គ្រួសារយោធិនចំនួន ៦០០នាក់ បានចាក់វ៉ាក់សាំងការពារជំងឺកូវីដ-១៩លើកទី១
- ភ្នំពេញ
រាជធានីភ្នំពេញ ៖ ថ្ងៃទី៥ ខែមេសា ឆ្នាំ២០២១ កងពលតូចលេខ៧០ បានរៀបចំចាក់វ៉ាក់សាំងការពារកូវីដ-១៩ ជូនដល់គ្រួសារយោធិន (លើកទី១) ចំនួន…
រាជធានីភ្នំពេញ ៖ ថ្ងៃទី៥ ខែមេសា ឆ្នាំ២០២១ កងពលតូចលេខ៧០ បានរៀបចំចាក់វ៉ាក់សាំងការពារកូវីដ-១៩ ជូនដល់គ្រួសារយោធិន (លើកទី១) ចំនួន ៦០០នាក់។ ថ្លែងក្នុងឱកាសនោះ ឧត្តមសេនីយ៍ឯក ម៉ៅ សុផាន់ មេបញ្ជាការកងពលតូចលេខ៧០ បានមានប្រសាសន៍ទៅកាន់គ្រួសារយោធិនទាំងអស់ថា ត្រូវជឿជាក់លើវ៉ាក់សាំងនេះ ព្រោះទំរាំផលិតបានវ៉ាក់សាំងមួយ គឺមានការគិតគូរ និងសិក្សាល្អិតល្អន់ជាទីបំផុត។
ដូច្នេះកុំមានការព្រួយបារម្ភនៅពេលចាក់ ដោយគ្រាន់តែអនុវត្តតាមការណែនាំរបស់គ្រូពេទ្យជំនាញឲ្យបានត្រឹមត្រូវ។ មួយវិញទៀត ត្រូវជឿជាក់លើការសម្រេចចិត្តដ៏ត្រឹមត្រូវ និងខ្ពង់ខ្ពស់បំផុតរបស់សម្ដេចតេជោ ហ៊ុន សែន ដែលទទួលយកវ៉ាក់សាំងនេះ មកចាក់ជូនប្រជាពលរដ្ឋកម្ពុជាដោយឥតគិតថ្លៃ៕ ដោយ ៖ សុខ សារ៉ាយ
ចែករំលែកព័តមាននេះ