ខេត្តសៀមរាប ៖ នាថ្ងៃទី១២ ខែមេសា ឆ្នាំ២០២១ ក្រុមការងារបច្ចេកទេសទី៣ នៃអាជ្ញាធរជាតិអប្សរា បានសហការជាមួយរដ្ឋបាលស្រុកបន្ទាយស្រី និងម្ចាស់ដីជាប់ព្រំបុរាណដ្ឋាន បានចុះបោះបង្គោលព្រំទីតាំងបុរាណដ្ឋាន…
ខេត្តសៀមរាប ៖ នាថ្ងៃទី១២ ខែមេសា ឆ្នាំ២០២១ ក្រុមការងារបច្ចេកទេសទី៣ នៃអាជ្ញាធរជាតិអប្សរា បានសហការជាមួយរដ្ឋបាលស្រុកបន្ទាយស្រី និងម្ចាស់ដីជាប់ព្រំបុរាណដ្ឋាន បានចុះបោះបង្គោលព្រំទីតាំងបុរាណដ្ឋាន ចំនួន២ទីតាំង ដោយជោគជ័យ គឺបុរាណដ្ឋានទួលគោកគ្រឹះ និងបុរាណដ្ឋានត្រពាំងឈូក ដែលមានទីតាំងស្ថិតនៅភូមិប្រិយ៍ ឃុំខ្នារសណ្ដាយ ស្រុកបន្ទាយស្រី ខេត្តសៀមរាប ។
ការបោះបង្គោលព្រំការពារបុរាណដ្ឋានទាំងនេះ គឺដើម្បីជាប្រយោជន៍ ក្នុងការកំណត់ព្រំដីបុរាណដ្ឋាន ត្រូវការពារឱ្យបានត្រឹមត្រូវ ជៀសវាងការកាន់កាប់ដីបុរាណដ្ឋាន ដោយខុសច្បាប់ ពីសំណាក់ឈ្មួញទិញលក់ដីធ្លី និងដើម្បីបង្ហាញប្រាប់ដល់ប្រជាពលរដ្ឋ ក៏ដូចសាធារណជនទូទៅឲ្យងាយស្រួល កត់សម្គាល់ទីតាំងបុរាណដ្ឋានដែលរួមមាន ៖ តួប្រាសាទ ស្រះទឹក និងរចនាសម្ព័ន្ធ នៃសំណង់បុរាណដ្ឋាន កុំឲ្យមានការរំលោភបំពានគ្រប់រូបភាព និងដើម្បីងាយស្រួលរៀបចំបុរាណដ្ឋានទាំងនេះឲ្យបានល្អប្រសើរឡើងវិញ ផងដែរ ។
គួរបញ្ជាក់ទៀតថា សកម្មភាពចុះបោះបង្គោលព្រំទីតាំងបុរាណដ្ឋាននេះ ក្រុមការងារនឹងបន្តធ្វើជាបន្តបន្ទាប់ទៀតនៅទីតាំងផ្សេងៗទៀត តាមផែនការដែលបានកំណត់ ៕
ចែករំលែកព័តមាននេះ