អ្នកជំងឺកូវីដ១៩ ត្រូវបានដឹកចូលសម្រាកព្យាបាលទាំងយប់ នៅវិទ្យាល័យ ជាស៊ីម សាមគ្គី ក្នុងរាជធានីភ្នំពេញ
- ភ្នំពេញ
ភ្នំពេញ៖ នាព្រលប់ថ្ងៃសុក្រ ទី០៩ ខែមេសា ឆ្នាំ២០២១នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ…
ភ្នំពេញ៖ នាព្រលប់ថ្ងៃសុក្រ ទី០៩ ខែមេសា ឆ្នាំ២០២១នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ…
ភ្នំពេញ៖ នាព្រលប់ថ្ងៃសុក្រ ទី០៩ ខែមេសា ឆ្នាំ២០២១នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញចុះពិនិត្យការងាររៀបចំកន្លែងសម្រាកព្យាបាលអ្នកផ្ទុកមេរោគកូវីដ១៩ នៅវិទ្យាល័យ ជា ស៊ីម សាមគ្គី ស្ថិតនៅផ្លូវលេខ២៧១ ក្នុងសង្កាត់បឹងសាឡាង ខណ្ឌទួលគោក។
រដ្ឋបាលរាជធានីភ្នំពេញ បានប្រកាសថា នៅម៉ោង ៩យប់ថ្ងៃទី៩មេសានេះ បានដឹកអ្នកជំងឺ ចូលសម្រាកព្យាបាល នៅវិទ្យាល័យ ជាស៊ីម សាមគ្គី ដែលអាជ្ញាធរសមត្ថកិច្ច បានរៀបចំតាំងពីថ្ងៃរសៀលនេះ។ ការរៀបចំ ក្នុងមួយបន្ទប់ ដាក់បានរហូតដល់ ៨នាក់។ ក្នុងនោះ វិទ្យាល័យ ជា ស៊ីម សាមគ្គី អាចដាក់បានជាង ៣០០នាក់ សម្រាប់សម្រាក និងព្យាបាល។
រដ្ឋបាលរាជធានីភ្នំពេញ បានប្រកាសនៅព្រលប់ថ្ងៃទី៩មេសានេះ ពីអត្តសញ្ញាណអ្នកឆ្លងជំងឺកូវីដ១៩ ចំនួន ៥៤៤នាក់ ដែលបានឆ្លងកូវីដ១៩ កាលពីថ្ងៃទី៨ ខែមេសា។ ស្ទើរតែទាំងអស់ ជាអាជីវករនៅផ្សារអូរឫស្សី និងជាកម្មកររោងចក្រកាត់ដេរ ឌីន ហាន នៅស្ទឹងមានជ័យ។
ក្នុងសេចក្តីប្រកាសរបស់ក្រសួងសុខាភិបាល នៅរសៀលថ្ងៃទី៩មេសានេះ បង្ហាញថា ក្នុងចំណោមអ្នកឆ្លងជំងឺកូវិដ១៩ ថ្មី ចំនួន ៥៧៦នាក់ កាលពីថ្ងៃទី៨ ខែមេសា គឺមានអ្នកជំងឺកូវីដ១៩ ចំនួន ៥១៣នាក់ រង់ចាំបបញ្ជូនទៅកន្លែងសម្រាកព្យាបាល៕
ចែករំលែកព័តមាននេះ