រាជធានីភ្នំពេញ ៖ នៅទីបំផុតតារាចម្រៀងនាង សួស វីហ្សា បានជាសះស្បើយពីជំងឺកូវីដ១៩ហើយ បន្ទាប់ពីនាងបានសម្រាកព្យាបាលជំងឺដ៏កាចសាហាវមួយនេះអស់រយៈប្រមាណជាង១០ថ្ងៃមកនេះ។ សួស វីហ្សា បានបង្ហោះសារតាមគណនេយ្យហ្វេសប៊ុករបស់ខ្លួននៅថ្ងៃនេះថា…
រាជធានីភ្នំពេញ ៖ នៅទីបំផុតតារាចម្រៀងនាង សួស វីហ្សា បានជាសះស្បើយពីជំងឺកូវីដ១៩ហើយ បន្ទាប់ពីនាងបានសម្រាកព្យាបាលជំងឺដ៏កាចសាហាវមួយនេះអស់រយៈប្រមាណជាង១០ថ្ងៃមកនេះ។
សួស វីហ្សា បានបង្ហោះសារតាមគណនេយ្យហ្វេសប៊ុករបស់ខ្លួននៅថ្ងៃនេះថា សូមគោរពលោកតា លោកយាយ អុំពូមីង ខ្ញុំមានដំណឹងល្អ ថ្ងៃនេះខ្ញុំបានជាសះស្បើយពីជំងឺ COVID-19 ហើយ ក្រុមគ្រូពេទ្យបានអនុញ្ញាតិឱ្យខ្ញុំចាកចេញពីកន្លែងព្យាបាលនៅសណ្ឋាគារ Great Duke ត្រឡប់ទៅផ្ទះវិញហើយ ប៉ុន្តែសំរាប់ការវិលត្រឡប់ទៅផ្ទះវិញនេះ ក៏ខ្ញុំត្រូវតែបន្តធ្វើចត្តាឡីស័ក នៅបន្ទប់ដាច់ដោយឡែកតែម្នាក់ឯងចំនួន១៤ថ្ងៃបន្ថែមទៀត រហូតដល់ថ្ងៃទី២០ ខែមេសា ខ្ញុំត្រូវទៅមន្ទីពេទ្យដើម្បីយកសំណាកជាលើកចុងក្រោយ ដើម្បីអោយកាន់តែច្បាស់ថា ខ្ញុំពិតជាបានជាសះស្បើយពីជំងឺ COVID-19 100% ពិតប្រាកដមែន។
នាងបញ្ជាក់ថា រយៈពេល១៧ថ្ងៃគត់ ដែលខ្ញុំបានមកសំរាកព្យាបាលជំងឺ COVID-19 នាងខ្ញុំសូមគោរពថ្លែងអំណរគុណអស់ពីចិត្តដល់លោកគ្រូ អ្នកគ្រូពេទ្យទាំងអស់គ្រប់ស្ថាប័នគ្រប់ផ្នែកដែលលោកបានយកចិត្តទុកដាក់មើលថែគ្រប់អ្នកជំងឺទាំងអស់ នឹងបានបំពេញបេសកកម្មដ៏សស្រាក់សស្រាំនៅទីនេះចេញពីបេះដូង។ សូមលោកគ្រូ អ្នកគ្រូពេទ្យទាំងអស់មានសុខភាពមាំមួន កម្លាំងខ្លាំងក្លា នឹងបន្តជួយស្រោចស្រង់ផ្តល់ក្តីសង្ឃឹមដល់អ្នកជំងឺបន្តទៀតដើម្បីអោយពួកអាចគាត់រស់រានមានជីវិតបានទៅជួបក្រុមគ្រួសាររបស់ពួកគាត់វិញ គុណូប្បការៈរបស់លោកគ្រូ អ្នកគ្រូពេទ្យ យើងខ្ញុំនឹងចងចាំដឹងគុណអស់មួយជីវិត។
នាងខ្ញុំសូមថ្លែងអំណរគុណដល់ លោកអុំ អ៊ឹង ឆៃងួន អគ្គនាយកក្រុមហ៊ុនទូរទស្សន៍ហង្សមាស ដែលតែងតែសួរសុខទុក្ខក្មួយនឹងបារម្ភជានិច្ចពីសុខភាពក្មួយតែងតែប្រាប់ក្មួយអោយរឹងមាំតស៊ូយកឈ្នះជំងឺនេះនឹងឆាប់បានជាសះស្បើយបានមកបំពេញការងារនឹងបានជួបក្រុមគ្រួសារវិញ -អរគុណដល់មេដ៏គួរអោយគោរពស្រលាញ់របស់ខ្ញុំ ចែ អ៊ឹង គីមលាង កូនស្រីរបស់អគ្គនាយកក្រុមហ៊ុនហង្សមាស ដែលតាំងតែពីដើមមកគាត់តែងតែបារម្ភយកចិត្តទុកដាក់ជាមួយខ្ញុំ ពេលខ្ញុំឈឺគាត់តែងតែរៀបចំរបស់របរប្រើប្រាស់ របស់ហូបចុកជាច្រើនមុខសុទ្ធតែរបស់ប៉ូវកំលាំង អាហារឆ្ងាញ់ៗមកអោយខ្ញុំហូបមិនដែលដាច់ទេ គាត់តែងលើកទឹកចិត្តមិនថាយប់អធ្រាត្រស្មើរណាទេ អោយតែខ្ញុំមិនសប្បាយចិត្តគាត់តែងតែនៅឆ្លើយឆ្លងលើកទឹកចិត្តខ្ញុំរាល់ថ្ងៃ ខ្ញុំពិតស្រលាញ់គោរពគាត់ណាស់។
អរគុណបងប្រុស ណុប បាយ៉ារិទ្ធ, បងស្រី សុគន្ធ និសា, បងស្រី កែវចាន់ និមល, ហ៊ា តូ, បង ប៉.បង សាន សុវណ្ណឌីន, បងប្រុស លីស៊ីនហួន, បង រ័ត្ន, ប្អូនស្រី វីឌីណែត, បងប្រុស ធែលថៃ អរគុណខ្លាំងដល់បងប្អូនដែលបានកំដរលើកទឹកចិត្តលួងលោមខ្ញុំកំឡុងពេលព្យាបាលជំងឺទាំងអស់គ្នា ទោះជាបងប្អូនក៏កំពុងតែឈឺដូចគ្នាក៏ដោយ ក៏បងប្អូនមិនដែលទុកខ្ញុំចោលទេ មិនថាយប់ថ្ងៃយើងតែងតែឆាតក្នុងគ្រុបជាមួយគ្នា នឹងលើកទឹកចិត្តគ្នាទៅវិញទៅមករហូតបានជាសះស្បើយទាំងអស់គ្នា។
អរគុណបងស្រី ពេជ្រសោភា នឹងម៉ាក់អុំដែលបងតែកំដរប្អូនស្រីនឹងលើកទឹកចិត្តអោយប្អូនរឹងមាំ នឹងធ្វើអោយសើចបំបាត់ទុក្ខ -អរគុណបងប្រុស ប៉ែន ចំរ៉ុង ដែលបានផ្ញើររបស់ឆ្ងាញ់ៗអោយប្អូនបានហូប -អរគុណបងប្រុស គួច ខេវិន ដែលបានផ្ញើររបស់ឆ្ងាញ់ៗមកអោយប្អូនបានហូប -អរគុណបង នីកូ ដែលបានលើកទឹកចិត្តប្អូនមិនអោយពិបាកចិត្ត -អរគុណដល់អ្នកមីងរី នៅស្ថានីយទូរទស្សន៍ហង្សមាស ដែលតែងតែឆាតមកសួរសុខទុក្ខក្មួយស្រីម្នាក់នេះ ។
-អរគុណដល់បង ចន ចន្ទ័លក្ខិណា នឹងបងប្រុសហេងឡុង ប្រធានសមាគមសិល្បករខ្មែរ ដែលបានខមមិនលើកទឹកចិត្តប្អូន -អរគុណបងប្អូនសិល្បករដែលជាតារាក្នុងមហាគ្រួសារហង្សមាស នឹងបងៗបុគ្គលិកគ្រប់ផ្នែកទាំងអស់នៅក្នុងគ្រួសារហង្សមាសដែលបានលើកទឹកចិត្តយ៉ាងកក់ក្តៅ នឹងអរគុណដល់បងប្អូនសិល្បករទាំងអស់ក្នុងប្រទេសដែលបានលើកទឹកចិត្តខ្ញុំនឹងបានជូនពរខ្ញុំអោយឆាប់ជាសះស្បើយ។
ជាចុងក្រោយ កូនសូមក្រាបសំពះគោរពថ្លែងអំណរគុណដល់ប្រមុខថ្នាក់ដឹកនាំ សម្តេចពុក សម្តេចម៉ែ ដែលលោកកំពុងតែហត់នឿយក្នុងការដឹកនាំប្រទេស ក្នុងគ្រាដ៏លំបាកមួយនេះ នឹងបានរៀបចំយុទ្ធសាស្រជាច្រើន ដើម្បីរៀបចំអោយប្រទេសយើងឆាប់បានវិលមករកសភាពដើមដ៏ស្រស់បំព្រងត្រឡប់មកវិញក្នុងពេលឆាប់ៗ កូនសូមគោរពជូនពរសម្តេចពុក សម្តេចម៉ែ សូមលោកទទួលបាននូវសុខភាពល្អបរិបូរណ៍ នឹងគង់នៅជាម្លប់កូនចៅរហូតតរៀងទៅ។ នាងខ្ញុំសូមគោរពដឹងគុណ ឯកឧត្តម ហ៊ុន ម៉ាណែត នឹងលោកជំទាវ ពេជ ចន្ទមុន្នី ដែលលោកទាំងពីរបានយកចិត្តទុកដាក់លះបង់ពេលវេលផ្ទាល់ខ្លួនជាច្រើន ដើម្បីមកមើលថែរក្សាសុខសុវត្តភាពរបស់ប្រជាជននឹងអ្នកជំងឺ COVID19 សូមលោកទាំងពីរទទួលបាននូវសេចក្តីសុខចំរើន នឹងមានសុភមង្គលក្នុងក្រុមគ្រួសារ សូមអោយជួបប្រទះតែសេចក្តីសុខសប្បាយតរៀងទៅ -អរគុណដល់ក្រុមគ្រូពេទ្យស្ម័គ្រចិត្តយុវជនសម្តេចតេជោ(TYDA) ដែលបានដាក់ចិត្តដាក់កាយលះបង់ពេលវេលាមកចូលរួមព្យាបាលអ្នកជំងឺដោយការយកចិត្តទុកដាក់បំផុត សូមជូនពរលោកគ្រូអ្នកគ្រូពេទ្យមានសុខភាពល្អ រឹងមាំខ្លាំងក្លា នឹងនៅតែបន្តការស្រោចស្រង់ជីវិតប្រជាពលរដ្ដយើងបន្តទៀត។
សូមគោរពអរគុណដល់ប៉ាម៉ាក់ បងប្អូនក្រុមគ្រួសារខ្ញុំទាំងអស់ នឹងអរគុណលោកតាលោកយាយមិត្តភក្តិបងប្អូនជិតឆ្ងាយទាំងអស់ដែលបានបារម្ភនឹងជូនពរខ្ញុំអោយឆាប់ជាសះស្បើយ នាងខ្ញុំសូមជូនពរអោយបងប្អូនអុំពូមីង ជួបតែសេសចក្តីសុខ មានសុខភាពល្អ មានសុភមង្គលក្នុងក្រុមគ្រួសារនឹងជៀសឆ្ងាយពីជំងឺចង្រៃទាំងឡាយទាំងពួង ជាពិសេសគឺជំងឺ COVID-19 កុំភ្លេច 3កុំ 3ការពារ ដោយក្តីគោរពពីនាងខ្ញុំ សួស វីសា Sous visa៕
ចែករំលែកព័តមាននេះ