវបានសមត្តកិច្ចរកឃើញមានផ្ទុះនូវសារធាតុញៀនក្នុងខ្លួន ពោលគឺប្រើប្រាស់គ្រឿងញៀនទៀតផង ។ បន្ទាប់មក បុរសនោះ នឹងវត្ថុតាងត្រូវបាននគរបាលប៉ុស្តិ៍រដ្ឋបាលឃុំសៀមរាប នាំខ្លួនទៅកាន់អធិការដ្ឋាននគរបាលស្រុកកណ្តាលស្ទឹង ដើម្បីបន្តនីតិវិធី ៕ ដោយ ៖ ឃឹម ប៊ុនណាក់
ចែករំលែកព័តមាននេះ