រាជធានីភ្នំពេញ ៖ ហាង OCHADO នៅល្ងាចថ្ងៃទី២១ កញ្ញា កន្លងទៅនេះ រៀបចំកម្មវិធីបើកសម្ពោធជាផ្លូវការនៅកម្ពុជា ដោយមានការចូលរួមជាកិត្តិយសពីតារាសម្តែងកម្ពុជាល្បីៗ រួមនឹងភ្ញៀវកិត្តិយសជាច្រើនរូបផ្សេងទៀត ។
លោកសេង ឆាយហេង អ្នកគ្រប់គ្រងហាង OCHADO បានឲ្យដឹងថា ហាង OCHADO មានដើមកំណើតនៅប្រទេសជប៉ុន ប៉ុន្តែដំណើរការហាងបើកដំបូងគេនៅប្រទេសសាំងហ្គាពួរ ក្នុងឆ្នាំ២០១១ ហើយបន្ទាប់មកទៀតនៅឆ្នាំ២០១១ ហាង OCHADO បានបើកនៅប្រទេសម៉ាឡេស៊ីជាលើកដំបូង ហើយក៏បានបើកសាខានៅតាមបណ្តាប្រទេសផ្សេងទៀតនៅអាស៊ី ដូចជា ប្រុយនេ ឥណ្ឌូនេស៊ី ភីលីពីន និងប្រទេសផ្សេងទៀត។
លោកបន្តថា «OCHADO មានសាខានៅក្នុងប្រទេសកម្ពុជាយើង នាំមកនូវតែដែលមានគុណភាពល្អបំផុតជាមួយនឹងរូបមន្តធម្មជាតិពីប្រទេសជប៉ុន ហើយគ្រឿងផ្សំទាំងអស់ដែល OCHADO ប្រើត្រូវបានផ្គត់ផ្គង់មកពីOCHADO នៅប្រទេសសាំងហ្គាពួរ ហើយក៏បានទទួលស្គាល់ពីក្រសួងសុខាភិបាលផងដែរ»។ លោកថា Yakult Green Tee និង Honey Tea Matcha គឺជាភេសជ្ជៈក្នុងចំណោមភេសជ្ជៈរសជាតិផ្សេងទៀត ធ្វើឲ្យសុខភាពរបស់យើងកាន់តែរឹងមាំជាមួយនឹងកម្រិតជាតិផ្អែមដែលគ្មានបន្ថែមជាតិស្ករ។ ហាង OCHADO មានរសជាតិតែច្រើនប្រភេទដូចជា OCHADA Lemon Green Tea, OCHADO Honey Aloe Vera Tea, OCHADO Okinawa Matcha Milk Tea, OCHADO Oreo Chocolate, POP Egg Milk Tea ជាដើម។ លើសពីនេះ ការរចនាម៉ូដពិសេសនៃម៉ាកសញ្ញាសម្រាប់ភេសជ្ជៈលក់ដាច់បំផុត និងភេសជ្ជៈរសជាតិថ្មីៗ មិនត្រឹមតែជួយបង្កើនចំណូលឲ្យ OCHADO ប៉ុណ្ណោះទេ វាក៏ទទួលបាននូវការកត់សម្គាល់ម៉ាកយីហោ ក្នុងចំណោមអ្នកពិសារភេសជ្ជៈទាំងអស់ដែលធ្វើឲ្យ OCHADO តែងតែនាំមុខគេជានិច្ចក្នុងឧស្សាហកម្មផលិតតែ។ ដោយឡែកក្រុមតារាសម្តែងកម្ពុជាដែលបានចូលរួមនៅក្នុងកម្មវិធីនេះ មានការគាំទ្រទៅលើគុណភាពនៃផលិតផលរបស់ OCHADO ដែលមាននៅកម្ពុជាពេលនេះនឹងជឿជាក់ថា គ្រប់ភេសជ្ជៈរបស់ហាង OCHADO នឹងពិតជាទទួលបានការគាំទ្រពីយុវវ័យកម្ពុជា៕
ចែករំលែកព័តមាននេះ