រាជធានីភ្នំពេញ ៖ កម្មការិនីរោងចក្រម្នាក់បានបាត់បង់ជីវិតភ្លាមៗនៅកន្លែង ក្នុងហេតុការណ៍គ្រោះថ្នាក់ចរាចរណ៍មួយកើតឡើង រវាងរថយន្តធុនធំ ប្រភេទយីឌុប បើកបត់ស្តាំ ក៏បានកៀរ និងកិ.នកង់របស់នារីរងគ្រោះកំពុងជិះធ្វើដំណើរតាមផ្លូវ កាលពីវេលាម៉ោង៦និង៣០នាទីយប់ថ្ងៃទី៧…
រាជធានីភ្នំពេញ ៖ កម្មការិនីរោងចក្រម្នាក់បានបាត់បង់ជីវិតភ្លាមៗនៅកន្លែង ក្នុងហេតុការណ៍គ្រោះថ្នាក់ចរាចរណ៍មួយកើតឡើង រវាងរថយន្តធុនធំ ប្រភេទយីឌុប បើកបត់ស្តាំ ក៏បានកៀរ និងកិ.នកង់របស់នារីរងគ្រោះកំពុងជិះធ្វើដំណើរតាមផ្លូវ កាលពីវេលាម៉ោង៦និង៣០នាទីយប់ថ្ងៃទី៧ ខែមេសា ឆ្នាំ២០២១ នៅត្រង់ចំណុចភ្លើងស្តុបផ្លូវចោមចៅ កែងផ្លូវទួលពង្រ ភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ។
ជនរងគ្រោះឈ្មោះ សួន ចាន់គា ភេទស្រី អាយុ២២ឆ្នាំ មុខរបរកម្មការនីរោងចក្រ ស្នាក់នៅផ្ទះជួល ភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ មានស្រុកកំណើតភូមិសំពងជ័យ ឃុំសំពងជ័យ ស្រុកជើងព្រៃ ខេត្តកំពង់ចាម ។
រថយន្តធុនធំ ប្រភេទយីឌុបមួយគ្រឿងខាងលើ ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ព្រះសីហនុ 3A-0985 បើកបរដោយឈ្មោះ ហេង តាំងឡេង ភេទប្រុស អាយុ២៦ឆ្នាំ មុខរបរបើកបររថយន្ត មានទីលំនៅភូមិតាកូយ សង្កាត់ព្រៃញី ក្រុងពោធិសាត់ ខេត្តពោធិសាត់ ។ ចំណែកព្រូរថយន្តឈ្មោះ រ៉េត រ៉ា ភេទប្រុស អាយុ៤១ឆ្នាំ មានទីលំនៅភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល ។ ទាំង២នាក់ត្រូវបានសមត្ថកិច្ចឃាត់ខ្លួន ។
តាមប្រភពពីប្រជាពលរដ្ឋឃើញហេតុការណ៍បានឲ្យដឹងថា មុនពេលកើតហេតុ គេឃើញនារីរងគ្រោះ ជិះកង់មួយគ្រឿងពណ៌ទឹកប្រាក់មួយគ្រឿង ធ្វើដំណើរតាមបណ្តោយផ្លូវចោមចៅ ក្នុងទិសដៅពីលិចទៅកើត លុះមកដល់ចំណុចភ្លើងស្តុបត្រង់កន្លែងកើតហេតុខាងលើ ស្រាប់តែមានរថយន្តធុនធំប្រភេទយីឌុបមួយគ្រឿងខាងលើ បើកបរក្នុងទិសដៅពីពីលិចទៅកើត ស្របទិសគ្នា បួងចង្កូចបត់ស្តាំ ក៏ជ្រុលកៀរ និងកិ.ននារីរងគ្រោះកំពុងជិះកង់នៅផ្នែកខាងស្តាំនៃកង់ក្រោយរថយន្ត បណ្តាលឲ្យបែកក្បាលខ្ទេច បាត់បង់ជីវិតភ្លាមៗនៅកន្លែង ។ ភ្លាមៗនោះ រថយន្តបង្កព្យាយាមបើករត់គេចបានចំងាយជិត១គីឡូម៉ែត្រ ក្បែរស្ពានទួលពង្រ ត្រូវបានប្រជាពលរដ្ឋ និងកម្លាំងប្រជាការពារ ដេញតាមចាប់ឃាត់បានទាំងអ្នកបើកបរ ទាំងព្រូរថយន្ត រួចនាំទៅកាន់ប៉ុស្តិ៍នគរបាលចោមចៅ១ ។
តាមសម្តីក្រុមគ្រួសារនារីរងគ្រោះ បានឲ្យដឹងថា មុនកើតហេតុ ជនរងគ្រោះជិះកង់ចេញពីការងារថែមម៉ោងរោងចក្រ ក្បែរកន្លែងកើតហេតុ ឆ្ពោះទៅផ្ទះជួល លុះមកដល់ចំណុចកើតហេតុខាងលើ ក៏ជួបគ្រោះអកុសលបែបនេះតែម្តង ។
បើតាមសម្តីអ្នកបើកបររថយន្តបង្កវិញ បានឲ្យដឹងថា មុនពេលកើតហេតុ រថយន្តបើកមកតាំងពីខេត្តបាត់ដំបង ឆ្ពោះទៅក្រុមហ៊ុន នៅសង្កាត់ជើងឯក ខណ្ឌដង្កោ លុះមកដល់ចំណុចកើតហេតុខាងលើ ក៏បួងចង្កូតបត់ស្តាំ ចូលផ្លូវទួលពង្រ ក៏ជ្រុលកៀរនិងកិ.នកង់នារីរងគ្រោះតែម្តង ។
ក្រោយពេលកើតហេតុ ស.ពជនរងគ្រោះ ក្រោយពីសមត្ថកិច្ច ចុះទៅពិនិត្យស្លាកស្នាមរួច ក៏បានប្រគល់ជូនក្រុមគ្រួសារ ចាត់ចែងដឹកយកទៅធ្វើបុណ្យតាមប្រពៃណីឯស្រុកកំណើត រីឯវត្ថុតាង រថយន្តបង្ក និងកង់ ព្រមទាំងអ្នកបើកបររថយន្ត ត្រូវបានប្រគល់ជូននគរបាល វាស់វែងរួច យកទៅកាន់ការិយាល័យចរាចរជើងគោកស្នងការក្រុងភ្នំពេញ ដើម្បីកសាងសំណុំរឿងចាត់ការបន្តតាមនីតិវិធី ៕
ចែករំលែកព័តមាននេះ