ខេត្តពោធិ៍សាត់ ៖ ប្រជាពលរដ្ឋមួយគ្រួសារនៅក្នុងភូមិរោងម៉ាស៊ីន ឃុំស្វាយលួង ស្រុកកណ្តៀង ខេត្តពោធិ៍សាត់ ដែលទទួលរងគ្រោះ ដោយភ្លើងឆេះផ្ទះអស់គ្មានសល់អ្វីនោះ ត្រូវបានលោកខូយ រីដា ប្រធានគណៈកម្មាធិការ, លោក វ៉ាន់ ហ៊ាង នាយកប្រតិបត្តិសាខាកាកបាទក្រហមកម្ពុជា ខេត្តពោធិ៍សាត់ នាំយកអំណោយមនុស្សធម៌ របស់សាខា ទៅប្រគល់ជូនដល់ទីកន្លែងកើតហេតុ កាលពីថ្ងៃទី២៣ កញ្ញា ២០១៥ ដែលរួមមានអង្ករ៥០គីឡូក្រាម, មី១កេះ, តង់ខៀវ១, ត្រីខ៦កំប៉ុង, ឃីត១កញ្ចប់ និងថវិកា១លានរៀល ។
លោកខូយ រីដា ប្រធានគណៈកម្មាធិការសាខាកាកបាទក្រហមកម្ពុជា ខេត្តពោធិ៍សាត់ បានមានប្រសាសន៏ថា ៖ បន្ទាប់ពីទទួលបាន សេចក្តីរាយការណ៍ ពីអាជ្ញាធរឃុំ-ស្រុកអំពីករណីភ្លើងឆេះផ្ទះនេះភ្លាមលោក ម៉ៅ ធនិន ប្រធានកិត្តិយសសាខាកាកបាទក្រហមកម្ពុជាខេត្ត បានចាត់ឱ្យក្រុមការងារ នាំយកអំណោយមនុស្សធម៌របស់សាខាមកប្រគល់ជូនជាបន្ទាន់ ដើម្បីឲ្យគ្រួសាររងគ្រោះមានសម្ភារប្រើប្រាស់ និងហូបចុកបានមួយគ្រា ។
សកម្មភាពនេះ ស្របទៅតាមអនុសាសន៍ដ៏ខ្ពង់ខ្ពស់ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា មានគោលការជាក់លាក់ ក្នុងការជួយដល់ជនរងគ្រោះដោយប្រការផ្សេងៗ ទូទាំងប្រទេសដូចជា រងគ្រោះដោយទឹកជំនន់ អគ្គីភ័យ ។ល។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ