រាជធានិភ្នំពេញ ៖ អគ្គីភ័យមួយបានឆាបឆេះឡើងនៅក្នុងបន្ទប់មួយជាន់ទី២ នៃមន្ទីរព្យាបាលធ្មេញ ច័ន្ទ សុខុម ក្បែរផ្សារថ្មី ដែលបង្កឡើងដោយសារតែការឆ្លងចរន្តអគ្គិសនី ដោយបានបង្កឱ្យមានការភ្ញាក់ផ្អើលយ៉ាងខ្លាំងទាំងកណ្តាលថ្ងៃត្រង់ទៅដល់កម្លាំងមានសមត្ថកិច្ច និងរថន្តពន្លត់អគ្គិភ័យរបស់ស្នងការនគរបាលរាជធានីភ្នំពេញចំនួន០៤គ្រឿងចុះទៅជួយធ្វើអន្តរាគមន៍បាញ់…
រាជធានិភ្នំពេញ ៖ អគ្គីភ័យមួយបានឆាបឆេះឡើងនៅក្នុងបន្ទប់មួយជាន់ទី២ នៃមន្ទីរព្យាបាលធ្មេញ ច័ន្ទ សុខុម ក្បែរផ្សារថ្មី ដែលបង្កឡើងដោយសារតែការឆ្លងចរន្តអគ្គិសនី ដោយបានបង្កឱ្យមានការភ្ញាក់ផ្អើលយ៉ាងខ្លាំងទាំងកណ្តាលថ្ងៃត្រង់ទៅដល់កម្លាំងមានសមត្ថកិច្ច និងរថន្តពន្លត់អគ្គិភ័យរបស់ស្នងការនគរបាលរាជធានីភ្នំពេញចំនួន០៤គ្រឿងចុះទៅជួយធ្វើអន្តរាគមន៍បាញ់ ទឹកពន្លត់បានទាន់ពេលវេលាផងដែរ ។
ករណីនេះដែរ បានកើតឡើង កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី០៥ ខែមេសា ឆ្នាំ ២០២១ នៅចំណុចបន្ទប់ជាន់ទី២ គ្លីនិកព្យាបាលធ្មេញ ច័ន្ទ សុខុម (ក្បែរផ្សាថ្មី) ទីតាំងផ្ទះលេខ ១៥៥A ផ្លូវលេខ ១៥៤ កែងផ្លូវលេខ ៨១ ក្នុងសង្កាត់ផ្សារថ្មីទី ២ ខណ្ឌដូនពេញ រាជធានីភ្នំពេញ។
តាមប្រភពព័ត៌មានបានប្រាប់ឱ្យដឹងថា មុនពេលកើតហេតុ ពេលដែលមានក្រុមបុគ្គលិកទាំងប្រុស ទាំងស្រី របស់មន្ទីរព្យាបាលធ្មេញ ច័ន្ទ សុខុម ជាច្រើននាក់កំពុងតែនាំគ្នាធ្វើការនៅខាង ក្នុងនោះ ក៏ស្រាប់តែមានផ្សែងខ្មៅហុយទ្រលោមពេញក្នុងពេទ្យ និងចេញមកខាងក្រៅក៏ធ្វើអោយមានការភ្ញាក់ផ្អើល និងនាំគ្នារត់ចែកជើងគ្នាតាមស្វែងរកថា វាចេញពីកន្លែងណា?
ភ្លាមនោះ ក្រុមបុគ្គលិកក៏បានប្រទះឃើញមានអណ្តាតភ្លើងកំពុងតែឆាបឆេះឡើង និងមានផ្សែងខ្មៅហុយឃ្មួញខ្មាញ់ចេញពីបន្ទប់មួយនៅជាន់ទី២ ហើយក៏បាននាំគ្នាស្រវ៉េស្រវ៉ាយកបំពង់ពន្លត់អគ្គិភ័យទៅធ្វើការបាញ់ទឹកពន្លត់ និងខ្លាចក្រែងមិនអាចពន្លត់បាន ខាងមន្ទីរពេទ្យក៏បានទាក់ទងហៅរថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញឱ្យមកជួយអន្តរាគមន៍បាញ់ទឹកពន្លត់បន្ថែមទៀតផងដែរ។
តាមប្រភពដដែលបានប្រាប់បន្តទៀតថា ក្រោយពេលដែលទទួលបានការរាយការណ៍អំពីករណីអគ្គីភ័យកំពុងតែកើតឡើងនៅក្នុងមន្ទីរព្យាបាលធ្មេញ ច័ន្ទ សុខុម ខាងលើរួចហើយ ភ្លាមនោះក៏បង្ករ ការ ភ្ញាក់ផ្អើលទៅដល់កម្លាំងមានសម្ថកិច្ចមូលដ្ឋានខណ្ឌដូនពេញជាច្រើននាក់ បានមកដល់នាំគ្នាជួយសម្រួលចរាចរណ៍ និងរថយន្តពន្លត់អគ្គិភ័យរបស់ការិយាល័យបង្ការ និងពន្លត់អគ្គិភ័យនៃស្នងការនគរបាលរាជធានីភ្នំពេញចំនួន៤គ្រឿងចុះមកជួយធ្វើការអន្តរាគមន៍បាញ់ទឹកពន្លត់បានទាន់ពេលវេលា និងមិនឆេះរាលដាលអ្វីធំដំឡើយ ។
ពាក់ព័ន្ធទៅ និងករណីអគ្គីភ័យ ឆាបឆេះបន្ទប់មួយនៅជាន់ទី២ របស់មន្ទីរពេទ្យធ្មេញ ច័ន្ទ សុខុម ខាងលើនេះ គឺកើតឡើងដោយសារតែឆ្លងចរន្តអគ្គិសនី ហើយបានឆេះបំផ្លាញអស់ទូរទស្សន៍ចំនួន ២គ្រឿង ម៉ាស៊ីនត្រជាក់១គ្រឿង និងតុកៅអី ១ឈុតប៉ុណ្ណោះ ។ ក្នុងករណីអគ្គីភ័យឆាបឆេះឡើងនៅក្នុងបន្ទប់មួយនៅជាន់ទី២ របស់មន្ទីរព្យាបាលលធ្មេញ ច័ន្ទ សុខុម នេះបានឆេះបំផ្លាញអស់ទូរទ្សន៍ចំនួន០២គ្រឿង ម៉ាស៊ីនត្រជាក់០១គ្រឿង និងតុ កៅអី ចំនួន ១ឈុត និងសម្ភារៈប្រើប្រាស់មួយចំនួនទៀតប៉ុណ្ណោះ ។
កម្លាំងមានសមត្ថកិច្ចបានប្រើប្រាស់បំពង់ពន្លត់អគ្គិភ័យអស់ជាច្រើនបំពង់ និងប្រើប្រាស់ទឹក បាញ់អស់ចំនួន១គ្រឿង ក្នុងចំណោមរថយន្តពន្លត់អគ្គីភ័យទាំងអស់ចំនួន៤គ្រឿង ដែលបានចុះមកជួយ ធ្វើការអន្តរាគមន៍ទើបធ្វើអោយភ្លើងរលត់ និងគ្រប់គ្រងបានទាន់ពេលវេលា និងមិនបង្ករការឆេះរីករាលដាលធ្ងន់ធ្ងរតទៅទៀត ៕
ចែករំលែកព័តមាននេះ