ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានបាត់បង់ជីវិភ្លាមៗនៅនឹងកន្លែងកើតហេតុ ដោយសាររន្ទះបាញ់ ។ ហេតុការណ៍នេះបានកើតឡើងនៅវេលាម៉ោង៣និង៣០នាទីរសៀល ថ្ងៃទី១១ ខែមេសា ឆ្នាំ២០២១…
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានបាត់បង់ជីវិភ្លាមៗនៅនឹងកន្លែងកើតហេតុ ដោយសាររន្ទះបាញ់ ។ ហេតុការណ៍នេះបានកើតឡើងនៅវេលាម៉ោង៣និង៣០នាទីរសៀល ថ្ងៃទី១១ ខែមេសា ឆ្នាំ២០២១ នៅចំណុចវាលត្រពាំងកក់ខាងត្បូង នៅក្នុងភូមិម្កាក់ ចំងាយប្រហែល៣គីឡូម៉ែត្រ ស្ថិតនៅសង្កាត់ម្កាក់ ក្រុងសិរីសោភ័ណ ខេត្តបន្ទាយមានជ័យ។
បើតាមនគរបាលមូលដ្ឋានបានឲ្យដឹងថា ជនរងគ្រោះខាងលើត្រូវបានគេស្គាល់ឈ្មោះ ចក់ ចាន់ធី ភេទប្រុស អាយុ២៥ឆ្នាំ រស់នៅភូមិ២ សង្កាត់កំពុងស្វាយ ក្រុងសិរីសោភ័ណ ។ ហើយមុនពេលកើតហេតុ ជនរងគ្រោះបានជិះម៉ូតូទៅខ្វារត្រីស្លូញតែម្នាក់ឯង នៅចំណុចវាលត្រពាំងកក់ខាងត្បូង ដែលមានចំងាយប្រហែល៣គីឡូម៉ែត្រនៅក្នុងភូមិម្កាក់ ស្ថិតនៅសង្កាត់ម្កាក់ ។
ប្រភពដដែលបានបញ្ជាក់ថា មុនពេលពេលកើតហេតុ គឺមានប្រជាពលរដ្ឋម្នាក់ទៅធ្វើស្រែនៅជិតនោះ បាននិយាយថា គាត់បានលឺសំឡេងរន្ទះបាញ់ប្រាវ ដោយមានការភ័យពេក គាត់ក៏បើកត្រាក់ទ័រត្រឡប់ពីភ្ជួរស្រែមកផ្ទះវិញ។ លុះពេលបើកមកដល់ចំណុចខាងលើ ក៏បានប្រទះឃើញជនរងគ្រោះដេកស្លា.ប់លើខ្នងទំនប់នៅក្បែរម៉ូតូទៅហើយ ដោយមានដងកង្ខារសម្រាប់ខ្វារត្រីស្លូញធ្វើអំពីប្ញស្សីប្រវែង២ម៉ែត្រគងលើដើមទ្រូងទៀតផង ក្រោយមកគាត់ក៏បានរាយការណ៍មកសមត្ថកិច្ចដើម្បីឱ្យជួយអន្តរាគមន៍តែម្តង ។
ក្រោយពេលទទួលបានដំណឹងភ្លាម សមត្ថកិច្ចក៏បានចុះទៅដល់កើតហេតុ ហើយធ្វើការពិនិត្យឃើញថា ជនរងគ្រោះគឺពិតជាស្លា.ប់ដោយសារតែត្រូវរន្ទះបាញ់ពិតមែន ខណៈពេលរៀបឡើងជិះម៉ូតូត្រឡប់មកផ្ទះ វិញ។ ក្រោយពីពិនិត្យរួចស.ពជនរងគ្រោះក៏បានប្រគល់ជូនក្រុមគ្រួសារ ដើម្បីយកទៅចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ