រាជធានីភ្នំពេញ ៖ នៅវេលាព្រឹកថ្ងៃទី១០ ខែមេសា ឆ្នាំ២០២១នេះ កងកម្លាំងសមត្ថកិច្ចចម្រុះនៅបន្តធ្វើការបិទខ្ទប់សង្កាត់ចំនួន២ នៃខណ្ឌមានជ័យ គឺសង្កាត់ស្ទឹងមានជ័យទី១ និងសង្កាត់ស្ទឹងមានជ័យទី២ ដោយមិនអោយមានការចរាចរណ៍ធ្វើដំណើរចេញចូលក្នុងតំបន់ភូមិសាស្ត្រដែលមានហាមឃាត់ទាំង២…
រាជធានីភ្នំពេញ ៖ នៅវេលាព្រឹកថ្ងៃទី១០ ខែមេសា ឆ្នាំ២០២១នេះ កងកម្លាំងសមត្ថកិច្ចចម្រុះនៅបន្តធ្វើការបិទខ្ទប់សង្កាត់ចំនួន២ នៃខណ្ឌមានជ័យ គឺសង្កាត់ស្ទឹងមានជ័យទី១ និងសង្កាត់ស្ទឹងមានជ័យទី២ ដោយមិនអោយមានការចរាចរណ៍ធ្វើដំណើរចេញចូលក្នុងតំបន់ភូមិសាស្ត្រដែលមានហាមឃាត់ទាំង២ ។
ការបិទខ្ទប់សង្កាត់ទាំង២ខាងលើ គឺកងកម្លាំងសមត្ថកិច្ចធ្វើឡើងដោយដាក់គោលដៅធំៗចំនួន៨ ដែលមានព្រុំប្រទល់ជាប់នឹងបណ្តាខណ្ឌមួយចំនួនដូចជាខណ្ឌដង្កោ, ខណ្ឌពោធិ៍សែនជ័យ , ខណ្ឌសែនសុខជាដើម ។
សូមបញ្ជាក់ថា ការអនុវត្តនេះ ធ្វើឡើងតាមសេចក្តីសម្រេចរបស់រដ្ឋបាលរាជធានីភ្នំពេញ ដោយបានសម្រេចបិទខ្ទប់សង្កាត់២ខាងលើ ក្រោយរកឃើញថា សង្កាត់២នោះ ជាតំបន់មានការឆ្លងរាលដាលខ្លាំង នៃជម្ងឺកូវីដ១៩ ដែលមានជាប់ពាក់ព័ន្ធទៅនឹងព្រឹត្តិការណ៍សហគមន៍២០កុម្ភះ ។ ហើយការបិទខ្ទប់ដដែលនេះ គឺត្រូវធ្វើឡើងក្នុងរយះពេល២សប្តាហ៍ គិតចាប់ពីវេលាម៉ោងសូន្យៗ ថ្ងៃទី១០ មេសា រហូតដល់ថ្ងៃទី២៣ មេសា ។
សូមបញ្ជាក់បន្ថែមថា ការបិទខ្ទប់សង្កាត់ទាំង២ខាងលើ គឺធ្វើឡើងដោយកងកម្លាំងចម្រុះ នៃខណ្ឌមានជ័យ មានកម្លាំងនគរបាល កម្លាំងកងរាជអាវុធហត្ថ និងកម្លាំងប្រជាការពារសង្កាត់ទាំង២ ។ បន្ថែមពីនោះ ក៏មានកម្លាំងនគរបាល នៃនាយកដ្ឋានគ្រប់គ្រងសន្តិសុខឯកជន , កម្លាំងនគរបាលអង្គភាពតម្រួតបទបញ្ជារ នៃអគ្គស្នងការដ្ឋាននគរបាលជាតិ ប្រមាណជាង១០០នាក់ បានចូលរួមសហការជាមួយកម្លាំងមូលដ្ឋាន ក្នុងការបិទខ្ទប់តំបន់ដែលកំពុងមានការរីករាលដាលខ្លាំងផងដែរ ។
ទន្ទឹមនឹងការបិទខ្ទប់ភូមិសាស្ត្រសង្កាត់ទាំង២ខាងលើនេះ អាជ្ញាធររាជធានីភ្នំពេញ ក៏បានលើកលែងនូវករណីមួយចំនួនផងដែរ ដែលអាចអនុញ្ញាតិ្តអោយធ្វើដំណើរចេញចូលបាន ដែលចំណុចទាំងនោះ មានចែងក្នុងលិខិត នៃសេចក្តីសម្រេចរបស់រដ្ឋបាលរាជធានីភ្នំពេញ ៕
ចែករំលែកព័តមាននេះ