រាជធានីភ្នំពេញ ៖ តារាចម្រៀងលេចធ្លោប្រចាំផលិតកម្មសាន់ដេ លោក ជ័យ សុវ៉ាត បាន ធ្វើអោយគេចាប់អារម្មណ៍សារជាថ្មី នៅពេលដែលលោកគ្រងឈុតជាលោកគ្រូពេទ្យ ផ្នែកជំងឺកូវីដ។…
រាជធានីភ្នំពេញ ៖ តារាចម្រៀងលេចធ្លោប្រចាំផលិតកម្មសាន់ដេ លោក ជ័យ សុវ៉ាត បាន ធ្វើអោយគេចាប់អារម្មណ៍សារជាថ្មី នៅពេលដែលលោកគ្រងឈុតជាលោកគ្រូពេទ្យ ផ្នែកជំងឺកូវីដ។ តាមពិតតារាលំដាប់យុវវ័យរូបនេះ មានជំនាញជាគ្រូពេទ្យ ក្រោយពេលបានចំណាយពេលសិក្សាជាច្រើនឆ្នាំ។
ជ័យ សុវ៉ាត បានធ្វើអោយគេឯងលើកសរសើរថា មិនត្រឹមតែល្បីលើបណ្តាញចង្កោមសិល្បៈនោះទេ តែក៏ជាគ្រូពេទ្យម្នាក់មានជំនាញខាងក្រៅយ៉ាងល្អ។ ម្ល៉ោះហើយ អំឡុងពេល រលកមេរោគកូវីដ១៩ វាយប្រហារ ពលរដ្ឋកម្ពុជាយ៉ាងច្រើនរងផលប៉ះពាល់ លោកបានងាកមកបំពេញបេសកកម្មការងារដ៏សំខាន់នេះ ដើម្បីជាតិ និងសុខភាពប្រជាជន។
ការប៉ះពាល់ផ្នែកសិល្បៈ ថតសម្តែងនៅពេលនេះលោកទុកមួយអន្លើសិន ដើម្បីងាកទៅជួយសង្គមផ្នែកសុខាភិបាល ក្នុងពេលវេលាកំពុងតែលំបាក ហើយត្រូវរួមសហការគ្នា។
លោក ជ័យ សុវ៉ាត បានប្រាប់ថា លោកអរគុណបងៗតាមស្ថានីយតែងតែខលហៅប្អូន ឡើងកម្មវិធីបន្តបន្ទាប់។ តែប្អូនជាប់បំពេញការងារទប់ស្កាត់ជំងឺកូវីដហើយ ដើម្បីប្រទេសឆាប់បានសប្បាយវិញ កុំភ្លេច 3 កុំ 3 ការពារ។
នេះពិតជាតារាដែលគម្រូ ដើម្បីប្រយោជន៍រួម លោកមិនគិតខ្វល់រឿងផ្ទាល់ខ្លួនឡើយ ធ្វើយ៉ាងណាដើម្បីជួយសង្គមក្នុងគ្រាប្រឈមដ៏លំបាក នៅពេលដែលខ្លះមានជំនាញពេទ្យ។ ចូររក្សានៅការដាក់បញ្ជារបស់សុខាភិបាលផ្អាកការជួបជុំផឹកស៊ី រក្សាគម្លាតអនាម័យ និងតាមដានរាល់ព័ត៌មានចេញផ្សាយផ្លូវការរបស់ក្រសួងសុខាភិបាល ដើម្បីចង់ដឹងអំពីការវិវត្តន៍របស់មេរោគកូវីដ។
ចែករំលែកព័តមាននេះ