ក្រុងប៉ោយប៉ែត ៖ សេចក្តីរាយការណ៍ឱ្យដឹងនៅព្រឹកថ្ងៃទី២៨ កញ្ញា ២០១៥ នេះថា ថ្ងៃកាន់បិណ្ឌទី១ក្នុងក្រុងប៉ោយប៉ែតឯណោះវិញ វត្តចំនួន៥ក្នុងចំណោមវត្ត២០ គឺឃើញមានពុទ្ធបរិស័ទចូលរួមមិនច្រើនដូចឆ្នាំមុនៗនោះទេ ។ នេះបើតាមការឱ្យដឹងពីម្ចាស់វេនក្នុងវត្តមួយនីមួយៗ ។
ប្រភពបានឱ្យដឹងទៀតថា វត្ត៥នោះមាន ១-វត្តឃោសត្ថារាម (ហៅវត្តស្រះត្រាច) ២-វត្តរង្សីសូរីរាម (ហៅវត្តថ្មី) ៣-វត្តធិនវ័នសីមារាម ៤-វត្តបាលិលេយ្យ និង៥-វត្តរតនារាមផ្សារកណ្តាល (ដែលជាវត្តទើបមានបញ្ហាកាលពីថ្មីៗនេះ) ពុទ្ធបរិស័ទចំណុះជើងវត្តលើកគ្នាបាតុកម្មទាមទារទម្លាក់ចៅអធិការវត្ត «រតនារាម» ផ្សារកណ្ដាល ។ តែដោយឡែក វត្តរង្សីសូរីរាម ហៅវត្តថ្មី ហាក់មានពុទ្ធបរិស័ទច្រើនក្នុងចំណោមវត្តទាំង៤នោះ ។
បើតាមលោកអ៊ឹង គឹមឆុង ជាអាជីវករម្នាក់បានឱ្យដឹងថា មូលហេតុដែលពុទ្ធបរិស័ទចូលរួមតិចនេះ គឺដោយសារតែមានវិបត្តិសេដ្ឋកិច្ច, វិបត្តិសង្គម និងសន្តិសុខពីប្រទេសជិតខាង ទើបធ្វើឱ្យមានការធ្លាក់ចុះបែបនេះ ។ ដូូចជាការបោះបាយបិណ្ឌវិញ ដែលឆ្នាំមុនៗ គឺមានភាពអូរអរមនុស្សប្រុស-ស្រី-ក្មេង-ចាស់ទាំងម៉ូតូមានជិត១០០គ្រឿងក្នុងមួយព្រឹក តែឆ្នាំនេះវិញ ការបោះបាយបិណ្ឌគឺមានតែម៉ូតូតែ២០គ្រឿងតែប៉ុណ្ណោះ ។
ចែករំលែកព័តមាននេះ