ខេត្តមណ្ឌលគិរី ៖ លោកឧត្តមសេនីយ៍ត្រី តូច យ៉ុន ស្នងការនគរបាលខេត្ត និងជាប្រធានគណៈកម្មការមូលដ្ឋាន បាននាំយកថវិកាចំនួន៤លានរៀល ដែលជាថវិការបស់សមាគមមិត្តនគរបាលជាតិទៅជូនដល់គ្រួសារសពលោកពលបាលទោ
ខេត្តមណ្ឌលគិរី ៖ លោកឧត្តមសេនីយ៍ត្រី តូច យ៉ុន ស្នងការនគរបាលខេត្ត និងជាប្រធានគណៈកម្មការមូលដ្ឋាន បាននាំយកថវិកាចំនួន៤លានរៀល ដែលជាថវិការបស់សមាគមមិត្តនគរបាលជាតិទៅជូនដល់គ្រួសារសពលោកពលបាលទោ ក្រាម សម្បូរ ដែលស្លាប់ដោយជំងឺកាលពីថ្ងៃទី២២ កញ្ញា ២០១៥ នៅសាលប្រជុំរបស់ស្នងការដ្ឋាននគរបាលខេត្ត ។
លោកឧត្តមសេនីយ៍ត្រី បានថ្លែងនូវសារចូលរួមរំលែកទុក្ខយ៉ាងក្រៀមក្រំចំពោះការបាត់បង់កងកម្លាំងនគរបាលជាតិ ដែលរយៈពេលកន្លងមក បានខិតខំប្រឹងប្រែងបំពេញការងារជូនអង្គភាពយ៉ាងសកម្មក្នុងការបម្រើជាតិមាតុភូមិ ។
លោកបានបន្តថា ខ្ញុំសូមចូលរួមសោកស្តាយបំផុតក្នុងការបាត់បង់ជំហរគ្រួសារនៃសពរបស់លោកពលទោ ហើយថវិកានេះទោះបីជាតិចតួចក៏ពិតមែន តែក៏បានជួយសម្រាលការខ្វះខាតបានមួយគ្រាផងដែេរ ។
លោកឧត្តមសេនីយ៍ត្រី បានបញ្ជាក់ថា ថវិកានេះ គឺបានមកពីកងកម្លាំងនគរបាលសមាគមមិត្តនគរបាលជាតិដែលបានបង់ថវិកាជាប្រចាំសម្រាប់ពេលមានធុរៈ ដូចជាពេលនេះជាដើម ។ ដូច្នេះគ្រួសាររបស់សពត្រូវយកថវិកាទាំងនេះទៅចាត់ចែង និងដោះស្រាយទៅតាមតម្រូវការជាចាំបាច់ក្នុងជីវភាព ៕
ចែករំលែកព័តមាននេះ