ប្រទេសថៃ ៖ តំបន់Ratchathewi-Phetchaburi ក្នុងក្រុងបាងកក បានក្លាយជាចំណុចក្តៅគួរឲ្យទាក់ទាញចំណាប់អារម្មណ៍មួយពីសំណាក់បណ្តាក្រុមហ៊ុនអភិវឌ្ឍន៍នានាដោយសារតែសក្តានុពលរបស់ខ្លួនដែលវិវឌ្ឍន៍ប្រែក្លាយជាមជ្ឈមណ្ឌលដឹកជញ្ជូនដ៏ធំនៃទីក្រុងនៅឆ្នាំ២០២០ ។
យោងតាមក្រុមហ៊ុនផ្តល់ប្រឹក្សា Plus Property Co ឲ្យដឹងថា តម្លៃដីនៅតំបន់នោះបានឡើងថ្លៃក្នុងកម្រិតលឿនដែលអាចប្រៀបធៀបបានជាមួយនឹងហាងឆេងដីសង្កាត់ Siam Square ។
គម្រោងថ្មីនេះគឺមានគម្លាតខុសគ្នាបន្តិចបន្តួចនិងច្រើនដែរ រវាងអ្វីដែលគេបានចុះបញ្ជីនូវការឡើងថ្លៃក្នុងអត្រាខ្ពស់៩៥% ។
ចំណែកទិន្នន័យពីឆមាសទី១ឆ្នាំ២០១៥នេះបានបង្ហាញថា តម្លៃហាងឆេងបានឡើងថ្លៃពីមួយឆ្នាំទៅមួយឆ្នាំ៦%ឯណោះ ។
អគ្គនាយកគ្រប់គ្រងក្រុមហ៊ុនផ្តល់ប្រឹក្សាខាងលើលោក Poomipak Julmanichoti បានថ្លែងថា ការស្ទាបស្ទង់មួយលើដីដែលមាននៅក្នុងរង្វង់៥០០ម៉ែត្រនៃបរិមាណស្ថានីយរថភ្លើងលើអាកាស Ratchathewi បានចង្អុលបង្ហាញពីកម្រិតកើនឡើងដែលគួរឲ្យចាប់អារម្មណ៍ដោយសារតែទីតាំងកណ្តាល និងតំបន់អភិវឌ្ឍន៍លំនៅឋានខាងក្រៅដែលកំពុងដំណើរការកើនពីតំបន់ Sukhumvit ដែលមានទម្ងន់ឬហាងឆេងខ្ពស់នាពេលបច្ចុប្បន្ន ។
ខណៈដែលក្នុងចំណោមផ្លូវរាបស្មើជាច្រើននៅSukhumvit ដូចជាផ្លូវ Phetchaburi ផ្តល់នូវច្រកចូលដ៏ទូលំទូលាយទៅនឹងសង្កាត់ដែលមានហាងលក់ទំនិញ និងទីតាំងប្រកបជំនួញសំខាន់នៃក្រុងបាងកក ។
ជាងនេះទៅទៀត ការពង្រីករថភ្លើងលើអាកាសOrange Line នឹងធ្វើឲ្យRatchathewi ក្លាយជាច្រកដ៏សំខាន់មួយដែលតភ្ជាប់សង្កាត់ពាណិជ្ជកម្មថ្មីជាមួយនឹងសង្កាត់ Bang Sue ក៏ដូចជាសង្កាត់ Sala Deng , Siam Square និង Asok ។
ស្ថានីយផ្លាស់ប្តូរ និងផ្ទេរអ្នកដំណើរនេះត្រូវបានគេរំពឹងថា នឹងបើកឲ្យដំណើរការនៅឆ្នាំ២០២០ដែលនឹងបង្កើតការទាក់ទាញចំណាប់អារម្មណ៍ច្រើនជាងមុននៅក្នុងការអភិវឌ្ឍអចលនទ្រព្យបម្រើឲ្យវិស័យពាណិជ្ជកម្ម និងលំនៅឋាននៅក្នុងតំបន់នោះ ។
ស្របពេលដែលមានត្រឹមតែការកំណត់បរិមាណដីដែលអាចរកបាននៅក្នុងតំបន់ តម្រូវការបន្តកើនឡើងឥតស្រាក់ស្រាន្តដូចដែលមានភស្តុតាងស្រាប់នៃអត្រាកើនឡើងខ្ពស់៩៥% ។
គម្រោងថ្មី គឺអាចនឹងផ្លាស់ប្តូរយូនីតនីមួយៗលឿនបំផុត បើទោះជាជាប់ពាក់ព័ន្ធនឹងតម្លៃខ្ពស់ ផលលំបាកនៃថ្លៃដើមអភិវឌ្ឍន៍កាន់តែច្រើនពីការរុះរើអគារចាស់ៗដែលស្ថិតនៅលើដីដែលទទួលបានការអភិវឌ្ឍក៏ដោយ ។
បច្ចុប្បន្នមានត្រឹមតែ៥៧យូនីតប៉ុណ្ណោះដែលបានលក់ចេញនៅក្នុងតំបន់នោះហើយដែលតភ្ជាប់ពីផ្លូវPhetchaburi និងផ្លូវស្ថានីយរថភ្លើងលើអាកាស Ratchathewi ដែលភ្ជាប់ទៅ មហាវិទ្យាល័យពាណិជ្ជកម្មក្រុងបាងកកគឺជាផ្លូវលាតសន្ធឹងដែលមានប្រជាប្រិយភាពបំផុតដោយសារតែការវាងកាត់ដោយផ្ទាល់ និងជិតទៅមជ្ឈមណ្ឌលហាងលក់ទំនិញធំៗ ។
តម្លៃខុនដូនៅក្នុងតំបន់បន្តបង្ហាញឲ្យឃើញពីកំណើនដ៏រឹងមាំនៅក្នុងការឆ្លើយតបទៅនឹងតម្រូវការកើនឡើង ។
នៅក្នុងឆមាសទី១នេះ តម្លៃហាងឆេងបានកើនឡើងប្រមាណជា៦%ធៀបនឹងដំណាច់ឆ្នាំទៅឬស្មើនឹង១៥៨.០៤៦បាតក្នុងមួយម៉ែត្រក្រឡា ។
ចំណែកជាងបីឆ្នាំមុននេះ តម្លៃហាងឆេងបានកើនឡើង៤៧%ស្របពេលជាមួយគ្នានឹងការអភិវឌ្ឍមានការកើនឡើងខ្ពស់គឺអាចរកបានត្រឹមតែតម្លៃសមរម្យខុសពីកម្រិតជាមធ្យមនាពេលបច្ចុប្បន្ន ។
កាលពីឆ្នាំទៅ Ideo Q Siam-Ratchathewi (បានលក់ចេញ)និង Wish Signature @ Midtown Siam (ស្ថិតនៅលើការទោរទន់ទៅរកការលក់ចេញ)ត្រូវបានគេចាប់ផ្តើមដាក់លក់លើទីផ្សារក្នុងតម្លៃជាមធ្យម១៧៥.០០០បាតក្នុងមួយម៉ែត្រក្រឡា ខណៈតម្លៃលក់ចេញសម្រាប់គម្រោងអភិវឌ្ឍន៍លំដាប់ខ្ពស់ដូចជា Pyne by Sansiri មានតម្លៃ ២៥០.០០០បាតក្នុងមួយម៉ែត្រក្រឡាកើនឡើង៨០%ពីតម្លៃលក់កាលពី៦ឆ្នាំមុន ។
តាមរយៈនៃការផ្តល់នូវតួលេខទាំងនេះ គម្រោងថ្មីៗដែលបានចាប់ផ្តើមដំណើរការនៅក្នុងតំបន់នោះគឺមានការដាក់តម្លៃលើសពី២០ម៉ឺនបាតក្នុងមួយម៉ែត្រក្រឡា ។
រីឯនៅក្នុងទីផ្សារជួលវិញ យូនីតខុនដូដែលមានគ្រែគេងមួយជាមធ្យមគឺមានតម្លៃ៨០០បាតក្នុងមួយម៉ែត្រក្រឡាក្នុងមួយខែដែលស្មើនឹង៦%នៃការបង្វិលចូលការវិនិយោគ ។
គម្រោងអភិវឌ្ឍន៍នៅក្នុងតំបន់នេះនៅតែមានប្រជាប្រិយភាពដដែល ដោយសារតែការកំណត់ទំហំដីទំនេរដែលអាចប្រើប្រាស់ជាប្រយោជន៍ ។
ទោះជាយ៉ាងណាលោក Poomipak បានលើកឡើងថា « ដីឡូត៍ដែលទំនេរនៅក្នុងសង្កាត់ Ratchathewi គឺជាក់ស្តែងមានការលំបាកនឹងស្វែងរក ។ ម្យ៉ាងទៀត បូកបន្ថែមជាមួយនឹងដីបរិវេណនៅក្បែរៗនឹងសង្កាត់ពាណិជ្ជកម្ម និងគ្រឹះស្ថានសិក្សារតូចធំឈានមុខនៅក្នុងតំបន់របស់ខ្លួន Ratchathewi ក៏នឹងរីករាយជាមួយនូវតម្រូវការខ្ពស់ក្នុងចំណោមជនបរទេសទាំងឡាយដោយសារតែវាស្ថិតនៅក្បែរខាងជាមួយនិងស្ថានទូតនិងបណ្តាក្រុមហ៊ុននានា »។
ចែករំលែកព័តមាននេះ