រាជធានីភ្នំពេញ ៖ អ្នកនាំពាក្យក្រសួងសុខាភិបាលបានបញ្ជាក់ថាការចាក់វ៉ាក់សាំងលើកទី២ ត្រូវតែចាក់កន្លែងលើកទី១ ពីព្រោះមានទិន្នន័យគ្រប់គ្រាន់ ។
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានឲ្យដឹងថា តាមប្រព័ន្ធតេឡេក្រាម នៅថ្ងៃទី៩ មេសាឆ្នាំ២០២១ បានបញ្ជាក់ថា សុំមកចាក់នៅកន្លែងដែលបានចាក់លើកទី១វិញព្រោះ ៖
១. ទិន្នន័យលោកអ្នកនៅទីនោះស្រាប់ ២. វ៉ាក់សាំងលើកទីពីរក៏បានរក្សាទុកនៅកន្លែងចាក់លើកទី១ដែរ ៣. ការផ្ទៀងផ្ទាត់ចាំបាច់ត្រូវធ្វើនៅកន្លែងចាក់លើកទី១ ដើម្បីបញ្ជាក់ថា អ្នកដែលបានចាក់លើកទី១ បានមកចាក់លើកទីពីរហើយឫនៅ ?
៤. ចៀសវាងភាពច្របូកច្របល់នឹងការផ្ទេវ៉ាក់សាំងចុះឡើងពីកន្លែងមួយទៅកន្លែង ដែលធ្វើឱ្យវ៉ាក់សាំងទៅវិញ ៥. នៅកន្លែងចាក់លើកទី១ គ្រូពេទ្យបានជម្រាបរួចហើយ គួរតែលោកអ្នកដឹងថាខ្លួនត្រូវធ្វើយ៉ាងណាហើយ ដើម្បីចាក់លើកទីពីរបានត្រឹមត្រូវ ។ ការលើកឡើងរបស់អ្នកនាំពាក្យបន្ទាប់ពីមានសំណួរក្នុងករណី ចាក់វ៉ាក់សាំងលើកទី២ តើអាចទៅចាក់ខុសពីកន្លែងលើកទី១ បានដែរឬទេ ដោយភ្ជាប់ជាមួយប័ណ្ណចាក់ថ្នាំលើកទី១ ?
សូមជម្រាបថា ការចាក់វ៉ាក់សាំង គិតត្រឹមល្ងាចថ្ងៃទី០៨ ខែមេសា ឆ្នាំ២០២១ នៅក្រសួងការពារជាតិ 200.446 នាក់ នឹងនៅក្រសួងសុខាភិបាល 615.528 នាក់ ។ ប្រជាជនបានចាក់រួច =815.974 នាក់ (ផែនការចាក់ 10-13 លាននាក់)៕
ចែករំលែកព័តមាននេះ