រាជធានីភ្នំពេញ ៖ មេរោគដ៏កាចសាហាវវីរុសកូវីដ-១៩ បានរាតត្បាតឆ្លងដល់ចៅក្រមសាលាដំបូងរាជធានីភ្នំពេញម្នាក់ នឹងក្រុមគ្រួសារនោះគឺលោក ធ្ធាំ ប៊ុណ្ណា បានរកឃើញវិជ្ជមានកូវីដ-១៩ សង្ស័យឆ្លងពីកូនប្រុសរបស់លោកម្នាក់ ដែលបម្រើការងារក្នុងបន្ទប់ជាមួយគ្នា…
រាជធានីភ្នំពេញ ៖ មេរោគដ៏កាចសាហាវវីរុសកូវីដ-១៩ បានរាតត្បាតឆ្លងដល់ចៅក្រមសាលាដំបូងរាជធានីភ្នំពេញម្នាក់ នឹងក្រុមគ្រួសារនោះគឺលោក ធ្ធាំ ប៊ុណ្ណា បានរកឃើញវិជ្ជមានកូវីដ-១៩ សង្ស័យឆ្លងពីកូនប្រុសរបស់លោកម្នាក់ ដែលបម្រើការងារក្នុងបន្ទប់ជាមួយគ្នា ។ នេះបើតាមមន្ត្រីសុខាភិបាល បានយករថយន្តសាមុយទៅដឹកលោក ធ្ធាំ ប៊ុណ្ណា នឹងក្រុមគ្រួសារកាលពីយប់ថ្ងៃ ទី៤ ខែមេសា ឆ្នាំ២០២១ នេះ ។
កាលពីកន្លងទៅនេះ កូនប្រុសរបស់លោក ធ្ធាំ ប៊ុណ្ណា ត្រូវបានរកឃើញវិជ្ជមានកូវីដ-១៩ បន្ទាប់មក លោក និងសមាជិកគ្រួសារ ក៏ត្រូវបានធ្វើចត្តាឡីស័កនៅផ្ទះ ហើយធ្វើតេស្តរកកូវីដ.១៩ ។ ក្រោយធ្វើតេស្តលើកទី២ លទ្ធផលបញ្ជាក់នៅល្ងាចថ្ងៃទី៤ ខែមេសា ឆ្នាំ២០២១ បង្ហាញថា លោកមានវិជ្ជមានកូវីដ១៩ផងដែរ។ ក្រៅពីលោកចៅក្រមសាលាដំបូងរាជធានីភ្នំពេញ ក៏មានសាច់ញាតិរបស់គាត់មួយចំនួនទៀត ក៏ត្រូវបានរកឃើញវិជ្ជមានកូវីដ-១៩ ផងដែរ ។
លុះយប់ថ្ងៃទី៤ខែមេ សា ឆ្នាំ២០២១ លោក ធ្ធាំ ប៊ុណ្ណា និងសាច់ញាតិរបស់លោកមួយចំនួន រស់នៅផ្ទះលេខ២៨ ផ្លូវលេខ៣១៧ សង្កាត់បឹងកក់ទី១ ខណ្ឌទួលគោក ត្រូវបានក្រុមគ្រូពេទ្យទៅដឹកមកព្យាបាលនៅមន្ទីរពេទ្យ ។
សូមបញ្ជាក់ថា លោក ធ្ធាំ ប៊ុណ្ណា ជាចៅក្រមសាលា ដំបូងរាជធានីភ្នំពេញ បម្រើការងារនៅបន្ទប់អក្ស (ច) ជាន់ទី២ ដែលបន្ទប់នោះ និងត្រូវផ្អាកការចេញចូលជាបណ្តោះអាសន្ន បន្ទាប់ពីរកឃើញ ការឆ្លងវីរុសកូវីដ.១៩ ដើម្បីអនុវត្តតាមវិធានរបស់ក្រួងសុខាភិបាល និងអនុសាសន៍ណែនាំដ៏ខ្ពង់ខ្ពស់ ពីសំណាក់សម្ដេចអគ្គបហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នូវវិធានការ ៣.កុំ ៣.ការពារ ដើម្បីទប់ស្កាត់ការរាតត្បាតជំងឺកូវីដ.១៩ ដ៏កាចសាហាវនេះ ៕
ចែករំលែកព័តមាននេះ