រាជធានីភ្នំពេញ ៖ ក្រសួងសុខាភិបាលបានបញ្ជាក់ឲ្យដឹងនៅថ្ងៃទី១១ ខែមេសា ឆ្នាំ២០២១នេះថា មានករណីស្លា.ប់ដោយសារជំងឺកូវីដ១៩ថ្មីបន្ថែមចំនួន២នាក់ទៀត ធ្វើឲ្យចំនួនអ្នកស្លា.ប់ដោយសារកូវីដ១៩កើនដល់២៩នាក់។ តាមសេចក្តីប្រកាសព័ត៌មានរបស់ក្រសួងសុខាភិបាល បានលើកឡើងថា ករណីស្លា.ប់បុរសជនជាតិខ្មែរអាយុ៤៨ឆ្នាំ ដោយសារជំងឺកូវីដ-១៩ ។
ក្រសួងសុខាភិបាលបន្តថា យោងតាមរបាយការណ៍ពីមន្ទីរពេទ្យមិត្តភាពខ្មែរ-សូវៀត បានឱ្យដឹងថា បុរសជនជាតិខ្មែរអាយុ៤៨ឆ្នាំ ដែលរស់នៅភូមិព្រែករាំង ឃុំកំពុងសំណាញ់ ក្រុងតាខ្មៅ ខេត្តកណ្តាល បានស្លា.ប់បាត់បង់ជីវិតពេលចូលដល់មន្ទីរពេទ្យ មិត្តភាពខ្មែរ-សូវៀត នាថ្ងៃទី១០ ខែមេសា ឆ្នាំ២០២១ វេលាម៉ោង១១និង៥៥នាទីព្រឹក ។
ហើយនៅពេលចូលមកដល់មន្ទីរពេទ្យនៅថ្ងៃទី១០ ខែមេសា ឆ្នាំ២០២១ វេលាម៉ោង១១និង៤០នាទីនោះ អ្នកជំងឺមានស្ថានភាពធ្ងន់ធ្ងរសន្លប់បាត់បង់ស្មារតី គ្មានសញ្ញាជីវិត ក្រុមគ្រូពេទ្យបានជួយធ្វើចលនាបេះដូង និងជួយសង្គ្រោះតាមលក្ខណៈបច្ចេកទេស ប៉ុន្តែមិនអាចជួយសង្គ្រោះអ្នកជំងឺបាន គាត់ក៏បានស្លា.ប់បាត់បង់ជីវិតនៅវេលាម៉ោង១១និង៥៥នាទី។ ដោយជាករណីសង្ស័យស.ពត្រូវបានក្រុមគ្រូពេទ្យយកសំណាកហើយ ថា ស.ពមានវិជ្ជមានកូវីដ-១៩។
ក្រសួងបញ្ជាក់ថា «ជាលទ្ធផលបញ្ជាក់ការសន្និដ្ឋានរបស់ក្រុមគ្រូពេទ្យ ៖ បុរសជនជាតិខ្មែរអាយុ៤៨ឆ្នាំ ខាងលើនេះ បានស្លា.ប់បាត់បង់ជីវិតពេលចូលដល់មន្ទីរពេទ្យដោយសារជំងឺកូវីដ-១៩ (Entrant mourant avec COVID-19)»។
ដោយឡែក ករណីស្លា.ប់ម្នាក់ទៀតដោយសារជំងឺកូវីដ១៩ ក្រសួងបានលើកឡើងថា យោងតាមរបាយការណ៍ពីមន្ទីរពេទ្យបង្អែកស្វាយជ្រុំ ខេត្តស្វាយរៀង បានឱ្យដឹងថា ស្ត្រីជនជាតិខ្មែរអាយុ៧២ឆ្នាំ ដែលរស់នៅភូមិប្រសប់លាក់ សង្កាត់បាទី ក្រុងបាវិត ខេត្តស្វាយរៀង បានស្លា.ប់បាត់បង់ជីវិតដោយសារជំងឺកូវីដ-១៩ នាថ្ងៃទី១០ ខែមេសា ឆ្នាំ២០២១ វេលាម៉ោង១៥និង៣០នាទីរសៀល។
ក្រសួងបន្តថា អ្នកជំងឺខាងលើ ត្រូវបានរកឃើញវិជ្ជមានកូវីដ -១៩ នៅថ្ងៃទី០៤ ខែមេសា ឆ្នាំ២០២១ ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកស្វាយជ្រុំ ខេត្តស្វាយរៀង ប៉ុន្តែដោយសារស្ថានភាពជំងឺមានរលាកសួតធ្ងន់ធ្ងរ និងមានជំងឺទឹកនោមផ្អែមរ៉ាំរៃប្រចាំកាយ ទើបតម្រូវឲ្យក្រុមគ្រូពេទ្យប្រើប្រាស់ម៉ាស៊ីនជំនួយដកដង្ហើមតាំងពីថ្ងៃដំបូងដែលចូលសម្រាកព្យាបាលក្នុងមន្ទីរពេទ្យ ។
ទោះបីក្រុមគ្រូពេទ្យបានខិតខំជួយសង្គ្រោះតាមបច្ចេកទេស យ៉ាងណាក៏ដោយ ក៏មិនអាចជួយអ្នកជំងឺបាន ហើយស្ថានភាពអ្នកជំងឺកាន់តែធ្ងន់ធ្ងរឡើងៗ ដែលបណ្តាលឲ្យអ្នកជំងឺបានស្លា.ប់បាត់បង់ជីវិតនៅថ្ងៃទី១០ ខែមេសា ឆ្នាំ២០២១ វេលាម៉ោង ១៥និង៣០នាទី រសៀល ។
ក្រសួងគូសបញ្ជាក់ថា ការសន្និដ្ឋានរបស់ក្រុមគ្រូពេទ្យ ៖ ស្ត្រីជនជាតិខ្មែរអាយុ៧២ឆ្នាំខាងលើនេះ បានស្លា.ប់បាត់បង់ជីវិតដោយសារខ្សោយសួតធ្ងន់ធ្ងរ និងរលាកសួតទាំងសងខាង ដោយសារវីរុសកូវីដ-១៩។
ជាមួយគ្នានោះដែរ ក្រសួងសុខាភិបាល សូមចូលរួមចំណែកសោកស្តាយជាពន់ពេក និងសូមចូលរួមមរណទុក្ខយ៉ាងក្រៀមក្រំ ជាទីបំផុតជាមួយក្រុមគ្រួសារស.ព៕
ចែករំលែកព័តមាននេះ