ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា ស្ត្រីវ័យក្មេងម្នាក់ត្រូវបានគេប្រទះឃើញដេកស្លា.ប់នៅក្នុងជង្ហុកក្បែរផ្លូវមួយកន្លែង បង្កឱ្យមានការភ្ញាក់ផ្អើលកាលពីព្រឹកថ្ងៃទី៩ ខែមេសា ឆ្នាំ២០២១នេះ ស្ថិតក្នុងភូមិ៦ សង្កាត់លេខ៤ ក្រុង-ខេត្តព្រះសីហនុ…
ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា ស្ត្រីវ័យក្មេងម្នាក់ត្រូវបានគេប្រទះឃើញដេកស្លា.ប់នៅក្នុងជង្ហុកក្បែរផ្លូវមួយកន្លែង បង្កឱ្យមានការភ្ញាក់ផ្អើលកាលពីព្រឹកថ្ងៃទី៩ ខែមេសា ឆ្នាំ២០២១នេះ ស្ថិតក្នុងភូមិ៦ សង្កាត់លេខ៤ ក្រុង-ខេត្តព្រះសីហនុ ដោយពុំទាន់ដឹងអំពីមូលហេតុច្បាស់លាស់នៅឡើយទេ។
ជុំវិញហេតុការណ៍ខាងលើនេះ បងប្អូនប្រជាពលរដ្ឋដែលបានចោមរោមមើល បានបង្ហើបឱ្យដឹងថា ហេតុការណ៍ភ្ញាក់ផ្អើលនេះបានកើតឡើងនៅវេលាម៉ោងប្រមាណ៨ព្រឹក ថ្ងៃទី៩ ខែមេសា ឆ្នាំ២០២១ បន្ទាប់ពីមានបុរសម្នាក់បានរត់ទៅប្តឹងសមត្ថកិច្ចទាក់ទិនទៅនឹងការប្រទះឃើញសពស្ត្រីរងគ្រោះ ក្រោយពេលរូបគាត់បានដើរទៅដោះបង្កៃត្រី នៅអូរក្បែរកន្លែងកើតហេតុនាវេលាម៉ោងជាង៧ព្រឹក។
បើតាមសមត្ថកិច្ចមូលដ្ឋាន បានបង្ហើបព័ត៌មានបឋមថា ចំពោះករណីនេះ សមត្ថកិច្ចនៅពុំទាន់អាចសន្និដ្ឋានបាននៅឡើយទេ ព្រោះស.ពស្ត្រីរងគ្រោះពុំទាន់ស្គាល់អត្តសញ្ញាណ គ្មានសាច់ញាតិចូលខ្លួនមកបំភ្លឺឡើយ ។ គ្រាន់តែដឹងថា ស្ត្រីរងគ្រោះមានភិនភាគរាងស្តើង សម្បុរខ្មៅស្រអែម កម្ពស់១ម៉ែត្រ៥០ជាង អាយុចន្លោះ២០ទៅ២៤ឆ្នាំ ពាក់អាវយឺតពណ៌លឿងលាយផ្កាខ្មៅ ខោយឺតពណ៌ខ្មៅស្នូត.ស ពាក់ស្រោមជើងពណ៌ប្រផេះ ហើយនៅលើក្បែរខ្លួនសាកស.ព គឺបានបន្សល់ទុកខោប្រុស ពណ៌ខ្មៅ អាវយឺតពណ៌ក្រហម អាវស ស្នូតខ្មៅ និងផ្លែឡាម ព្រមទាំងដងឡាមពណ៌ខៀវទៀតផង។
ដោយឡែក លោក សារ៉ាត់ វិទ្យា ប្រធានការិយាល័យ បច្ចេកទេស និងវិទ្យាសាស្ត្រ (ការិយាល័យពិនិត្យសាកស.ព) នៃស្នងការដ្ឋានគរបាលខេត្តព្រះសីហនុ បានគូសបញ្ជាក់ថា ចំពោះករណីនេះ សមត្ថកិច្ចនៅពុំទាន់កំណត់បានថា ជាករណីឃាត.កម្ម គំនុំ ឬករណីប្លន់សម្លា.ប់ ឬក៏ជាករណីរំលោ.ភសម្លា.ប់បាននៅឡើយទេ ព្រោះក្នុងសំណុំរឿងនេះ សមត្ថកិច្ចកំពុងតែបើកការស្រាវជ្រាវស៊ើបអង្កេត ដោយសារសាកស.ពពុំស្គាល់អត្តសញ្ញាណ។ ក្រោយពិនិត្យរួចសាកស.ពស្ត្រីរងគ្រោះរួច ក៏ត្រូវបានបញ្ជូនមករក្សាទុកនៅមន្ទីរពេទ្យបង្អែកចំការចេក ដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី។
ចែករំលែកព័តមាននេះ