សំណង់ឧទ្យានឧស្សាហកម្មនៅវៀតណាមចាប់ផ្តើមដំណើរការ
ប្រទេសវៀតណាម ៖ ក្រុមហ៊ុន FLC Group បាចចាប់ផ្តើមសាងសង់ឧទ្យានឧស្សាហកម្ម FLC Hoang Long នៅកណ្តាលខេត្ត Thanh Hoa កាលពីម្សិលមិញ ដែលធ្វើឡើងមុនកាលកំណត់ ។
ប្រទេសវៀតណាម ៖ ក្រុមហ៊ុន FLC Group បាចចាប់ផ្តើមសាងសង់ឧទ្យានឧស្សាហកម្ម FLC Hoang Long នៅកណ្តាលខេត្ត Thanh Hoa កាលពីម្សិលមិញ ដែលធ្វើឡើងមុនកាលកំណត់ ។
ឧទ្យានឧស្សាហកម្មនេះគឺមានទីតាំងស្ថិតនៅក្នុងសង្កាត់ Hoang Anh ,Hoang Long និង សង្កាត់ Hoang Quang នៃក្រុងThanh Hoa និងតំបន់ Hoang Minh , Hoang Thinh និង Hoang Dong នៃស្រុក Hoang Hoa ។
ម្យ៉ាងទៀត វាគ្របដណ្តប់លើផ្ទៃដីប្រមាណជា៣០០ហិកតាក្នុងគម្រោងដែលមានទំហំទឹកប្រាក់១០២,៩លានដុល្លារដែលគេរំពឹងថា នឹងបានបិទបញ្ចប់ និងប្រគល់ឲ្យដល់បណ្តាសហគ្រាសមួយចំនួនក្នុងឆ្នាំនេះ។ តាមដែលការគ្រោងទុក ឧទ្យានឧស្សាហកម្មនេះដែរនឹងស្ថិតក្នុងចំណោមឧទ្យានឧស្សាហកម្មមួយដែលបម្រើឲ្យពហុវិស័យរបស់ខេត្តនេះ។ នៅពេលដែលវាក្លាយជាប្រតិបត្តិការនោះ ត្រូវបានគេរំពឹងថានឹងទាក់ទាញដល់បណ្តាវិនិយោគិនអន្តរជាតិនិងក្នុងស្រុក ជាពិសេសបណ្តាសហគ្រាសមកពីកោះតៃវ៉ាន់ កូរ៉េខាងត្បូង ជប៉ុន និងសហរដ្ឋអាមេរិកក្រៅតែពីតំបន់អឺរ៉ុប នោះក៏ព្រោះតែវាមានទីតាំងស្ថិតនៅក្បែរតំបន់ Nghi Son Industrial Zone ។ ឧទ្យានឧស្សាហកម្ម The Hoang Long នឹងអំពាវនាវដល់បណ្តាវិនិយោគិននានានៃឧស្សាហកម្មដែលមិនបំពុលខ្យល់អាកាសឆ្ពោះទៅរកការអភិវឌ្ឍដែលអាចទ្រទ្រង់រួចទាំងសេដ្ឋកិច្ចនិងបរិស្ថាន ។
ថ្លែងនៅក្នុងពិធីបញ្ចុះបឋមសិលាបុកគ្រឹះសំណង់នោះ លោក Trinh Van Quyet ប្រធានក្រុមហ៊ុនFLC បានលើកឡើងថា ការអភិវឌ្ឍរបស់សួនឧស្សហកម្មនេះបានជួយដល់បណ្តាតំបន់នានានៅក្នុងការទាក់ទាញការវិនិយោគផ្ទាល់ពីបរទេស ក៏ដូចជាការផ្សព្វផ្សាយកំណើនសេដ្ឋកិច្ចសង្គមដូច្នោះដែរ ។
លោកបានឲ្យដឹងទៀតថា « យើងដាក់ទិសដៅនៅក្នុងការបិទបញ្ចប់នូវទិសដៅដំណាក់កាលទី១របស់សួនឧស្សាហកម្មនេះនៅឆ្នាំ២០១៧ » ។
ចំណែកលោក Nguyen Dinh Xung ប្រធានគណៈកម្មការប្រជាជនខេត្តបានថ្លែងថា សួនឧស្សាហកម្មនេះ នឹងក្លាយជាម៉ូដែលមួយសម្រាប់ថ្ងៃអនាគតក្នុងខេត្តនេះដែលសម្រេចបានស្តង់ដាអន្តរជាតិ ។
ក្រៅពីទីតាំងអំណោយផលជាងគេរបស់ខ្លួន FLC Hoang Long ក៏មានគុណប្រយោជន៍ពីអត្រាប្រជាជនច្រើននៃស្រុក Hoang Hoa និងក្រុង Thanh Hoa ផងដែរ ។ ដូច្នេះវានឹងបង្កើតការងារឲ្យពលរដ្ឋបានចំនួន៦០.០០០នាក់ទៅ៨០.០០០នាក់ ។
នៅក្នុងពិធីនោះដែរ ក្រុមហ៊ុន FLC Group និង ក្រុមហ៊ុនHong Fu Footwears Viet Nam របស់កោះតៃវ៉ាន់បានចុះហត្ថលេខាលើកិច្ចព្រមព្រៀងសហប្រតិបត្តិការមួយដែរ ។ បើតាមការបង្ហើបឲ្យដឹង ក្រុមហ៊ុននឹងវិនិយោគក្នុងទំហំដី២០ហិកតាក្នុងឧទ្យានឧស្សាហកម្មនេះសម្រាប់គម្រោងផលិតស្បែកជើងរបស់ខ្លួន ។
ម្យ៉ាងទៀត ក្រុមហ៊ុនបានវិនិយោគក្នុងទំហំទឹកប្រាក់ប្រមាណជា២០០លានដុល្លារក្នុងប្រទេសវៀតណាមជាមួយនឹងគម្រោងចំនួន៨ក្នុងខេត្ត Thanh Hoa ដែលបានការងារចំនួន២០.០០០នាក់ ។
ខេត្តនេះដែរ ត្រូវបានគេសង្កេតឃើញជាទិសដៅវិនិយោគគួរឲ្យទាក់ទាញមួយជាមួយនឹងការធ្វើឲ្យមានភាពខុសប្លែកគ្នានៃហេដ្ឋារចនាសម្ព័ន្ធសង្គមនិងបច្ចេកទេស ។ រីឯសន្ទស្សន៍នៃភាពប្រកួតប្រជែងរបស់ខេត្ត(PCI) គឺខេត្តនេះជាប់ក្នុងលំដាប់ក្រុមដែលអំណោយផលជាងគេបំផុតទី២ នោះក៏ព្រោះតែមានការលើកទឹកចិត្តច្រើន Thanh Hoa បានប្រែក្លាយជាទិសដៅវិនិយោគគួរឲ្យទាក់ទាញមួយជាមួយនឹងទំហំទឹកប្រាក់នៃការវិនិយោគរាប់រយប៊ីលានដុងពីសំណាក់ក្រុមហ៊ុនធំៗដូចជា ៖ ក្រុមហ៊ុន FLC និង Vingroup ។
FLC គឺជាវិនិយោគិនក្នុងស្រុកដ៏ធំជាងគេបំផុតនៅក្នុងតំបន់ជាមួយនឹងទំហំទឹកប្រាក់វិនិយោគសរុបទាំងអស់ចំនួន៦៦៦,៧លានដុល្លារ។ គម្រោងនានារបស់ក្រុមហ៊ុនរួមមានដូចជា FLC Samson Golf និងគម្រោង Beach Resort , FLC Complex , FLC Hoang Long IZ និងតំបន់កសិឧស្សាហកម្មបច្ចេកវិទ្យាខ្ពស់ Lam Son ជាដើម។
លោកឧបនាយករដ្ឋមន្ត្រី Ngiuem Xuan Phuc បានថ្លែងថា «ខេត្ត Thanh Hoa បានចាត់វិធានការខ្លាំងក្លាដើម្បីទាញយកគុណប្រយោជន៍នៃទីតាំងដែលអំណោយផលរបស់ខ្លួន ដូចយ៉ាងធនធានធម្មជាតិ និងបរិយាកាសជំនួញដើម្បីទាក់ទាញការវិនិយោគ » ។
លោក Phuc បានថ្លែងថា ខេត្តនេះក៏គួរតែធ្វើការអំពាវនាវរកការវិនិយោគក្រុមហ៊ុពហុជាតិ ក៏ដូចជាបណ្តាក្រុមហ៊ុនឧស្សាហកម្មនានាជាពិសេសវិស័យបច្ចេកវិទ្យាខ្ពស់តែម្តង។
ជាងនេះទៅទៀត ខេត្តនេះដែរបានដាក់ទិសដៅសម្រេចឲ្យបាននូវអត្រាចំណូលសម្រាប់មនុស្សម្នាក់៣.៦៥០ដុល្លារនៅឆ្នាំ២០២០ ៕
ចែករំលែកព័តមាននេះ