រាជធានីភ្នំពេញ ៖ យុវជនម្នាក់ ត្រូវបានកម្លាំងនគរបាលរាជធានីភ្នំពេញចាប់ខ្លួន ដែលបង្ហោះវីដេអូតាមបណ្ដាញសង្គម TikTok អំពីការចាក់វ៉ាក់សាំងការពារជំងឺកូវីដ-១៩ ហើយស្លាប់ជាបន្ដបន្ទាប់ ។ ការចាប់ខ្លួននេះ…
រាជធានីភ្នំពេញ ៖ យុវជនម្នាក់ ត្រូវបានកម្លាំងនគរបាលរាជធានីភ្នំពេញចាប់ខ្លួន ដែលបង្ហោះវីដេអូតាមបណ្ដាញសង្គម TikTok អំពីការចាក់វ៉ាក់សាំងការពារជំងឺកូវីដ-១៩ ហើយស្លាប់ជាបន្ដបន្ទាប់ ។
ការចាប់ខ្លួននេះ ដោយអនុវត្តតាមបទបញ្ជារបស់ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងមានការឯកភាពពីលោក សេង ហៀង ព្រះរាជអជ្ញាររងអមសាលាដំបូងរាជធានីភ្នំពេញ នៅវេលាម៉ោង ០២និង៤០នាទី រសៀលថ្ងៃទី១២ ខែមេសា ឆ្នាំ២០២១នេះ កម្លាំងសមត្ថកិច្ច ផែនសន្តិសុខ នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងជំនាញ នៃអធិការដ្ឋាននគរបាលខណ្ឌមានជ័យ បានធ្វើការឃាត់ខ្លួនជនសង្ស័យម្នាក់ឈ្មោះ គង់ សម្បតិ្ត ម្ចាស់គណនី TikTok ឈ្មោះ “ចង្ហាន់ហុយ” ដែលបានបង្ហោះសារ ដែលមានខ្លឹមសារ រារាំងដល់ការអនុវត្តវិធានការចាក់វ៉ាងសាំងការពារកូវីត-១៩ ដោយបានធ្វើការឃាត់ខ្លួន នៅអគារសំណង់តាមបណ្តោយផ្លូវ៦០ម៉ែត្រ ៕
ចែករំលែកព័តមាននេះ