រាជធានីភ្នំពេញ ៖ ក្រោយពីមានការដោះលែងខ្មាន់កាំភ្លើងឈ្មោះ ភឿង ភារៈ ឲ្យមានសេរីភាពវិញនោះ ស្ថាបន័យអយ្យការអមសាលាដំបូងរាជធានីភ្នំពេញ បានចេញសេចក្តីប្រកាសព័ត៌មានជាបន្ទាន់មួយថា អ្នកនាំពាក្យនៃអយ្យការសាលាដំបូងរាជធានីភ្នំពេញ មានកិត្តិយសសូមជម្រាបជូនសាធារណៈជនមេត្តាជ្រាបថា…
រាជធានីភ្នំពេញ ៖ ក្រោយពីមានការដោះលែងខ្មាន់កាំភ្លើងឈ្មោះ ភឿង ភារៈ ឲ្យមានសេរីភាពវិញនោះ ស្ថាបន័យអយ្យការអមសាលាដំបូងរាជធានីភ្នំពេញ បានចេញសេចក្តីប្រកាសព័ត៌មានជាបន្ទាន់មួយថា អ្នកនាំពាក្យនៃអយ្យការសាលាដំបូងរាជធានីភ្នំពេញ មានកិត្តិយសសូមជម្រាបជូនសាធារណៈជនមេត្តាជ្រាបថា នៅព្រឹកថ្ងៃទី៨ មេសា ឆ្នាំ២០២១ អយ្យការអមសាលាដំបូងរាជធានីភ្នំពេញ បានទទួលសំណុំរឿងពីមន្ត្រីនគរបាលយុត្តិធម៌នៃស្នងការដ្ឋាននគរបាលរាជធានីភ្នំពេញ ពាក់ព័ន្ធនឹងឈ្មោះ ភឿង ភារៈ បានបាញ់ទៅលើឈ្មោះ អ៊ូ សុផារ៉ាត់ បណ្តាលឲ្យស្លា.ប់នៅកន្លែងកើតហេតុ នៅចំណុចខាងមុខធនាគារ ABA មហាវិថីសហព័ន្ធរុស្សី ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី៦ ខែមេសា ឆ្នាំ២០២១ ។ ក្រោយពីបានសាកសួរលើឈ្មោះ ភឿង ភារៈ នឹងបានពិនិត្យភស្តុតាងជាវីដេអូ នឹងឯកសារពាក់ព័ន្ធនានាក្នុងសំណុំរឿងព្រះរាជអាជ្ញាបានដោះលែងឈ្មោះ ភឿង ភារៈ ឲ្យមានសេរីភាព ហើយបន្តការស៊ើបអង្កេតលើករណីនេះជាបន្តទៀត ។ ព្រះរាជអាជ្ញា សម្រេចដោះលែងសន្តិសុខធនាគារ ABA ឲ្យមានសេរីភាព
បន្ទាប់ពីមានការប្រកាសព័ត៌មាននោះភ្លាមដែរ អ្នកសារព័ត៌មានក្នុងស្រុកនៅមិនទាន់អស់ការសង្ស័យ ដោយបានសាកសួរទៅលោក គុជ គឹម
ឡុង អ្នកនាំពាក្យអយ្យការអមសាលាដំបូងរាជធានីភ្នំពេញមាន២.ចំណុច ៖ ទី១-ពាក់ព័ន្ធក្នុងការដោះលែងខ្មាន់កាំភ្លើងឲ្យមានសេរីភាព ទី២-នៅពេលដោះលែងខ្មាន់កាំភ្លើងនោះហើយ តើគេបានរួចផុតពីការចោទប្រកាន់ទាំងស្រុងឬយ៉ាងណា ?
(លោក គុជ គឹមឡុង) បាទអរគុណបងប្អូនក្នុងក្រុមទាំងអស់គ្នា ចំពោះសំនួរដែលថា មានការដោះលែងឈ្មោះ ភឿន ភារៈ ជាខ្មាន់កាំភ្លើងនេះ ខ្ញុំសូមបញ្ជាក់ថា តំណាងអយ្យការអមសាលាដំបូងរាជធានីភ្នំពេញ បន្ទាប់ពីបញ្ចប់ការសាកសួរឈ្មោះ ភឿង ភារៈ ចប់សព្វគ្រប់ ហើយនឹងបានពិនិត្យទៅលើឯកសារនានាជាបឋម យើងឃើញថាមានភាពស៊ីសង្វាក់ជាច្រើនដែលជាការការពារខ្លួនដោយស្របច្បាប់ ទៅតាមមាត្រា៣៣ នៃក្រមព្រហ្មទណ្ឌ ។ ហើយមួយវិញទៀតគឺឈ្មោះ ភឿង ភារៈ នេះ ក្រោយពីបានកើតហេតុហើយនោះ គឺឈ្មោះនេះមិនបានគេចវេសពីការទទួលខុសត្រូវចំពោះមុខច្បាប់ទេ គឺនៅទីតាំងកន្លែងកើតហេតុរហូតដល់សមត្តកិច្ចមកដល់ ។
ហើយចំណុចនេះយើងជឿជាក់ថា ឈ្មោះ ភឿង ភារៈ នឹងអាចចូលរួមនូវគ្រប់នីតិវិធី របស់តុលាការនៅពេលខាងមុខ ហើយដោយយោងតាមមាត្រា១០៣ នៃក្រមនីតិវិធីព្រហ្មទណ្ឌ ព្រះរាជអាជ្ញាមានឆន្ទានុសឹទ្ធិក្នុងការដោះលែងឲ្យមានសេរីភាព ។ ហើយចំពោះសំណួរដែលសួបញ្ជាក់ថាតើឈ្មោះនេះបានឲ្យរួចផុតពីការចោទប្រកាន់ទាំងស្រុងឬយ៉ាងណានោះចំពោះសំណួរនេះខ្ញុំសុំបញ្ជាក់ថា «ការដែលព្រះរាជអាជ្ញាអនុញ្ញាតឲ្យមានសេរីភាពជាបណ្តោះអាសន្ននេះ មិនមានន័យថា បុគ្គលឈ្មោះភឿង ភារៈ ជាខ្មាន់កាំភ្លើងនេះត្រូវបានរួចផុតពីការចោទប្រកាន់នោះទេ ដោយសារក្នុងសំណុំរឿងនេះ យើងត្រូវការធ្វើការស៊ើបអង្កេតជាបន្តទៀត» ។ ដោយ៖ ប៊ុនណាក់
បញ្ជូនសន្តិសុខធនាគារABAដែលបាញ់បុរសម្នាក់ស្លា.ប់ទៅតុលាការព្រឹកនេះ
ចែករំលែកព័តមាននេះ