ប្រទេសថៃ ៖ ក្រុមហ៊ុនអាកាសចរណ៍ Thai AirAsia (TAA) កំពុងបង្កើនបរិមាណហ៊ុនលើមជ្ឈមណ្ឌលអភិវឌ្ឍន៍ថ្មីៗរបស់ខ្លួននៅអាកាសយានដ្ឋានU-tapao តាមរយៈការបន្ថែមបណ្តាញផ្លូវហោះហើរ៣ទៀតដើម្បីជំរុញ
ប្រទេសថៃ ៖ ក្រុមហ៊ុនអាកាសចរណ៍ Thai AirAsia (TAA) កំពុងបង្កើនបរិមាណហ៊ុនលើមជ្ឈមណ្ឌលអភិវឌ្ឍន៍ថ្មីៗរបស់ខ្លួននៅអាកាសយានដ្ឋានU-tapao តាមរយៈការបន្ថែមបណ្តាញផ្លូវហោះហើរ៣ទៀតដើម្បីជំរុញនូវការធ្វើចរាចរណ៍ទៅកាន់សមុទ្រខាងប៉ែកខាងកើតជាពិសេសគឺ Pattaya តែម្តង ។ នេះបើយោងតាមការចេញផ្សាយពីកាសែតបាងកកប៉ុស្តិ៍ ។
គម្រោងផ្តល់សេវាអាកាសចរណ៍មូលដ្ឋានដើម្បីនឹងរក្សាតម្លៃទាបរបស់ក្រុមហ៊ុន នឹងចាប់ផ្តើមប្រតិបត្តិនូវជើងហោះហើរប្រចាំថ្ងៃពីអាកាសយានដ្ឋាន U-tapao ទៅទីក្រុងម៉ាកាវ សិង្ហបុរី និងUdon Thani ស្របពេលជាមួយគ្នានោះដែរនៅថ្ងៃ២៧ វិច្ឆិកា ខាងមុខនេះ ។
ការវិវឌ្ឍថ្មីនេះ សង្កត់ធ្ងន់ទៅលើចេតនាតម្រង់ទិសរបស់TAAក្នុងការអភិវឌ្ឍព្រលានយន្តហោះ U-tapao ឲ្យក្លាយជាមជ្ឈមណ្ឌលបំពាក់បំប៉នពេញលេញមួយ និងទី៥របស់ខ្លួនក្នុងការធ្វើជាទុននៅលើបណ្តាញផ្លូវដទៃទៀតដែលបានងាកចេញពីនេះ ។
ក្រុមហ៊ុនអាកាសចរណ៍នេះបានផ្តល់នូវជើងហោះហើរ៤ជើងក្នុងមួយសប្តាហ៍ចេញពីអាកាសយានដ្ឋានដែលប្រតិបត្តិការដោយកងទ័ពជើងទឹកក្នុងខេត្តរ៉ាក់យ៉ងទៅតំបន់ Nanningនិង៣ជើងក្នុងមួយសប្តាហ៍ទៅកាន់តំបន់ Nanchang ។
បណ្តាញផ្លូវថ្មីទាំងនេះបានកើតចេញ បន្ទាប់អំពីការចាប់ផ្តើមដាក់ឲ្យដំណើរការនៃជើងហោះហើរទៀងទាត់ពីក្រុងគូឡាឡាំពួមកអាកាសយានដ្ឋាន U-tapao កាលពីថ្ងៃទី១៥ កក្កដា កន្លងមកតាមរយៈក្រុមហ៊ុន AirAsia Bhd ម៉ាឡេស៊ី ដែលជាការគាំទ្រនូវលំហូរចូលនៃការធ្វើចរាចរណ៍តាមដែនអាកាសដែលគេពុំធ្លាប់បានឃើញពីមុនមក ចាប់តាំងពីក្រុមហ៊ុនត្រូវបានប្រគល់ឲ្យដោយសហរដ្ឋអាមេរិកក្នុងខែសីហា ឆ្នាំ១៩៦៦ ។
AirAsia Malaysia បានប្រែក្លាយទៅជាក្រុមហ៊ុនដឹកជញ្ជូនយកកម្រៃដំបូងគេនៅក្នុងការប្រតិបត្តិសេវាកំណត់ពេលវេលាហោះហើរទៅកាន់អាកាសយានដ្ឋាន U-tapao ដែលបច្ចុប្បន្នមានកំណត់៤ជើងក្នុងមួយសប្តាហ៍ ជាមួយនឹងការប្រើប្រាស់យន្តហោះ Airbus 320 ប្រភេទ១៨០កៅអី ។
អាកាសយានដ្ឋាននេះដែរ ក៏បានបម្រើឲ្យបណ្ដាញជើងហោះហើរឈ្នួលអន្តរជាតិមួយផ្នែកធំដែរដែលបាននាំយកនូវភ្ញៀវទេសជនជាតិរុស្ស៊ីនិងចិនមកកាន់ Pattaya ។
លោក Tassapon បានឲ្យដឹងទៀតថា៖ « ហេតុផលដែលយើងកំពុងបន្តចាប់ផ្តើមដំណើរការបណ្តាញផ្លូវថ្មីចេញពី U-tapao គឺយើងសម្លឹងឃើញនូវសក្តានុពលរបស់ខ្លួន និងកាលានុវត្តភាពនៃការអូសទាញទេសចរនិងការវិនិយោគឆ្ពោះទៅកាន់សមុទ្រខាងកើត ដែលវានឹងក្លាយទៅជាទិសដៅកម្សាន្តដ៏មានប្រជាប្រិយភាពគឺ Pattayaឬក៏មជ្ឈមណ្ឌលឧស្សាហកម្មរបស់ខេត្តរ៉ាក់យ៉ងជាដើម »។
លោកបានបន្ថែមថា ក្រុមហ៊ុនចង់បានភ្ញៀវទេសចរចិននិងបរទេសនៅក្នុងការចូលទៅកាន់តំបន់ភាគខាងកើតនោះឲ្យទូលំទូលាយ ខណៈការផ្តល់នូវជម្រើសនៃទីកន្លែងស្នាក់នៅនៃតំបន់ទេសចរណ៍ដទៃទៀត ។
លោកបានលើកឡើងផងដែរថា ជើងហោះហើរនៃតំបន់Nanning និងNanchang គេបានសង្កេតឃើញពីផ្នែកដែលអ្នកទេសចរទៅកម្សាន្តពេញលេញប្រមាណជា៧០ទៅ៧៥%ដែលជាការផ្តល់នូវកាលានុវត្តភាពរបស់ទីតាំងទាំងនោះ ។
AirAsia ក៏មានផ្តល់នូវសេវាផ្ទេរអ្នកដំណើររវាងអ្នកនៅទីក្រុងនិងដែនកោះមួយចំនួនដោយប្រើប្រាស់រថយន្តក្រុងនិងនាវាចម្លងពី U-tapao ទៅកាន់ទិសដៅទេសចរណ៍ធំៗដូចជា Koh Samet Pattaya និងក្រុងរ៉ាក់យ៉ងផងដែរជាមួយនឹងគម្រោងផ្តល់នូវការផ្ទេរអ្នកដំណើរនៃ Koh Lan ក្នុងតំបន់ឆេ្នរ Pattaya ក្នុងពេលឆាប់ៗនេះផងដែរ ។
នៅដំណាច់ឆ្នាំនេះ ក្រុមហ៊ុនឹងមានដាក់ឲ្យប្រើប្រាស់នូវយន្តហោះ Airbus A320s ចំនួនពីរគ្រឿងនៅព្រលានយន្តហោះ U-tapao ៕
ចែករំលែកព័តមាននេះ