ប្រទេសវៀតណាម ៖ នាយកប្រតិបត្តិប្រចាំតំបន់របស់ក្រុមហ៊ុន Mapletree Investments បានឲ្យដឹងថា អចលនទ្រព្យក្នុងប្រទេសវៀតណាមគឺស្ថិតក្នុងដំណាក់កាលខុសគ្នាមួយនៅក្នុងរឿងដែលកើតឡើងច្រំដែលៗក្នុងវិស័យអចលនទ្រព្យ ធៀបនឹងតំបន់អាស៊ីអាគ្នេយ៍ដទៃទៀត ហើយក៏មានសញ្ញាផ្សេងៗដែលបង្ហាញថាទីផ្សារកំពុងមានការប្រែប្រួល ។
លោកស្រី Wendy Koh បានលើកឡើងនៅក្នុងកិច្ចសម្ភាសន៍មួយកាលពីថ្ងៃសៅរ៍ថា ក្រុមហ៊ុនអចលនទ្រព្យមួយនេះបានចាប់ផ្តើមអាជីវកម្ម SC Vivocity ជាផ្លូវការដែលជាមជ្ឈមណ្ឌលលក់ទំនិញដំបូងគេរបស់ខ្លួននៅក្នុងប្រទេសវៀតណាម ហើយក្រុមហ៊ុនក៏កំពុងស្វែងរកលទ្ធភាពក្នុងការធ្វើសមាហរណកម្មអភិវឌ្ឍន៍គម្រោងទី២នៅក្នុងហូជីមិញផងដែរ ។
លោកស្រីបានកត់សម្គាល់ថា « វៀតណាមកំពុងសម្លឹងមើលពីកំណើនសេដ្ឋកិច្ចខ្លាំងកម្រិតមធ្យម ជាពិសេសបើធ្វើការប្រៀបធៀបជាមួយនឹងតំបន់ដទៃនៅអាស៊ីអាគ្នេយ៍ ។ កំណើនចំណូលគឺមានអត្រាកើនឡើងខ្លាំងជាមួយការកើនឡើងនៃនគរូបនីយកម្ម និងការវិនិយោគផ្ទាល់ពីបរទេស » ។
«តម្លៃអចលនទ្រព្យក្នុងប្រទេសវៀតណាមស្ថិតក្នុងកម្រិតទាបបំផុតហើយយើងកំពុងតែចាប់ផ្តើមមើលឃើញពីការរើបឡើងវិញខ្លះដែរ» ។
Mapletree បានឈានជើងចូលទីផ្សារអចលនទ្រព្យវៀតណាមជាលើកដំបូងកាលពីឆ្នាំ២០០៥ក្នុងវិស័យភស្តុភារ(ដឹកជញ្ជូន) ។ ក្រុមហ៊ុនបានពង្រីកខ្លួនចូលទៅក្នុងឧទ្យានឧស្សាហកម្មដែលទទួលបាននូវគម្រោង Pacific Place ក្នុងក្រុងហាណូយដែលជាគម្រោងអភិវឌ្ឍន៍ចម្រុះជាមួយនឹងការិយាល័យ ផ្ទះល្វែងសេវាកម្មនិងការលក់រាយ និងអគារការិយាល័យ CentrePoint ក្នុងក្រុងហូជីមិញជាដើម ។
ចំណែក SC Vivocity ទើបនឹងចាប់ផ្តើមបើកឲ្យដំណើរការថ្មីនេះគឺស្ថិតក្នុងដំណាក់កាលដំបូងនៃគម្រោង Saigon South Place ដែលបានបញ្ចូលទៅក្នុងការអភិវឌ្ឍបែបចម្រុះលើផ្ទៃដី៤,៤ហិកតាក្នុងទីក្រុងហូជីមិញ ។ ម្យ៉ាងទៀត SC Vivocity ត្រូវបានអភិវឌ្ឍន៍តាមរយៈសម្ព័ន្ធអាជីវកម្មរវាង ក្រុមហ៊ុន Mapletree Investments និង ក្រុមហ៊ុនរួមភាគហ៊ុន Saigon Co.op Investment Development និងសាខាលក់រាយ Vietnam Saigon Co.op ។
Saigon South Place ក៏នឹងបញ្ចូលការិយាល័យកម្រិត A និងអគារផ្ទះល្វែងសម្រាប់បម្រើឲ្យផ្នែកសេវាកម្មផងដែរ ។ នៅក្នុងប្លុកការិយាល័យដំបូងគេនឹងមានផ្ទៃក្រឡាជិត៣ម៉ឺនម៉ែត្រការ៉េ ដែលគេសង្កេតឃើញមានការលើកទឹកចិត្តបរិមាណនៃការស្នើនិងការបិទបញ្ចប់គម្រោងនៅចុងឆ្នាំក្រោយ ។
Mapletree ដាក់ទិសដៅចាប់ផ្តើមសាងសង់ផ្ទះល្វែងសេវាកម្ម ដែលនឹងមានចំនួនសរុបជាង៤០០យូនីតនៅដើមឆ្នាំក្រោយ។សំណង់ទាំងនោះនឹងត្រូវបានប្រតិបត្តិការដោយ Oakwood Asia Pacific ក្នុងនោះក្រុមហ៊ុន Mapletree មានភាគហ៊ុន៤៩%កាលពីឆ្នាំទៅ។
លោកស្រី Koh បានថ្លែងថា ក្រុមហ៊ុនក៏កំពុងមានការចរចា និងការស្វែងរកឱកាសយ៉ាងសកម្មនៅក្នុងក្រុងហូជីមិញ ក៏ដូចជាបណ្តាទីក្រុងដទៃទៀតក្នុងប្រទេសវៀតណាម។ លើសពីនេះក្រុមហ៊ុនកំពុងពិចារណាលើគម្រោងលំនៅឋាននិងការិយាល័យហើយថែមទាំងចាប់បើកទាំងការបំពេញទ្រព្យសកម្ម និងការអភិវឌ្ឍទ្រព្យសកម្មលើមូលដ្ឋាននៃការជ្រើសរើស ។
រីឯអ្នកតំណាងរបស់គណៈកម្មការក្រុងហូជីមិញ បានថ្លែងនៅក្នុងការបើកការវិនិយោគបរទេសកាលពីម្សិលមិញថា Mapletree គឺមានសារសំខាន់សម្រាប់ក្រុងនេះ ។ ការវិនិយោគបរទេសនឹងស្មើនិង២៤,៥%នៃសេដ្ឋកិច្ចរបស់ក្រុងនៅចុងឆ្នាំនេះ ។
សិង្ហបុរី ក៏ស្ថិតក្នុងចំណោមប្រទេស៥ដែលវិនិយោគធំជាងគេបំផុតនៅទីនេះដែរ ជាមួយនឹងគម្រោង៧១៩ដែលមានទំហំទឹកប្រាក់៨,២ប៊ីលានដុល្លារតាមរយៈក្រុមហ៊ុនសិង្ហបុរីរហូតមកទល់នឹងពេលនេះ ។
ប្រយោជន៍របស់ Mapletree ចំពោះគម្រោងរបស់ខ្លួននៅក្នុងប្រទេសវៀតណាមានកម្រិតចាប់ពីលំដាប់មធ្យមនៃតួលេខតែមួយទៅតួលេខខ្ទង់ដប់ ដោយផ្អែកលើទីតាំងនិងភាពកើតឡើងច្រំដែលៗនៃអចលនទ្រព្យ ។ ស្របពេលដែលនៅក្នុងប្រទេសសិង្ហបុរីការទោរទន់ទៅរកគុណប្រយោជន៍ នឹងមានអត្រាខ្ពស់ជាងមុនសម្រាប់អចលនទ្រព្យឧស្សាហកម្ម ប៉ុន្តែតម្លៃទ្រព្យសកម្មគឺមានកម្រិតតិចជាងមុន ។
លោកស្រី Koh បានថ្លែងថា « យើងមានទំនោរទៅរកការសង្កេតមើលទៅលើមូលដ្ឋាននៃការប្រែប្រួល ។ សម្រាប់ទុនប្រកបការក្នុងប្រទេសវៀតណាម គឺវាស្ថិតក្នុងកម្រិតតួលេខខ្ទង់ពាក់ដប់ ចំណែកចំពោះអចលនទ្រព្យអភិវឌ្ឍន៍ជាង២០%ទាំងពីរមុខព្រួញនេះ ស្ថិតក្នុងរយៈពេលអភិវឌ្ឍន៍៣ទៅ៥ឆ្នាំ » ។
នៅគ្រានោះដែរ ក៏មានទិសដៅមួយចំនួនសម្រាប់ដើមទុនរបស់ក្រុមហ៊ុនឯកជនដែលផ្តោតលើវៀតណាមប៉ុន្មានឆ្នាំមកនេះ ក៏ដូចជា លក្ខខណ្ឌទីផ្សារដែលមិនអំណោយផលផងដែរ ប៉ុន្តែវាអាចកើតឡើងស្របពេលដែលមានការចង់វិនិយោគនៅក្នុងការរើបឡើងវិញនៃសេដ្ឋកិច្ចរបស់វៀតណាម ។
លោកស្រី Koh បានឲ្យដឹងទៀតថា «យើងតែងតែបើកឱកាសច្រើន ថាតើវាជាការផ្តោតលើដើមទុនឯកជនរបស់វៀតណាម ដើមទុនឯកជនផ្តោតលើតំបន់អាស៊ីអាគ្នេយ៍ ឬការវិនិយោគពិតប្រាកដផ្នែកអចលនទ្រព្យនៃតំបន់អាស៊ីអាគ្នេយ៍ » ។
លោកស្រីបានបន្ថែមថា «ក្រៅពីមានទ្រព្យសកម្មត្រឹមត្រូវហើយ គឺចាំបាច់ត្រូវការភាពខ្លាំងក្លានៃចំណង់ចំណូលចិត្តពីបណ្តាវិនិយោគិនផងដែរ ។ បន្ទាប់តែពីនេះយើងនឹងពិចារណារៀបចំមូលនិធិមួយតែម្តង ។ ចំពោះភាពលម្អិតនឹងចាំបាច់ត្រូវពិនិត្យពិច័យបន្ថែមទៀត »។
ចំពោះផ្នែកផ្សេងទៀតនៃតំបន់អាស៊ីអាគ្នេយ៍ Mapletree កំពុងមានភាពស្ងប់ស្ងាត់នៅក្នុងការផ្តោតលើម៉ាឡេស៊ី ចំពោះការបិទបញ្ចប់នៃមូលនិធិឯកជន CMREF1 ដែលមានភាពចាស់ខែឆ្នាំមកហើយនោះ ពោលគឺខ្លួនមានគម្រោងលំនៅឋានបីក្នុងភាពជាដៃគូជាមួយ និងក្រុមហ៊ុនអភិវឌ្ឍន៍ដទៃទៀត ។ ក្រុមហ៊ុនកំពុងស្វែងរកការសម្រិតសម្រាំងនៅអគារការិយាល័យនៅក្នុងប្រទេសម៉ាឡេស៊ីផងដែរ។
ជាងនេះទៅទៀតក្រុមហ៊ុនបាននិងកំពុងស្វែងរកឱកាសនៅក្នុងប្រទេសហ្វ៊ីលីពីន ហើយក៏កំពុងចរចាទន្ទឹងរង់ចាំ និងឃ្លាំមើលក្នុងប្រទេសឥណ្ឌូណេស៊ីដែលផ្តល់នូវអតិផរណាទ្រព្យសកម្មខ្លាំងហួសប្រមាណក្នុងក្រុងហ្សាការតា កាលពីប៉ុន្មានឆ្នាំមុននេះ ។
ជំនួញនៅអាស៊ីអាគ្នេយ៍របស់ Mapletree មានទំហំទឹកប្រាក់ជា៦៧៨,៩លានដុល្លារក្នុងទ្រព្យសកម្មដែលស្ថិតក្រោមការគ្រប់គ្រងនៅក្នុងចុងឆ្នាំសារពើពន្ធ២០១៤ជាមួយនឹងទិសដៅវាយលុកឲ្យបាន១,៥ប៊ីលានដុល្លារទៅ២ប៊ីលានដុល្លារនៅឆ្នាំ២០១៩ ។
លោកស្រីបានបន្ថែមថា វៀតណាមតំណាងឲ្យមុខជំនួញច្រើនច្រើនគេនៅអាស៊ីអាគេ្នយ៍របស់ក្រុមហ៊ុន Mapletree ក្រៅតែពីសិង្ហបុរីនាពេលបច្ចុប្បន្ន ប៉ុន្តែវាហាក់ដូចជាមានការលំបាកនៅក្នុងការលើកឡើងថា តើតំបន់នេះនឹងនៅតែដូចករណីលើកឡើងនេះឬយ៉ាងណា ៕
ចែករំលែកព័តមាននេះ