ឃាត.កសម្លា.ប់ក្មេងប្រុសអាយុ១០ឆ្នាំ នៅសង្កាត់ព្រែកឆ្លើយថា ខ្លួនពិតជាបានរំលោ.ភជនរងគ្រោះ
- ភ្នំពេញ
រាជធានីភ្នំពេញ ៖ អធិការនគរបាលខណ្ឌច្បារអំពៅ លោកវរសេនីយ៍ ម៉ៅ សឿត បានថ្លែងប្រាប់កោះសន្តិភាពនាវេលារសៀលថ្ងៃទី៧ ខែមេសា ឆ្នាំ២០២១នេះ អោយដឹងថា…
រាជធានីភ្នំពេញ ៖ អធិការនគរបាលខណ្ឌច្បារអំពៅ លោកវរសេនីយ៍ ម៉ៅ សឿត បានថ្លែងប្រាប់កោះសន្តិភាពនាវេលារសៀលថ្ងៃទី៧ ខែមេសា ឆ្នាំ២០២១នេះ អោយដឹងថា ក្រោយការសាកសួរនាំលើឃាតករ ( ជាបងថ្លៃជីដូនមួយ ) ដែលបានសម្លាប់កុមារ៉ា អាយុ១០ឆ្នាំ ស្លាប់ក្នុងព្រៃត្រែងតាមបណ្តោយផ្លូវថៃហ្គឺ ក្នុងភូមិរបោះអង្កាញ់១ នាសង្កាត់ព្រែកឯងរួចមកជនសង្ស័យបានឆ្លើយថា ខ្លួនពិតជាបានធ្វើសកម្មភាពរំលោភសេពសន្ថវៈលើក្មេងប្រុសររងគ្រោះប្រាកដមែន ។
ជនសង្ស័យជាឃាតករមានឈ្មោះ អុន ភាមុន ភេទប្រុស អាយុ៣០ឆ្នាំ មានទីលំនៅនៅចំណុចក្រោយវត្តជ្រោយអំពិល ភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ ។ ចំណែកក្មេងប្រុសរងគ្រោះមានឈ្មោះ ជា ប៊ុនហេង ភេទប្រុស អាយុ១០ឆ្នាំ មានទីលំនៅក្នុងសង្កាត់ក្បាលកោះ ខណ្ឌច្បារអំពៅ ។
បើតាមលោក ម៉ៅ សឿត អធិការនគរបាលខណ្ឌបានបញ្ជាក់ថា ដើមចមដែលនាំអោយឃាតកររៀបចំគម្រោងរំលោភសម្លាប់ក្មេងប្រុសរងគ្រោះ គឺដោយសាររូបគេខឹងសម្បាជាមួយឪពុកម្តាយក្មេងប្រុសរងគ្រោះដែលតែងតែមើលងាយមើលថោករូបគេមករហូតថាជាមនុស្សខ្ជិលមិនចេះរកការងារធ្វើ ។
លោកអធិការបានបន្តប្រាប់ពីដំណើររឿងអោយដឹងថា ៖ នៅវេលារសៀល ថ្ងៃទី៣១ ខែមេសា ឆ្នាំ២០២១ ថ្ងៃកើតហេតុឃាតករជាបងសាច់ថ្លៃបានរៀបចំគម្រោងជាស្រេច ដើម្បីយកក្មេងប្រុសរងគ្រោះទៅរំលោភសម្លាប់ ។ នៅរសៀលថ្ងៃខែដដែល បន្ទាប់ពីដឹងថា ក្មេងប្រុសរងគ្រោះកំពុងជិះកង់លេងតែម្នាក់ឯងក្នុងវត្តជនសង្ស័យបានស្រូតជិះម៉ូតូមួយគ្រឿងម៉ាក MSX ពណ៌សរ ស្លាកលេខ ភ្នំពេញ 1FJ- 8384 ដោយបបួលទៅទិញប្រហិតញ៉ាំនៅម្តុំផ្លូវថៃហ្គ័រ ។
ក្រោយពីទិញប្រហិតរួច ជនសង្ស័យបានជិះឌុបក្មេងរងគ្រោះទៅមុខបន្តទៀតដោយញ៉ាំប្រហិតនៅលើម៉ូតូតែម្តង ពេលកំពុងជិះម៉ូតូនោះ ប៉ុន្តែស្របពេលជាមួយគ្នានោះ ក្មេងរងគ្រោះបានវាយក្បាលជនសង្ស័យពីក្រោយចំនួន០២ដៃ ជាហេតុធ្វើអោយរូបគេកើតចិត្តខឹងសម្បាកាន់តែខ្លាំង លើគំនុំចាស់ដែលមានក្នុងចិត្តស្រាប់ផងនោះ ។ បន្ទាប់មកជនសង្ស័យបានជិះម៉ូតូទៅឈប់នៅកន្លែងកើតហេតុខាងលើ ហើយជនសង្ស័យបាននិយាយលួងលោមបញ្ចុះបញ្ចូលក្មេងរងគ្រោះឲ្យចុះទៅបេះក្រអៅឈូកជាមួយខ្លួន ។
ប្រភពបន្តថា ពេលចូលទៅដល់កន្លែងស្ងាត់ជនសង្ស័យក៏ធ្វើសកម្មភាពស្រាតខោរបស់ក្មេងរងគ្រោះ ដើម្បីរំលោភតែត្រូវក្មេងរងគ្រោះប្រកែកធ្វើអោយជនសង្ស័យវាយក្មេងរងគ្រោះ២ដៃដួលទៅនឹងដី ។
ភ្លាមៗនោះ ជនសង្ស័យបានកាច់មែកឈើធំល្មមធ្វើសកម្មភាពវាយក្បាលក្មេងប្រុសរងគ្រោះ២ដងបន្ថែមទៀត និងប្រើឈើដដែលចាក់ត្រង់ពោះក្មេងរងគ្រោះបណ្តាលឲ្យស្លាប់នៅហ្នឹងកន្លែងតែម្តង ។ បន្ទាប់ពីសម្លាប់ហើយនោះ ទើបជនសង្ស័យធ្វើសកម្មភាពរំលោភម្តងទៀត តែដោយសាររូបគេភ័យពេក ជាហេតុធ្វើអោយការរំលោភ មិនបានសម្រេចកាមឡើយ ។
ក្រោយការប្រព្រឹត្តិរួចឃាតកររូបនេះក៏ជិះម៉ូតូគេចចេញពីកន្លែងកើតហេតុ ទៅសំងំក្នុងផ្ទះនៅក្រោយវត្តជ្រោយអំពិលធម្មតាដូចជាគ្មានរឿងអ្វីកើតឡើងបន្តិចសោះ ។ ហើយអ្វីដែលសំខាន់នោះ គឺនៅយប់ថ្ងៃដែលបានសម្លាប់ក្មេងរងគ្រោះហើយនោះឃាតកររូបនេះ បានសម្តែងធ្វើជាចិត្តល្អជួយជូនឪពុកម្តាយបង្កើតក្មេងរងគ្រោះ តាមរកផងដែរ ក្រោយបាត់ខ្លួនដោយមិនមានដំណឹង ។
សូមបញ្ជាក់ថា ឃាតករខាងលើត្រូវបានកម្លាំងនគរបាលនៃនាយកដ្ឋាននគរបាលព្រហ្មទណ្ឌក្រសួងមហាផ្ទៃដឹកនាំដោយលោកឧត្តមសេនីយ៍ទោ ជាវ វិបុល សហការណ៍ជាមួយការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ, អធិការដ្ឋាននគរបាលខណ្ឌច្បារអំពៅ និងអង្គភាពការពារកុមារ (CPU) ធ្វើការឃាត់ខ្លួនបានកាលពីល្ងាចថ្ងៃទី៥ ខែមេសា ឆ្នាំ២០២១ នៅលំនៅឋានផ្ទាល់របស់ជនសង្ស័យ ស្ថិតក្រោយវត្តជ្រោយអំពិល ក្នុងសង្កាត់ក្បាលកោះ ខណ្ឌច្បារអំពៅ ។
គួររំលឹកថា នៅវេលាម៉ោង១៣រសៀលថ្ងៃទី៦ ខែមេសា ឆ្នាំ២០២១ កម្លាំងសមត្ថកិច្ចចម្រុះបាននាំខ្លួនឃាតករខាងលើយកទៅធ្វើត្រាប់អំពីសកម្មភាពដែលបានវាយសម្លាប់ក្មេងប្រុសរងគ្រោះ និងរំលោភតាមក្រោយនៅចំណុចកើតហេតុផងដែរ ។
ការយកជនសង្ស័យទៅត្រាប់នោះគេសង្គេតឃើញមានការចោមរោមមើលយ៉ាងអ៊ូរអរពីសំណាក់បងប្អូនប្រជាពលរដ្ឋរស់នៅក្បែរតំបន់កើតហេតុ ក៏ដូចជា បងប្អូនប្រជាអ្នកដំណើរដែលធ្វើដំណើរឆ្លងកាត់ទីនោះជាដើម ។
ក្រោយការនាំទៅធ្វើត្រាប់រួច ជនសង្ស័យត្រូវបញ្ចូនខ្លួនទៅកាន់អធិការដ្ឋាននគរបាលខណ្ឌច្បារអំពៅ ដើម្បីឃុំខ្លួនបណ្តោះអាសន្ន រងចាំកសាងសំណុំរឿង បញ្ចូនទៅតុលាការ ចាត់ការទៅតាមនីតិវិធីច្បាប់នៅពេលក្រោយ ។
គួររំលឹកថា សពក្មេងប្រុសវ័យ១០ឆ្នាំខាងលើ ត្រូវបានពលរដ្ឋអ្នកដើររកឃ្មុំ ប្រទះឃើញដេកស្លាប់អាក្រាតកាយ ក្នុងព្រៃត្រែងដ៏ជ្រៅមួយកន្លែង ស្ថិតក្នុងដីឡូតិ៍គ្មានលេខ តាមបណ្តោយផ្លូវថៃហ្គ័រ ក្នុងភូមិរបោះអង្គាញ់១ សង្កាត់ព្រែកឯង ខណ្ឌច្បារអំពៅ រាធានីភ្នំពេញ កាលវេលាម៉ោង១១ និង៣០នាទីថ្ងៃទី២ ខែមេសា ឆ្នាំ២០២១ ដោយសភាពហើមស្អុយរលួយ មើលសឹងតែលែងស្គាល់ទៅហើយដែរ ៕
ចែករំលែកព័តមាននេះ