ផ្លូវជុំវិញផ្សារចាស់បើកឱ្យដំណើរការជាធម្មតាវិញហើយ តែផ្សារត្រូវបិទទាំងស្រុង
- ភ្នំពេញ
រាជធានីភ្នំពេញ ៖ អភិបាលខណ្ឌដូនពេញ លោក សុខ ពេញវុធ បានឲ្យដឹងនៅរសៀលថ្ងៃទី១២ មេសា នេះថា ៖…
រាជធានីភ្នំពេញ ៖ អភិបាលខណ្ឌដូនពេញ លោក សុខ ពេញវុធ បានឲ្យដឹងនៅរសៀលថ្ងៃទី១២ មេសា នេះថា ៖…
រាជធានីភ្នំពេញ ៖ អភិបាលខណ្ឌដូនពេញ លោក សុខ ពេញវុធ បានឲ្យដឹងនៅរសៀលថ្ងៃទី១២ មេសា នេះថា ៖ បន្ទាប់ពីបិទផ្លូវ និងបិទការចេញចូលមួយរយៈ ដើម្បីយកសំណាកអាជីវករ និងអ្នកពាក់ព័ន្ធអ្នកកើតជំងឺកូវីដ១៩នោះ អាជ្ញាធរបានសម្រេចបើកផ្លូវជុំវិញផ្សារឲ្យប្រជាពលរដ្ឋធ្វើដំណើរជាធម្មតាវិញហើយ ។ ដោយឡែកផ្សារត្រូវបានបិទទាំងស្រុងតែម្តង។
លោកអភិបាលខណ្ឌដូនពេញបានឱ្យដឹងបន្តថា ពុំមានការបើកដំណើរការផ្សារចាស់ឡើងវិញនោះទេ តែបានបើកឱ្យធ្វើចរាចរផ្លូវជុំវិញផ្សារ ដើម្បីសម្រួលដល់ការធ្វើចរាចររបស់ប្រជាពលរដ្ឋ បន្ទាប់ពីបានបិទកាលពីពេលថ្មីៗនេះ ។ លោកបន្តថា ការបើកផ្សារឡើងវិញនោះ លុះត្រាណាតែក្រុមមន្ត្រីជំនាញត្រួតពិនិត្យ និងធ្វើតេស្ដសំណាកអ្នកដែលពាក់ព័ន្ធ ដោយរង់ចាំលទ្ធផលចេញសិន ព្រមទាំងមានការសម្រេចពីថ្នាក់ដឹកនាំជាមុនសិន ។
គួរបញ្ជាក់ថា អនុគណៈកម្មការស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ១៩ នៅព្រឹកថ្ងៃទី១២ ខែមេសា ឆ្នាំ២០២១នេះ បានអំពាវនាវដល់ប្រជាពលរដ្ឋដែលធ្លាប់ទៅផ្សារចាស់ ចាប់ពីថ្ងៃទី០១ ដល់ថ្ងៃទី១០ ខែមេសា សូមតាមដានសុខភាពរបស់ខ្លួន ក្នុងករណីមានរោគសញ្ញាសង្ស័យសូមទៅពិនិត្យសំណាក និងដាក់ខ្លួននៅដាច់ដោយឡែក៕
ចែករំលែកព័តមាននេះ