ប្រទេសថៃ ៖ យោងតាមការស្ទាបស្ទង់មួយពីសមាគមអាជីវកម្មនិងពាណិជ្ជកម្មអឺរ៉ុប (EABC)បង្ហាញថា បើទោះជាឆ្លងកាត់បទពិសោធន៍នៃការតវាលើដងផ្លូវដែលបានអូសបន្លាយពេលយូរ ការធ្វើរដ្ឋប្រហារ និងការបំផ្ទុះគ្រាប់បែក
ប្រទេសថៃ ៖ យោងតាមការស្ទាបស្ទង់មួយពីសមាគមអាជីវកម្មនិងពាណិជ្ជកម្មអឺរ៉ុប (EABC)បង្ហាញថា បើទោះជាឆ្លងកាត់បទពិសោធន៍នៃការតវាលើដងផ្លូវដែលបានអូសបន្លាយពេលយូរ ការធ្វើរដ្ឋប្រហារ និងការបំផ្ទុះគ្រាប់បែកភរវកម្មកាលពីពេលថ្មីៗនេះក្តី ក៏ប្រទេសថៃនៅតែជាកន្លែងមួយដែលគួរឲ្យទាក់ទាញសម្រាប់ការវិនិយោគបន្ថែមរបស់បណ្តាវិនិយោគិនសហគមន៍អឺរ៉ុបដែរ ។
ទោះជាយ៉ាងណា EABC បានថ្លែងថា នៅតែមានហានិភ័យខ្លះៗដដែលអំពីភាពមិននឹងននៃស្ថានភាពនយោបាយនៅពេលខាងមុខថា នឹងត្រូវការការតាំងចិត្តរបស់រដ្ឋាភិបាលយ៉ាងណានោះ ។
សមាគមនេះក៏បង្ហាញពីក្តីបារម្ភអំពីការឧបត្ថម្ភនិយមនៅក្នុងវិស័យសេវាកម្មនិងហិរញ្ញវត្ថុដែលចាំបាច់ក្នុងការកែសម្រួលឡើងវិញដើម្បីនឹងធ្វើជាទុនលើការពង្រីកទីផ្សារអាស៊ានឲ្យកាន់តែធំជាងមុន បន្ទាប់ពីសមាគមសេដ្ឋកិច្ចអាស៊ានចូលជាធរមាននៅចុងឆ្នាំ២០១៥នេះ ។
នៅក្នុងផ្នែកនៃទស្សនវិស័យលើសេដ្ឋកិច្ចក្នុងស្រុក ៨០%នៃអ្នកឆ្លើយតបគឺមានការជឿជាក់ថា ប្រទេសថៃនឹងប្រសើរឡើងក្នុងរយៈពេលពីរឆ្នាំក្រោយ ។ នេះបើតាមការស្ទាបស្ទង់របស់ EABC គ្របដណ្តប់លើសភាពាណិជ្ជកម្មនិងសមាគមនានារបស់អឺរ៉ុបចំនួន១៦ដែលមានវត្តមានក្នុងប្រទេសថៃ ។
ប្រធានសមាគម EABC លោក Rolf-Dieter Daniel បានថ្លែងថា «នេះបញ្ជាក់ឲ្យឃើញថាប្រទេសថៃគឺជាទីតាំងមួយដែលគេមានចំណូលក្នុងការវិនិយោគក្នុងតំបន់អាស៊ាន »។
ការស្ទាបស្ទង់នេះដែរត្រូវបានដឹកនាំធ្វើឡើងចាប់ពីខែមេសាដល់ខែឧសភា ជាមួយនឹងអ្នកឆ្លើយតបចំនួន១២៧ ។ ក្នុងនោះ៩០%នៃអ្នកទាំងអស់នោះគឺជាប្រធានប្រតិបត្តិ ប្រធានគ្រប់គ្រង និងមន្ត្រីប្រតិបត្តិជាន់ខ្ពស់ដែលភាគច្រើនសុទ្ធសឹងតែមកពីបណ្តាសហគ្រាសខ្នាតតូចនិងមធ្យមដែលមានបុគ្គលិកតិចជាង២៥០នាក់។
យោងតាមEABC ភាគច្រើននៃបណ្តាក្រុមហ៊ុនដែលឆ្លើយតបនៅក្នុងការស្ទង់មតិនេះបាននិងកំពុងប្រតិបត្តិការក្នុងប្រទេសថៃក្នុងអំឡុងពេលជាង១០ឆ្នាំមកនេះ ហើយក៏ជាអ្នកដែលចេញផ្សាយពីចំណូលច្រើនជាង៥លានបាតដែរ ។
ជាង៦០%នៃអ្នកទាំងអស់នោះគឺនៅតែមានសុទិដ្ឋិនិយមដដែលថា នឹងមានភាពប្រសើរឡើងនៅក្នុងកំណើនមុខជំនួញរបស់ពួកគេ លទ្ធភាពចំណេញនិងការលក់នៅក្នុងរយៈពេល៦ខែក្រោយដែរ ។
ចំណែកលោក Daniel បានបញ្ជាក់ផងដែរថា « ទោះជាយ៉ាងណា នៅតែមានការស្ទាក់ស្ទើរឬរុញរាចិត្តដដែលនៅក្នុងការពង្រីកការវិនិយោគនៅក្នុងប្រទេសថ ៃនិងអាស៊ានទាំងមូល »។
លោកបានលើកឡើងថា ក្រៅពី១០%នៃអ្នកឆ្លើយតបគឺមិនប៉ះពាល់ដល់ការលុបចោលនៃប្រព័ន្ធអនុគ្រោះទូទៅ(GSP)របស់អឺរ៉ុបឆ្នាំនេះឡើយ ហើយពួកគេចាំបាច់ត្រូវតែកែប្រែថ្មីនៅក្នុងផ្នែកបង្កើនគុណសម្បត្តិនៃការប្រកួតប្រជែងរបស់ពួកគេដែរ និងការកាត់បន្ថយការចំណាយក៏ដូចជាការស្វែងរកទីផ្សារថ្មីដើម្បីជួយដល់ការទូទាត់នឹងការធ្លាក់ចុះក្នុងការនាំចេញទៅកាន់តំបន់អឺរ៉ុប ។
ទោះជាយ៉ាងណា EABC បានបង្ហាញពីក្តីបារម្ភអំពីការតាក់តែងច្បាប់ដែលធ្វើឲ្យអ្នកវិនិយោគរុញរាចិត្តផងដែរដូចជា សកម្មភាពប្រកបជំនួញរបស់បរទេស និងសកម្មភាពនៃការប្រើប្រាស់កម្លាំងពលកម្មបរទេសជាដើម ។
លោក Jan Eriksson អនុប្រធានសមាគម EABC បានថ្លែងថា «រដ្ឋាភិបាលបានបញ្ចេញនូវគោលនយោបាយជាច្រើនដើម្បីជួយជំរុញការវិនិយោគ ហើយដើម្បីនឹងសម្រេចបានថា អ្នកវិនិយោគចាំបាច់ត្រូវតែជួយពីខាងក្រៅ និងដូចដែលអ្នកកំពុងពាំនាំមកនូវជនបរទេសនិងអ្នកជំនាញការដែលអាចនឹងចាំបាច់ត្រូវកែប្រែច្បាប់ថ្មីដើម្បីឲ្យមានការស្រុះស្រួលជាមួយនឹងស្ថានភាពនេះ ដែលវាសំដៅលើការធ្វើវិសោធនកម្មច្បាប់នៃសកម្មភាពប្រកបជំនួញរបស់ជនបរទេសដែលតម្រូវឲ្យថៃកាន់កាប់ភាគហ៊ុនច្រើនជាង៥០%ក្នុងក្រុមហ៊ុន »។
EABC ទទួចឲ្យមានការធ្វើវិសោធនកម្មនៅក្នុងការធ្វើនិយ័តកម្ម ជាពិសេសនៅក្នុងវិស័យសេវាកម្មនិងហិរញ្ញវត្ថុដែលនឹងជួយដល់ប្រទេសថៃគេចចេញពីមាត់រណ្តៅប្រទេសចំណូលមធ្យម ដែលវិវឌ្ឍន៍ខ្លួនពីប្រទេសសេដ្ឋកិច្ចដែលពឹងផ្អែកលើឧស្សាហកម្មលក្ខណៈល្អិតល្អន់លើកម្លាំងពលកម្មទៅជាប្រជាជាតិដែលមានសេដ្ឋកិច្ចពឹងផ្អែកទៅលើចំណឹងដឹងថ្មីដែលផ្អែកលើការកែប្រែថ្មីនិងបច្ចេកវិទ្យាថ្មីក៏ដូចជាការបើកទូលាយនូវប្រព័ន្ធហិរញ្ញវត្ថុផងដែរ ៕
ចែករំលែកព័តមាននេះ