ផ្ទុះកូវីដ-១៩ ទម្រង់ថ្មី នៅមន្ទីរពេទ្យក្រុងតូក្យូមួយ
ប្រទេសជប៉ុន ៖ ទូរទស្សន៍រដ្ឋជប៉ុន NHK រាយការណ៍នាថ្ងៃទី៤ មេសាថា ប្រមាណជា៧០% នៃអ្នកជំងឺឆ្លងវីរុសកូវីដ-១៩ ដែលធ្វើតេស្ត ក្នុងមន្ទីរពេទ្យមួយនៃទីក្រុងតូក្យូ…
ប្រទេសជប៉ុន ៖ ទូរទស្សន៍រដ្ឋជប៉ុន NHK រាយការណ៍នាថ្ងៃទី៤ មេសាថា ប្រមាណជា៧០% នៃអ្នកជំងឺឆ្លងវីរុសកូវីដ-១៩ ដែលធ្វើតេស្ត ក្នុង
មន្ទីរពេទ្យមួយនៃទីក្រុងតូក្យូ កាលពីខែមុន សុទ្ធតែជាអ្នកឆ្លងវីរុសបំប្លែងខ្លួនដែលគេស្គាល់ថា អាចកត់បន្ថយកិច្ចការពារនៃវ៉ាក់សាំង ។
វីរុសបំប្លែងខ្លួនហៅ E484K នៃ PROTEINESPIKE ត្រូវបានរកឃើញលើមនុស្ស១០នាក់ក្នុងចំណោមមនុស្ស១៤នាក់ ដែលធ្វើតេស្តមានលទ្ធ
ផលវិជ្ជមាននៃវីរុសនៅមន្ទីរពេទ្យសាកលវិទ្យាល័យវេជ្ជសាស្ត្រនិងទណ្ឌសាស្ត្រក្រុងតូក្យូ កាលពីខែមីនា ។ តាមរបាយការណ៍ថា រយៈពេល២ខែដំបូងនៃឆ្នាំនេះអ្នកជំងឺ១២នាក់ក្នុងចំណោមអ្នកជំងឺ៣៦នាក់ ដែលឆ្លងវីរុសកូវីដជាអ្នកផ្ទុកវីរុសទម្រង់ថ្មី ដោយក្នុងចំណោមពួកគេពុំមាននរណាម្នាក់ទើបធ្វើដណើរមកពីបរទេសនាពេលថ្មីៗនេះឡើយ ។ មនុស្សទាំងនេះក៏សុទ្ធតែជាអ្នកមិនបានប៉ះពាល់ជាមួយមនុស្សដែលធ្វើដំណើរមកពីបរទេសដែរ ។
បណ្ដាអ្នកទទួលខុសត្រូវមន្ទីរពេទ្យនោះក្នុងពេលភ្លាមៗនៅមិនទាន់ធ្វើអត្ថាធិប្បាយណាមួយដែរ ។ ខណៈការប្រកួតកីឡាអូឡាំពិករដូវក្ដៅជិតមកដល់គឹនាខែកក្កដាខាងមុខនេះប្រទេសជប៉ុនប្រឈមមុខនឹងរលកថ្មីនៃការឆ្លង ។ បណ្ដាអ្នកជំនាញការខាងសុខាភិបាលមានការព្រួយបារម្ភជាពិសេសចំពោះការឆ្លងរាលដាលវីរុសទម្រង់ថ្មីដែលបំប្លែងខ្លួន ខណៈការចាក់វ៉ាក់សាំងទ្រង់ទ្រាយធំដល់ប្រជាជននៅមិនទាន់ចាប់ផ្ដើមនៅឡើយ ។
កាលពីថ្ងៃទី២ មេសា មានអ្នកឆ្លងវីរុសថ្មី៤៤៦នាក់ត្រូវបានរាយការណ៍នៅក្រុងតូក្យូជាតួលេខនៅទាបពីប្រៀបធៀបទៅនឹងអ្នកឆ្លងជាង២.៥០០នាក់កត់សម្គាល់ឃើញកាលពីខែមករា ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ