ខេត្តបន្ទាយមានជ័យ ៖ យ៉ាងហោចណាស់ក៏មានកុមារាម្នាក់អាយុ០៥ឆ្នាំ បានស្លា.ប់ដោយផ្ទះបាក់សង្កត់ និងផ្ទះចំនួន០៦ខ្នង បានរងការខូចខាតធ្ងន់-ស្រាល ដោយគ្រោះធម្មជាតិខ្សល់កន្ត្រាក់ ។ ហេតុការណ៍គួរឲ្យរន្ធត់នេះ បានកើតឡើងនៅវេលាម៉ោង០៧យប់ថ្ងៃទី១២…
ខេត្តបន្ទាយមានជ័យ ៖ យ៉ាងហោចណាស់ក៏មានកុមារាម្នាក់អាយុ០៥ឆ្នាំ បានស្លា.ប់ដោយផ្ទះបាក់សង្កត់ និងផ្ទះចំនួន០៦ខ្នង បានរងការខូចខាតធ្ងន់-ស្រាល ដោយគ្រោះធម្មជាតិខ្សល់កន្ត្រាក់ ។
ហេតុការណ៍គួរឲ្យរន្ធត់នេះ បានកើតឡើងនៅវេលាម៉ោង០៧យប់ថ្ងៃទី១២ ខែមេសា ឆ្នាំ២០២១ នៅភូមិបល្ល័ង្គជ្រៃ ឃុំសឿ ស្រុកមង្គលបូរី ខេត្តបន្ទាយមានជ័យ ។
ប្រភពព័ត៌មានពីមន្ត្រីនគរបាលរដ្ឋបាលឃុំសឿ បានឲ្យដឹងថា នៅក្នុងហេតុការណ៍គ្រោះធម្មជាតិខ្សល់កន្ត្រាក់នេះ កើតឡើងកាលពីវេលាម៉ោង០៧យប់ថ្ងៃទី១២ នៅភូមិបល្ល័ង្គជ្រៃ ឃុំសឿ ស្រុកមង្គលបូរី មានភ្លៀងធ្លាក់មួយមេលាយឡំ ជាមួយនឹងខ្សល់កន្ត្រាក់ បានបក់បោកយ៉ាងខ្លាំង បណ្តាលឲ្យលំនៅឋានរបស់ប្រជាពលរដ្ឋចំនួន០៦ខ្នង ក្នុងនោះ០៣ខ្នងខូចខាតធ្ងន់ ០៣ខ្នងខូចខាតស្រាល និងខូចខ្ទេចម៉ូតូចំនួន០២គ្រឿង ។
ប្រភពព័ត៌មានដដែលបន្តថា ជាមួយគ្នានេះបណ្តាលឲ្យកុមារាម្នាក់ឈ្មោះ អឿន វីអែន អាយុ០៥ឆ្នាំ បានបាត់បង់ជីវិតភ្លាមៗនៅនឹងកន្លែងដោយសារសរសរជើងតាងផ្ទះ ប្រវែងប្រហែល០៣ម៉ែត្រ រលំដួលដង្កត់ ។ ក្មេងប្រុសរងគ្រោះ មានម្តាយឈ្មោះ រ៉ាក់ ស្រីនេត និងឪពុកឈ្មោះ ចាំ អឿន នៅភូមិបល្ល័ង្គជ្រៃ ឃុំសឿ ស្រុកមង្គលបូរី ។
ប្រភពដដែលបានបញ្ជាក់ថា គ្រួសារនេះ មានកូនចំនួន០៣នាក់ ស្រី០១នាក់ ក្មេងរងគ្រោះជាកូនទី០៣ ។ នៅមុនពេល់កើតហេតុទាំងម្តាយឪពុកនិងកូន០៣នាក់ បាននៅអង្គុយនិងដេកលេងអង្រឹងក្រោមផ្ទះ នៅពេលមានហេតុការណ៍ភ្លៀងធ្លាក់ និងខ្សល់កន្ត្រាក់កើតឡើង ម្តាយឪពុកនិងកូន០២នាក់ធំៗ បានរត់រួច នៅតែក្មេងរងគ្រោះដេកអង្រឹងលេងមិនមានអ្នកជួយ ត្រូវខ្សល់កួចផ្ទះ និងដួលរលំសរសរជើងតាងប្រវែងប្រហែល០៣ម៉ែត្រសង្កត់ស្លាប់តែម្តង ។
សពត្រូវបានឪពុកម្តាយរៀបចំធ្វើបុណ្យាតាមប្រពៃណីទាំងក្តីអាឡោះអាល័យជាពន់ពេក ៕
ចែករំលែកព័តមាននេះ