មានតែយកខ្យល់!
នយោបាយ«វប្បធម៌សន្ទនា»រវាងមេបក្ស២ ដែលមានឈ្មោះក្នុងរដ្ឋសភា តាមរយៈវោហារស័ព្ទ រញ្ជួយមីក្រូរបស់សម្តេចតេជោសែន បានចេញលទ្ធផលហើយ ។
ភាគីសន្ទនាម្ខាងដែលគេឱ្យឈ្មោះថា មេបក្សប្រឆាំងបានប្រកាសថា
នយោបាយ«វប្បធម៌សន្ទនា»រវាងមេបក្ស២ ដែលមានឈ្មោះក្នុងរដ្ឋសភា តាមរយៈវោហារស័ព្ទ រញ្ជួយមីក្រូរបស់សម្តេចតេជោសែន បានចេញលទ្ធផលហើយ ។
ភាគីសន្ទនាម្ខាងដែលគេឱ្យឈ្មោះថា មេបក្សប្រឆាំងបានប្រកាសថា «បើចង់ចាប់ចោរ ទាល់តែចូលឱ្យជិតមេចោរ…»។ល។
ទ្រឹស្តីខាងលើអាចមានន័យថា មន្ត្រីទាំងឡាយរបស់បក្សកាន់អំណាចជា«ចោរ»ហើយមេដឹកនាំបក្សកាន់អំណាចយូរជា«មេចោរ» ។ល។ អាចមានន័យទៀតថា តាមរយៈ«វប្បធម៌សន្ទនា»នេះហើយមេបក្សប្រឆាំង មានលទ្ធភាពបានទៅកៀកកើយ អែបជាប់មេបក្សកាន់អំណាច…។
ទ្រឹស្តីដែលបកអាក្រាតចំហខាងលើនេះធ្វើឱ្យតេជោសែន«ស្ថាបនិកនៃវប្បធម៌សន្ទនា»ប្រកាសទាំងបើកភ្នែកធំៗក្របួចមាត់ថា លោកឯងត្រូវតែបកស្រាយឱ្យបានច្បាស់ អ្នកណាចោរ…អ្នកណាមេចោរ…កុំលេងល្បែង«ចាប់ដៃជាន់ជើង…» ហ៊ុន សែន មិនល្ងង់ទេ…បើបកស្រាយមិនច្បាស់ កុំចង់បានវប្បធម៌សន្ទនា…។
នៅមានវោហាស័ព្ទធ្ងន់ៗទៀតដែលមេបក្សប្រឆាំង បានប្រដូចទៅនឹងវាសនាអតីតមេដឹកនាំយូរនៅប្រទេសលីប៊ីឈ្មោះហ្គាដាហ្វី ដែលកងទ័ពធ្វើបដិវត្តន៍ពណ៌ប្រហារជីវិតយ៉ាងព្រៃផ្សៃកន្លងមក ។
សំដីនៃការប្រដូចនោះរបស់មេបក្សប្រឆាំង កាន់តែធ្វើឱ្យមេបក្សកាន់អំណាចឆេះដុំមិនធម្មតាឡើយ…សូម្បីរដ្ឋអំណាចដែលគាំទ្របក្សកាន់អំណាច ក៏ជួយឆេះដុំមិនតិចដែរ…សំដីខាងលើនេះប្រៀបដូចសត្វអាសិរពិស មិនគួរត្រូវយកជាគ្នាបានទៀតទេ ។ មានបំណងប្រដូចតេជោសែនទៅនឹងហ្គាដាហ្វី…
នៅមានសំដីដែលមាន«ពិស»ច្រើនទៀត ដែលមេបក្សប្រឆាំងបានប្រកាសនៅក្រៅប្រទេស ហើយដែលតេជោសែនមានភ័ស្តុតាងគ្រប់គ្រាន់សំរាប់ត្បក…សំរាប់ខោកមិនប្រណី ។ល។
តេជោសែនប្រកាសថា ពេលនេះនិងទៅអនាគត បើមេបក្សប្រឆាំងគ្មានការបកស្រាយណាមួយទេ អ្វីដែលចង់បានគឺអត់ !
មហាជនទូទៅគិតថា មេបក្សប្រឆាំងដែលព្រលះមិនសំចៃមាត់…ជាអ្នកនយោបាយមាត់ដាច…សក្តិសមជាអ្នក ប្រឆាំងដាច់ខាតមែន !
ទំនងប្រហែលជាអត់មានអ្វី យកទៅបកស្រាយ ដើម្បីឱ្យតេជោសែនបានត្រជាក់ចិត្តវិញឡើយ ។ ទីបំផុត…អ្វីដែលចង់បានមានតែខ្យល់ប៉ុណ្ណោះ…យកទៅខ្យល់ !!
អាឡេវ
ចែករំលែកព័តមាននេះ