ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា កូនប្រសារប្រុសថៅកែអ៊ីលីតស្ពតក្លឹបម្នាក់ ត្រូវបានឆក់អគ្គិសនី បណ្តាលឱ្យស្លា.ប់នៅក្នុងអាងទឹក បង្កឱ្យមានការភ្ញាក់ផ្អើលកាលពីនៅវេលាម៉ោង៨និង៥០នាទី ថ្ងៃទី១២ ខែមេសា ឆ្នាំ២០២១ ស្ថិតនៅអ៊ីលីតស្ពតក្លឹប ក្នុងភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ។
បើតាមមន្ត្រីនគរបាលក្រុងសិរីសោភ័ណ បានប្រាប់ថា ជនរងគ្រោះខាងលើឈ្មោះ លឹម គឹមហាក់ ភេទប្រុស អាយុ២៧ឆ្នាំ (ជាកូនប្រសារម្ចាស់អ៊ីលីតស្ពតក្លឹប) រស់នៅភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ។
មន្ត្រីនគរបាលបានបញ្ជាក់ថា តាមសំដីឈ្មោះ ជាង ឡី ភេទប្រុស អាយុ៤០ឆ្នាំ និងឈ្មោះ សាវិញ អ៊ីម៉ៃ ភេទប្រុស អាយុ១៩ឆ្នាំ (ជាកម្មករ) បានឱ្យដឹងថា នៅពេលជនរងគ្រោះដែលជាកូនប្រសារម្ចាស់អ៊ីលីតស្ពតក្លឹប ឆក់ចរន្តអគ្គិសនីនៅក្នុងអាងទឹកនោះ គឺខណៈពេលពួកគេកំពុងតែបូមទឹកបញ្ចូលអាងលេងទឹក និងសាកម៉ូទ័រត្រាំទឹកសម្រាប់បាញ់ទឹក ក៏ស្រាប់តែឆក់ទៅលើជនរងគ្រោះតែម្តង ខណៈពេលនោះក៏បានឆក់គេទាំងពីរនាក់ដែរ ប៉ុន្តែគេចទាន់ ។
ប្រភពដដែលបន្តថា ក្រោយពេលពួកគេរួចផុតពីគ្រោះហើយ ពួកគេក៏បានយកទុកយោទឹកជ័រទាញជនរងគ្រោះចេញពីទឹក ហើយដឹកជនរងគ្រោះទៅសង្គ្រោះបន្ទាន់ទៅមន្ទីពេទ្យបង្អែកសិរីសោភ័ណ ប៉ុន្តែជាអកុសលជនរងគ្រោះបានដាច់ខ្យល់ស្លា.ប់បាត់ទៅហើយ។
មន្ត្រីនគរបាលបានបញ្ជាក់ថា ក្រោយពេលជនរងគ្រោះដែលរងគ្រោះថ្នាក់នៅចំណុចអាងលេខទឹកអ៊ីលីតស្ពតក្លឹបក្រុងសិរីសោភ័ណនោះ មន្ត្រីជំនាញក៏បានចុះទៅពិនិត្យឃើញថា ជនរងគ្រោះពិតជាស្លា.ប់ដោយសារឆក់ចរន្តអគ្គិសនី ខណៈនៅពេលបូមទឹកបញ្ចូលក្នុងកន្លែងលេងទឹក ហើយសាកម៉ូទ័របាញ់ទឹកកន្លែងក្មេងលេង ទើបបណ្តាលឆ្លងចរន្តឆក់ស្លា.ប់តែម្តង ។ ក្រោយពេលពិនិត្យរួចហើយ មន្ត្រីជំនាញក៏បានប្រគល់សាកស.ពជនរងគ្រោះជូនគ្រួសារ ដើម្បីធ្វើបុណ្យតាមប្រពៃណី៕
ចែករំលែកព័តមាននេះ