រាជធានីភ្នំពេញ ៖ នាថ្ងៃវេលាថ្ងៃត្រង់ ថ្ងែទី០៩ ខែមេសា ឆ្នាំ ២០២១នេះ អាជ្ញាធររាជធានីភ្នំពេញបានបញ្ជូនសាឡាងខ្នាតធំមួយគ្រឿងទៀតបន្ថែមមកជួយដឹកអ្នកដំណើរឆ្លងកាត់ទន្លេបាសាក់ភ្ជាប់ពីកោះពេជ្រ ទៅកោះនរា ។…
រាជធានីភ្នំពេញ ៖ នាថ្ងៃវេលាថ្ងៃត្រង់ ថ្ងែទី០៩ ខែមេសា ឆ្នាំ ២០២១នេះ អាជ្ញាធររាជធានីភ្នំពេញបានបញ្ជូនសាឡាងខ្នាតធំមួយគ្រឿងទៀតបន្ថែមមកជួយដឹកអ្នកដំណើរឆ្លងកាត់ទន្លេបាសាក់ភ្ជាប់ពីកោះពេជ្រ ទៅកោះនរា ។
ដោយសារតែកាលពីព្រឹកមានតែ សាឡាងចំនួន២គ្រឿងប៉ុណ្ណោះ សំរាប់ដឹក តែដឹកមិនទាន់ ដោយសារតែចំនួនយានយន្តគ្រប់ប្រភេទដែលមានដូចជា រថយន្ត ម៉ូតូ និងកង់បី ចេះតែមានការកើនឡើងកាន់តែច្រើនទៅៗធ្វើឱ្យដឹកមិនទាន់ និងរង់ចាំបន្តកន្ទុយគ្នាកកគុញនោះ ។
ក្នុងការដឹកជញ្ជូនអ្នកដំណើរតាមសាឡាងនេះដែរ គឺមានក្រុមសន្តិសុខដើរទារលុយពីអ្នកដំណើរដែលឆ្លងកាត់គ្រប់គ្នាដោយសំរាប់រថយន្ត១គ្រឿង តម្លៃ៦ពាន់រៀល ម៉ូតូមួយគ្រឿងតម្លៃ១ពាន់រៀល និង កង់បីតម្លៃមួយគ្រឿង ២ពាន់រៀលផងដែរ សំរាប់មនុស្សមិនគិតលុយឡើយ ។
សន្តិសុខម្នាក់បានប្រាប់ឱ្យដឹងថា ការបើកអោយមានសាឡាងចំនួន២គ្រឿង ដឹកអ្នកដំណើរឆ្លងកាត់ទន្លេបាសាកពីកោះពេជ្រ ទៅកោះនរា ខាងច្បារអំពៅនេះ គឺចាប់ផ្តើមមានឡើងតាំងពីវេលាម៉ោង៧ព្រឹកមកម្លេះ ដោយរថយន្តមួយគ្រឿង យកថ្លៃចំនួ៦ពាន់រៀល ម៉ូតូមួយគ្រឿងតម្លៃ១ពាន់រៀល និងសំរាប់កង់បីយកតម្លៃ ២ពាន់រៀល ចំណែកឯមនុស្សមិនគិតលុយទេ ។
កាលពីចាប់ផ្តើមដឹកដំបូង គឺមិនសូវមានមនុស្សធ្វើដំណើរឆ្លងកាត់ទេ លុះដល់ម៉ោងប្រមាណជាជាង១២ថ្ងៃត្រង់នេះទើបចាប់ផ្តើមមានរថយន្ត ម៉ូតូ និងកង់បី កាន់តែច្រើនឡើងៗមកឈរតម្រៀបជួរគ្នារង់ចាំឆ្លងកាត់ បើខាងពីកោះពេជ្រទៅកាន់កោះនរា មិនសូវជាមានច្រើនប៉ុន្មានទេ តែបើពីខាងកោះនរា ឆ្លងមកកាន់កោះពេជ្រ វិញមានច្រើនកកគុញតែម្តង ។
ដែលមករង់ចាំឆ្លងដោយសារតែមានអ្នកដំណើរតាមរថយន្តតាមម៉ូតូ និងកង់បីកាន់តែច្រើនឡើងៗនាំគ្នាមកឈររង់ចាំឆ្លង ហើយសាឡា ២គ្រឿងដឹកជញ្ជូនមកទាន់នោះ ទើបគេបញ្ជូនសាឡាងមួយគ្រឿងបន្ថែមទៀត (សរុប ៣គ្រឿង)មកជួយដឹកអ្នកដំណើរឆ្លងទៅមកៗបែបបនេះ ។
ការដឹកជញ្ជូនអ្នកដំណើតាមសាឡាងឆ្លងកាត់ទន្លេបាសាកពីកោះពេជ្រទៅកោះនរានេះ គឺចាប់ផ្តើមឡើងចាប់ពីម៉ោង០៥និង៣០នាទីយប់រហូតដល់ម៉ោង០៨យប់ទើបឈប់ ដើម្បីជួយកាត់បន្ថយការកកស្ទះចរាចរណ៍លើស្ពានព្រះមុនីវង្ស ក្នុងខណ្ឌចំការមន និង ខណ្ឌច្បារអំពៅ ៕
ចែករំលែកព័តមាននេះ